2 कोरिन्‍थ 13:11 - पुना गच्छरना NT (BSI)

¹¹ छेद्दे नू अना भईरो, रिझ्र'आ, बड़ियर मना, डिढ मना, ओन जिया ती र'आ, निभर'आ ती र'आ। ख़ने चोन्‍हा अरा सान्ति ही धर्मेस निम्‍है गने र'ओस।

2 कोरिन्‍थ 13:11 ပူးပေါင်းရင်းမြစ်များ

मत्तायोस 1:23

“ऎरा! डिं‍डा पेल्‍लो ओत्‍था ऎख़ मनो अरा ओन्‍टा ख़द्दासिन पाको अरा आसिन इम्मानुऎल ब'ओर अदही माने ‘धर्मेस नम्‍है गने र'अदस’।”

मत्तायोस 5:48

औंगेम नीम बड़ियर मना, एकासे निम्‍है मेर्ख़ा ता बंगस उर्मी गुन्न नू बड़ियर र'अस।’

मरकुस 10:49

येसुस इदिन मेंजस, ख़ने आस असन इज'अरकी बाचस, “आसिन मॆख़ा।” आलर आ अन्‍धहासिन मॆख़रकी बाचर, “डिढ नना! चो'आ! आस निंगन मॆख़दस।”

मरकुस 9:50

बॆक ड‍उल हिके। लिकिन बॆक ही तीनना मेटर'ओ कालो होले, अदही तीनना एकासे कमर'ओ? निम्‍है पत्त'अना आ बॆक लेक्‍खा र'ई, औंगे निम्‍है पत्त'अना नू जिटजिट ने र'आ। अरा नीम ओरोत इरिब नू मेसेर'अरकी उज्‍जा।”

लू‍कस 9:61

अरा अउर ओर्तोस बाचस, “अना उर्बायो! ऎन निंग्‍है गने चॊंख़्र'ओन, लिकिन मुन्‍द एंगन एंग्‍है एड़पा ता आलर गुसते बिदा मना गे काला चि'आ।”

यॊहनस 17:23

ऎन आर ही नू र'अदन, अरा नीन एंग्‍है नू र'अदय, होले आर ओंटम र'अना नू पखड़ मन्नर नेकअन। औंगे नीनिम एंगन तइय्कादय, अरा एकासे नीन एंगन चोन्‍हा नन्दय, अन्नेम आरिन हूँ चोन्‍हा नन्‍दय, एन्ने ख़ॆख़ेल अक्‍ख ख़च्‍चो।

त‍इरकर 15:29

नीम मूर्ती गुट्ठी गे अरगका ओन्ना-मॊख़ना अरा ख़ॆंस अरा घोंघन पॆदख़का मेक्‍खो गुट्ठी ही अहड़ा अरा उर्मी रकम ही पेहरन ही सोतरा नलख ती तरकूटी र'अके। इबड़ा ती नीम तरकूटी र'ओर होले निमा गे दौ मनो। निम्‍है दौ मनन नेक‍अन।”

त‍इरकर 18:21

अरा आस आर ही ती बिदा मंजस ती बाचस, “धर्मेसी मने र'ओ होले ऎन अउरिम बर'ओन।” आस इफेसुस नगरे ती कोहाँ डोंगा ती उरखस।

त‍इरकर 23:30

इकला एंगा गे मेन्‍दरा का जोक्‍क यहूदीर ईसिन पिटा गे चिताबुता नंजकानर। होले ऎन लॆम ईसिन निंग्‍है गुसन त‍इय्कन चिच्‍चकन। ऎन ईस म‍इय्याँ गुन्‍हा ठेकाब'उरिन हूँ आनकन का निंग्‍है गुसन आर ईसी पत्त नू गुन्‍हा ठेकाब'ओर।”

रोमी 12:16

अपन ती नन्नर नू कोड़े गने उज्‍जा। अमा फुल‍ई नना, लिकिन टूटपुंजिया आलर गने मेस्र'आ ती र'आ। निमन लूरगर अमा सोच'आ।

रोमी 12:18

ऎ बग्‍गे मना ऊंगी आ गूटी ओर्मा आलर गने कोड़े गने र'आ।

रोमी 14:19

औंगे नाम एकदा कोड़े आबोन उन्‍द्र'ई अरा अपन ती नन्नर नू मेसरनन बड़ियर ननी अदिन नना गे चिहुट नन्‍दत नेकअन।

रोमी 15:13

धर्मेस नॆ असरा चि'ऊ र'अदस आस निमन उर्मी बेसे रिझ्रना अरा कोड़े ती नीन्‍द'ओस, एन्‍देरगेका नीम आसिन पत्त'अदर। होले नेम्‍हा बॊलतासी सवंग ती निम्‍है असरा नीन्‍दनुम क'ओ।

