2 कोरिन्‍थ 13:7 - पुना गच्छरना NT (BSI)

⁷ अक्कु ऎम धर्मेसिन गोहरारदम का नीम एकअम मलदौ मल ननोर। इदगे मला का ऎम जंचना नू जितचका ऎथ्र'ओम, लिकिन इदगे गोहरारदम का ऎम जंचना नू हार मंजकम एन्ने ऎथ्रना ती हूँ, नीम दौ ननोर।

2 कोरिन्‍थ 13:7 ပူးပေါင်းရင်းမြစ်များ

मत्तायोस 6:13

अरा एमन पाप नन्ना ही चिबाख़ारना नू खतर'आ अमा चि'आ, लिकिन मलदौ ती एमन नाड़ा। [एन्‍देरगेका राजी दरा सवंग दरा ओहमा हुल्‍लो गुटी निंग्‍है दिम र'ई। आमेन।]’

यॊहनस 17:15

ऎन आरिन ख़ॆख़ेल ती हो'आ कला गे मल गोहरारदन, लिकिन आरिन मलदौ नाद ती ख़ापा गे गोहरारदन।

रोमी 1:28

आर धर्मेसिन चिन्‍ह'आ मल बिद्दयर। ख़ने धर्मेस हूँ आर ही बैड़ो बुधिन आर ही म‍इय्याँ राजी नना गे अम्‍बियस चिच्‍चस। औंगे आर इबड़ा उर्मी मलदौ नलखन नन्नर।

रोमी 12:17

मलदौ ही ऊजी नू मलदौ अमा नना। ओर्मा आलर ही ऎरना नू दौ नना गे चिहुट नना।

रोमी 13:13

उल्‍ला ता आलर लेक्‍खा नाम उजगो डहरे नू ऎकदत नेकअन। नाम रिझ रंग अरा ऊंक्‍खना अरा पेहरन ही सोतरा नलख अरा लम्‍पट नलख अरा अरबानखरना अरा डाहना आबो ती तरकूटी र'अदत नेक‍अन।

रोमी 16:10

अपेल्‍लॆस गे मोंजरा एकास मसी नू पोकता उरखस। अरिस्‍तोबुलोसी एड़पातर गे मोंजरा।

1 कोरिन्‍थ 11:19

नॆ निम्‍है नू बड़ियर उरखकानर आरिन अख़तार'आ गे, ख़ाड़रना निम्‍है मझी नू मन्ना ही चाड़ र'ई दिम हिके।

2 कोरिन्‍थ 10:10

एन्देरगेका एंग्है पत्त नू जोक्‍क आलर एन्ने ब'अनर का, “आसी चिठी गुट्ठी बोझा अरा अरबना र'ई। लिकिन आस एम्है गने र'अदस ख़ने, आस पयहा र'अस अरा कछनख्रना नू सवंगिय मलका बेसे र'अस।”

2 कोरिन्‍थ 10:18

एन्देरगेका नॆ तान तंगन ओहमा नन्दस आस मला, उर्बस ती ओहमा ख़क्खोस आस दिम इंझ्रतारदस।

2 कोरिन्‍थ 13:6

एंगा असरा र'ई का नीम अख़'ओर का ऎम तइरका अदिया ही जंचना नू हार मल मंजकादम।

2 कोरिन्‍थ 13:8

एन्देरगेका ऎम मानी ही बिड़दो एन्‍देर हूँ नना पोल्‍लोम, लिकिन मानी गेम उर्मिन नना ओंगोम।

2 कोरिन्‍थ 13:9

ऎम पयहा र'अना ती हूँ नीम सवंगिय र'अदर, इदगे ऎम रिझ्रदम। अरा ऎम गोहरारदम हूँ का नीम बड़ियर मनोर क'ओर।

2 कोरिन्‍थ 6:4

लिकिन ऎम धर्मेसी मानिम जॊंख़म एन्ने उर्मी मदहे नू एम्है उज्‍जना ओक्‍कना ती ऎद्ददम। कोड़हे खतीर नन्ना नू, कलपारना नू, कीड़ा नू, सस्ती नू,

2 कोरिन्‍थ 8:21

एन्देरगेका धर्मेसी ऎरना नू लेका मला आलर ही ऎरना नू हूँ उजगो आबोन नना गेम कोड़हे चिहुट नन्दम।

फिलिप्‍पी 4:8

छेद्दे नू अना भईरो, एका एका कत्‍था मानिम र'ई, अरा एका एका कत्‍था मईन जॊगे र'ई, एका एका कत्‍था उजगो र'ई, अरा एका एका कत्‍था निमन र'ई, अरा एका एका कत्‍था चोन्हा र'ई, अरा एका एका कत्‍था दौ नामे ख़क्ख्र'ऊ र'ई, अरा एका एका कत्था कोड़हे बॆस अरा ओहमा जॊगे र'ई, अबड़ा ही पत्त नू लेका सोचते र'आ।

1 थेस्‍सलोनिकॆयर 5:23

अक्‍कु कोड़े चि'ऊ धर्मेस दिम निमन उर्मी तरा नेम्‍हा नन्‍दस नेक‍अन। अरा नम्‍है उर्बस येसु मसीसी किर्रना बेड़ा गूटी नम्‍है बॊलता अरा जिया अरा मॆद दौ गने अरा बिगर बदी ही र'अन नेक‍अन।

1 तीमोथियुस 2:2

बॆलर अरा आकुस नू र'उर गे बिन्‍ती नना, इदगेका नाम महबा अरा म‍ईन ती ख़न्न ऎख़ना अरा सल्‍ल गने उज्‍जोत।

2 तीमोथियुस 2:15

नीन बिगर लजर'अम धर्मेसी जॊंख़स र'आ ती, मानिम कत्‍थन लहे लहे बॆस लगे सिखाब'ऊ र'आ ती निंगन धर्मेसी मुन्‍दहारे उजगो आल ऎद'आ गे चिहुट र'आ।

2 तीमोथियुस 4:18

उर्बस एंगन उर्मी रकम ही मलदौ नलख ही बिड़दो ती नाड़ोस अरा तंग्‍है मेर्ख़ा राजी नू कोड़ेम अंड़सत'ओस। आसी दिम महबा हुल्‍लो ती हुल्‍लो गूटी मन्‍ते र'ओ। आमेन।

याकॊब 1:12

बिढ़्रनन सह'ऊ आलासिन धर्मेस आसीस नन्दस। एन्देरगेका आस आ बिढ़्रना नू बड़ियर र'अना ती उजगो आलस उरखका ख़ॊख़ा, धर्मेस तंग्हा नू चोन्हा ननुर गे चि'ओन एन्ने गच्छरका जनमजुग उज्जना ही इनामन आस ख़क्खोस।

1 पतरस 2:12

मल पत्त'उर ही मझी नू निम्‍है उज्‍जना ओक्‍कना बॆस र'अना र'ई। औंगे आर निमन मलदौ ननू ब'अनर ती बदी नन्नर ती हूँ, निम्‍है दौ नलख गुट्ठिन ऎरोर ती धर्मेस आलारिन नेंवई नना गे बरना उल्ला नू असिन महबा ननोर।