2 कोरिन्‍थ 13:14 - पुना गच्छरना NT (BSI)

¹⁴ उर्बस येसु मसीसी मया अरा धर्मेसी चोन्हा अरा नेम्‍हा बॊलतासी मेस्रका नीम ओर्मर गने र'अन नेकअन।

2 कोरिन्‍थ 13:14 ပူးပေါင်းရင်းမြစ်များ

मत्तायोस 6:13

अरा एमन पाप नन्ना ही चिबाख़ारना नू खतर'आ अमा चि'आ, लिकिन मलदौ ती एमन नाड़ा। [एन्‍देरगेका राजी दरा सवंग दरा ओहमा हुल्‍लो गुटी निंग्‍है दिम र'ई। आमेन।]’

यॊहनस 4:10

येसुस अदिन आनाकिर्ताचस, “धर्मेसी चि'अना इनामन अरा नॆ निंगन ‘एंगा ओना गे अम्मु चि'ई’ एन्ने ब'अदस, अदिन नीन अक्‍का होले, नीनिम एंग्‍है गुसते अम्मु ने'ओय दने। अरा ऎन निंगा गे उज्‍जना चि'ऊ अम्‍मन चिच्का र'ओन दने।”

यॊहनस 4:14

लिकिन नॆ एंग्‍है चि'अना अम्मन ओन्‍दस आस फेन इकला हूँ ओनक'आ मल सार'ओस। एका अम्मन आस गे ऎन चि'अदन, आद आस नू ओन्‍टा पझरा फुटना ती जनमजुग उज्‍जनन चि'ओ।”

यॊहनस 7:38

नेम्‍हा पुथी ब'अना लेक्‍खा एंग्‍है मइय्याँ पत्त'उसी जिया ती उज्‍जना चि'ऊ अम्मु ख़ाड़ लेक्‍खा बाह'ओ उरखो।”

त‍इरकर 15:11

लिकिन नाम पत्त'अदत का नाम अरा आर हूँ उर्बा येसुसी सोग्‍गे ती नाड़र'ओत।”

रोमी 1:7

ऎन रोम नगरे नू र'ऊ निमा ओर्मर गे ई चिठिन लिखदन। धर्मेस निमन चोन्‍हा नन्‍दस अरा आसी आलर मना गे चज्जिका र'अदस। नम्‍है धर्मे बंगस अरा उर्बस येसु मसीस ती निमा मया अरा कोड़े ख़क्ख्रअन नेकअन।

रोमी 16:20

कोड़े ही धर्मेस लॆम सैतान आबोन निम्‍है ख़ेड्डे किइय्या गेंजत'ओस चि'ओस। नम्‍है उर्बस येसु मसीसी मया निम्‍है म‍इय्याँ मन्‍तेम र'ओ।

रोमी 16:23

गायोस एकास एंग्‍है अरा गोट्टा कलीसिया ही पाही ईरू र'अदस, आस निमन मोंजरा नन्‍दस। एरस्‍‍तोस नॆ नगरे ता भंडारी र'अदस अरा एम्‍है भ‍ई क्वार्तोस निमन मोंजरा नन्‍दर।

रोमी 16:27

ओर्त लेका लूरगर धर्मेस गे येसु मसीस ती जनमजुग गूटी ओहमा मनन नेकअन। आमेन।

रोमी 5:5

असरा ती लज्‍जे मॊख़रना मल मनी, एन्‍देरगेका धर्मेस नमा गे चिच्का नेम्‍हा बॊलतस ती तंग्‍है चोन्‍हा आबोन नम्‍है जिया नू चाचकादस।

रोमी 8:39

मेर्ख़ा म‍इय्याँ ता आलॊ मलता ख़ॆख़ेल खोंड़ख़ा ता आलॊ ही सवंग, अरा एकअम इन्द्रिइम नन्ना गढ़्रका आलॊ नमन धर्मेसी चोन्‍हा ती एकदा नम्‍है उर्बस मसी येसुस नू र'ई छिंडा पुल्‍ली।

रोमी 8:9

लिकिन नीम पाप मॆद सुबहा ही तबे नू मल र'अदर। अरा धर्मेसी बॊलता निम्‍है नू मड़'ई होले, नीम बॊलतस ही तबे नू र'अदर। एका ओर्तस नू मसीसी बॊलता मलकी होले आस मसीसी मलदस।