रोमी 15:33

कोड़े ही धर्मेस निम्‍है ओर्मर गने र'अदस नेकअन। आमेन।

रोमी 16:20

कोड़े ही धर्मेस लॆम सैतान आबोन निम्‍है ख़ेड्डे किइय्या गेंजत'ओस चि'ओस। नम्‍है उर्बस येसु मसीसी मया निम्‍है म‍इय्याँ मन्‍तेम र'ओ।

1 कोरिन्‍थ 1:10

अना भईरो! ऎन नम्‍है उर्बस येसु मसीसी आकुस ती निमन ने'अदन का नीम ओर्त ओर्त गने मेस्र'आ ती उज्‍जा, होले निम्‍है मझी नू ख़ाड़रना मल मनो। अरा नीम ओन जिया अरा ओन मने ती मेस्र'आ ती र'आ।

2 कोरिन्‍थ 1:4

आस दिम उर्मी कलपारना ती नमन जिया सालत'अदस। औंगे ऎम धर्मेस तरती ख़क्ख्रका जिया सालना ती, एकअम कलपारना नू र'उरिन जिया सालत'आ ओंग्‍दम।

2 कोरिन्‍थ 13:14

उर्बस येसु मसीसी मया अरा धर्मेसी चोन्हा अरा नेम्‍हा बॊलतासी मेस्रका नीम ओर्मर गने र'अन नेकअन।

2 कोरिन्‍थ 13:9

ऎम पयहा र'अना ती हूँ नीम सवंगिय र'अदर, इदगे ऎम रिझ्रदम। अरा ऎम गोहरारदम हूँ का नीम बड़ियर मनोर क'ओर।

इफेसुस 4:12

सुसर नलखन नना गे नेम्हा आलारिन सपड़'आ गेम आस ई इनाम गुट्ठिन चिच्चस, होले मसीसी मॆद कलीसिया बड़ियर मन्नुम क'ओ।

इफेसुस 4:3

अरा सान्‍ति नू मेस्र'अरकी, नेम्हा बॊलतस चिच्का ओन संगे र'अनन ख़ापा गे नीम एन्देर एन्देर नना ओंग्दर उर्मिन नना।

इफेसुस 6:23

धर्मे बंगस अरा उर्बस येसु मसीस तरती नीम उर्मी भइय्योर गे सान्‍ति अरा पत्त'अना गने ता चोन्‍हा ख़खख्र'अन नेकअन।

फिलिप्‍पी 1:27

ऎन निम्है गुसन बर'ओन ती ऎरोन मलता मल हूँ बर'ओन, नीम ओन्टे गुना बॊलता नू ओन्टा जिया मनरकी दौ कत्‍था ही पत्त'अना गे अर्जाना नुम र'अदर एन्ने ऎन मेना गे, नीम इवंदम नना का, निम्‍है उज्‍जना ओक्‍कना येसु मसीसी दौ कत्‍था गे जॊगे मनन।

फिलिप्‍पी 3:16

अन्नु हूँ नाम एका गूटी पखड़ मंज ख़च्चकादत अदही लेक्‍खम उज्जा गे चिहुट नन्ना र'ई।

फिलिप्‍पी 4:2

उर्बस नू ओर्त ओर्त गने ओन्टे जिया ती र'आ गे ऎन बहिनर युओदिया अरा सुन्तुख़े गुसन गोहरारदन।

फिलिप्‍पी 4:4

उर्बस नू सगरो रिझ्र'आ, ऎन अउरिम ब'अदन रिझ्र'आ!

फिलिप्‍पी 4:9

एका कत्‍थन नीम एंग्‍है ती सिख्रकर, अरा इंझ्रकर, अरा मेंजकर, अरा एंग्‍है नू ईरकर, अबड़न दिम पॆस्र'आ। होले सान्ति ही धर्मेस निम्‍है गने र'ओस।

1 थेस्‍सलोनिकॆयर 3:10

ऎम फेन निम्‍है गने भेंट मनोम ती निम्‍है पत्त'अना नू र'ई आ पयहा आबोन बड़ियर नना गे उल्‍ला दरा माख़ा नगदे गोहरारदम।

1 थेस्‍सलोनिकॆयर 4:1

अक्‍कु अना भईरो, ऎम गोहरारदम अरा उर्बा येसुस नू आनदम, एकासे उज्‍जना ओक्‍कना र'ई अरा धर्मेसिन पत्तारना र'ई अदिन नीम एम्‍है तिगाब'‍अना ती अक्‍कादर। अरा अन्नेम उज्‍जा ओक्‍का लगदर, अइय्या अउरिम परदा।

