2 कोरिन्‍थ 12:7 - पुना गच्छरना NT (BSI)

⁷ अन्नु हूँ एंगा नू धर्मेसी कोड़हे देखार दहदर नन्तारकी र'ई। ऎन इबड़ा नू फुलई अम्‍बोन मना। औंगे एंग्‍है कया नू ओन्टा अच्‍च कुड़चका र'ई। ईद एंगा गे सस्ती चि'ऊ सैतान ही ओन्टा पैकस हवे, औंगे ऎन फुलई मल मनोन दने।

2 कोरिन्‍थ 12:7 ပူးပေါင်းရင်းမြစ်များ

मत्तायोस 26:67

ख़ने आर आसी मुंही नू तुप्‍पियर ती आसिन घुसियाचर, अरा नन्‍नर थपड़ाचर ती बाचर,

मत्तायोस 4:10

ख़ने येसुस अदिन बाचस, “अनय सैतान कगरार'अय कलय! एन्‍देरगेका नेम्हा पुथी नू लिख्रकी र'ई, ‘नीन निंग्‍है धर्मे उर्बासिन ऒड़ लक्‍के अरा आसी लेका महबा ननके।’”

लू‍कस 13:16

ई आलिन ऎन कोड़े नंजकन आद अब्राहमसी तंग्‍दा हवे आद गा मेक्‍खो मल्‍ली। एकदन सैतान अठारा बछर ती धरचकी रहचा। इदिन ख़न्न ऎख़ना उल्‍ला नू हूँ कोड़े नन्ना दौ दिम र'ई।”

1 कोरिन्‍थ 4:11

ऎम अक्‍कुन गूटी हूँ कीड़ा अरा ओनक'आ नू र'अदम, अरा ठेठंगे र'अदम, अरा कुंहड़ारदम, अरा असन इसन ठुडुरदम जोबोरदम।

1 कोरिन्‍थ 5:5

आ बारी आ आलासिन आसी मॆद ही नठाब'आ गे सैतान गे सोंप'आ का ख़ॊख़ा आस पाप नन्नन अम्बरकी धर्मेस तरा किर्रोस होले आसी बॊलता गा उर्बासी किर्रना उल्‍ला नू नाड़रा ओंगो।

2 कोरिन्‍थ 10:10

एन्देरगेका एंग्है पत्त नू जोक्‍क आलर एन्ने ब'अनर का, “आसी चिठी गुट्ठी बोझा अरा अरबना र'ई। लिकिन आस एम्है गने र'अदस ख़ने, आस पयहा र'अस अरा कछनख्रना नू सवंगिय मलका बेसे र'अस।”

2 कोरिन्‍थ 10:5

अत्रु ती ऎम आनानख्रना गुट्ठी अरा धर्मेसी पत्त ता लूर ही बिड़दो नू चॊचकी र'ऊ उर्मी फुलई मन्नन खंडदम। अरा ओर्मा सोचनन मसीसिन पॆस्र'आ गे हॆंरदम।

2 कोरिन्‍थ 11:20

एन्‍देरगेका नीकईम निमन बिट्ठी ननू जॊंख़ कम'आ बेद्ददस, अरा नीकईम निमन नुलख़दस, अरा नीकईम निम्है ओदहा ती अपन नफा हो'अदस, अरा नीकईम तंगन कोहाँ नन्दस, अरा नीकईम निमन चटक'अदस, होले हूँ नीम अबड़ारिन रिझ गने सहदर।

2 कोरिन्‍थ 12:1

एंगा अउर हूँ फुलई मना गे चाड़ र'ई होले, ऎन फुलई मनोन, लिकिन अत्रु ती एन्द्रा हूँ दौ मल्‍ली। अन्नु हूँ उर्बस ती एंगा ख़क्ख्रका देखार अरा दहदर गुट्ठिन ऎन तेंगोन।

गलातिया 4:13

नीम अख़दर का ऎन निम्‍है मझी नू पहिल खेप दौ कत्‍था तेंगा गे बरचकन, आ बारी ऎन कोड़े मल रहचकन।

1 तीमोथियुस 3:6

कलीसिया ही ईरु-ख़ूजू मुद्धस पुना पत्त'उस अम्‍बोस र'आ। एन्ने होले आस मोठ‍ई मनोस ती सैतान गे ख़क्ख्रका दंडे बेसे ख़क्‍खोस।