1 कोरिन्‍थ 12:13

एन्‍देरगेका नाम यहूदीर मलता नन-यहूदीर मलता बिट्ठी ननू जॊंख़ मलता छछिन्‍द र'अदत। अन्नु हूँ नाम ओर्मत ओन्‍टे नेम्हा बॊलतस ती ओन्‍टे मॆद नू नॊड़रकत। अरा नाम ओर्मत ओन्‍टे नेम्हा बॊलतासिन ख़क्‍खकत।

1 कोरिन्‍थ 14:16

मला होले नीम निम्‍है बॊलता ती धर्मेसिन ओहमा ननो बारी, नेम्‍हा बॊलतासी इनाम गुट्ठी ही पत्त नू बल्‍लू आलस निम्‍है मझी र'अदस होले, निम्‍है ओहमा नन्‍नन मेनोस ती आस एकासे “आमेन” ब'ओस। एन्‍देरगेका नीम एन्‍देर बाचकर अदिन आस गा बलदस।

1 कोरिन्‍थ 16:23

उर्बा येसुसी मया निम्‍है गने र'अन नेकअन।

1 कोरिन्‍थ 3:16

नीम धर्मेसी मन्‍दिर हिकदर, अरा धर्मेसी बॊलता निम्‍है नू मड़'ई, इदिन नीम बलदर का?

1 कोरिन्‍थ 6:19

नीम इदन बलदर का निम्‍है मॆद नेम्‍हा बॊलतासी मन्‍दिर हवे? अरा धर्मेस ती नीम ख़क्‍ख्रका नेम्‍हा बॊलतस निम्‍है नू ओक्रदस। नीम निम्‍है मलदर।

2 कोरिन्‍थ 8:9

नीम गा नम्है उर्बस येसु मसीसी मया आबोन अख़दर का, आस उरुब रहचका ती हूँ निम्‍है चड्डे कीड़ा मंजस, ईगेका नीम आसी कीड़ा मन्ना ती उरुब मना ओंगोर।

गलातिया 5:22

लिकिन बॊलतासी ख़ंजपा चोन्‍हा, रिझ, कोड़े, सहना, सोग्‍गे ऎरना, दौ नन्ना, पत्त'अना,

इफेसुस 2:18

औंगे आसी चड्डे नाम इरबत ओन्टा बॊलतस ती धर्मे बंगस मुन्दहारे बर'आ ओंग्दत।

इफेसुस 2:22

अरा आसी नू नीम हूँ नेम्हा बॊलतस ती धर्मेसी ओक्करना अड्डा मना गे ओन संगे मेस्र'अरकी कम्रनुम कादर।

इफेसुस 5:9

एन्‍देरगेका बिल्‍ली ही ख़ंजपा नू उर्मी दौ अरा उजगो अरा मानिम र'ई।

इफेसुस 6:23

धर्मे बंगस अरा उर्बस येसु मसीस तरती नीम उर्मी भइय्योर गे सान्‍ति अरा पत्त'अना गने ता चोन्‍हा ख़खख्र'अन नेकअन।

फिलिप्‍पी 2:1

औंगे नीम मसीसी र'अना ती जिया सालना, अरा चोन्‍हा ती डिढ, अरा नेम्हा बॊलतासी गने मेस्रका अरा दया अरा सोग्‍गे ऎरना र'अना ती,

1 यॊहन 1:3

नीम हूँ एम्है गने मेस्र'आ गे, एन्द्रन ऎम ईरकादम अरा मेंजकादम अदही पत्त नू ऎम निमा मेन्त'अदम। एमा ई मेस्रना गा धर्मे बंगस गने अरा आसी ख़द्दस येसु मसीस गने र'ई।

1 यॊहन 3:16

मसीस तंग्है जियन नमा गे चिच्का ती नाम इदन अख़दत का चोन्हा एन्द्रा र'ई। औंगे नाम हूँ नम्है संगे मसी भईर गे नम्है जियन चि'अना र'ई।

1 यॊहन 3:24

एकास धर्मेसी पॆसका गुट्ठिन पॆस्रदस, आस धर्मेस गने मेस्रना नू बन्चकादस, अरा धर्मेस हूँ आस गने मेस्रना नू बन्चकादस। धर्मेस नमा गे चिच्का नेम्हा बॊलतस ती नाम इदन अख़दत का धर्मेस नम्है गने मेस्रना नू बन्चकादस।

यहूदा 1:21

अरा धर्मेसी चोन्हा नू कमरका र'आ। नम्है उर्बस येसु मसीसी सोग्गे नमा गे जनमजुग उज्जनन ओन्द्र'ओ आ उल्ला ही पाब ऎरा।