1 थेस्‍सलोनिकॆयर 4:18

औंगे इबड़ा कत्‍था गुट्ठी ती ओर्त ओर्तोरिन रिझ्रत'आ।

1 थेस्‍सलोनिकॆयर 5:13

आर ही नलख चड्डे आरिन चोन्‍हा नना ती आरिन कोड़हे मईन जॊगे अख़'आ। अरा ओर्त ओर्त गने कोड़े ती मेस्र'आ ती उज्‍जा।

1 थेस्‍सलोनिकॆयर 5:16

सदौ रिझ्र'आ।

1 थेस्‍सलोनिकॆयर 5:23

अक्‍कु कोड़े चि'ऊ धर्मेस दिम निमन उर्मी तरा नेम्‍हा नन्‍दस नेक‍अन। अरा नम्‍है उर्बस येसु मसीसी किर्रना बेड़ा गूटी नम्‍है बॊलता अरा जिया अरा मॆद दौ गने अरा बिगर बदी ही र'अन नेक‍अन।

2 थेस्‍सलोनिकॆयर 2:16

अक्‍कुन नम्‍है उर्बस येसु मसीस अरा नम्‍है धर्मे बंगस नमन चोन्‍हा नंजस ती तंग्‍है मया ती नमा सगरो जिया सालना अरा बॆस असरा चिच्चस।

2 थेस्‍सलोनिकॆयर 3:1

अना भईरो! छेद्दे नू उर्बासी कत्‍था निम्‍है गुसन अंड़सिया अन्नेम उर्मी अड्डा चाँड़हे अंड़सो म‍ईन ख़क्‍ख्र'ओ अदगे एमा गे गोहरार'आ।

2 थेस्‍सलोनिकॆयर 3:16

अक्‍कुन कोड़े ही उर्बस तानिम निमा उर्मी बेड़ा उर्मी रकम ही कोड़े चि'अत र'अदस नेक‍अन। उर्बस निम्‍है ओर्मर संगे र'अदस नेकअन।

2 तीमोथियुस 2:22

औंगे नीन जॊंख़ परिया ता मलदौ रिझ रंग नलख गुट्ठी ती बोंगा। अरा निमन जिया ती धर्मेसी बिन्‍ती ननुर गने मानी नलख नन्ना ती, अरा पत्त'अना ती, अरा चोन्‍हा ती अरा कोड़े उज्‍जना ती र'आ गे बेद्दा।

इब्रानी 12:14

ओर्मर गने मेस्र'आ ती उज्‍जा गे अरा निम्‍है ऎकना नू नेम्‍हा गने र'आ गे चिहुट नना। बिगर नेम्‍हा ती नॆ हूँ धर्मेसिन ऎरा पोल्‍लोर।

इब्रानी 13:20

मसीसी ख़ॆंस ती जनमजुग ही गच्‍छरनन कमचका ती भेंडो ही कोहाँ महरस नम्‍है उर्बा येसुसिन केचका ती उज्‍जताचका कोड़े ही धर्मेस,

याकॊब 1:4

अरा नीम निम्है इन्द्रिइम चाड़ नू मल खंग्ररकी पखड़ अरा निंद्रका ती र'आ गे, निम्‍है खतिर नन्ना उर्मी तरा नलख ननन नेकअन।

1 पतरस 3:11

अरा आस मलदौ ती तरकूटी र'अरकी दौ नन्ना र'ई। अरा आस कोड़ेन बेद्ददस ती अइय्यम उज्जना ऎकना र'ई।

1 पतरस 3:8

छेद्द नू आन्‍दन, नीम ओर्मर ओन्टे जिया ओर्त ओर्तर ही पत्त नू सोच नू र'आ, ओर्मारिन भईर लेक्‍खा चोन्हा नना, सोग्‍गे ईरू अरा लुदऊ जिया मना।

1 पतरस 5:10

अक्कु उर्मी दसा नू उर्मी रकम ही संगरा ननुस धर्मेस निमन मसी येसुस नू ता निम्है पत्त'अना ही चड्डे तंग्है मल मुंज्रना महबा नू मीख़ियस। नीम जोक्क घड़ी सस्ती सारका ख़ॊख़ा आस तानिम निमन पोकता ननोस, अरा बड़ियर ननोस, अरा सवंग चि'ओस ती बड़ियर इज्जत'ओस।

दहदर मंजका कत्‍था 22:21

उर्बा येसुसी मया नीम ओर्मर मइय्याँ र'अन नेकअन।