2 कोरिन्‍थ 12:6 - पुना गच्छरना NT (BSI)

⁶ एन्ने ऎन फुलई मना बेद्ददन होले हूँ, ऎन बोया मल मनोन, एन्देरगेका ऎन मानिमन दिम तेंगदन। अन्नु हूँ ऎन एन्ने मल ननोन, एन्देरगेका नॆ हूँ एंग्है नू एन्द्रन ऎरदस अरा एंग्है ती एन्द्रन मेन्दस, अदिन ती कोड़हे एंग्है पत्त नू अम्‍बोर सोच'आ।

2 कोरिन्‍थ 12:6 ပူးပေါင်းရင်းမြစ်များ

रोमी 9:1

ऎन मसी नू मानिम ब'आलदन, ऎन ठकना कत्‍था मल ब'अदन, एंग्‍है लखना हूँ नेम्‍हा बॊलतस नू एंगा इदिन बड़ियर ननी,

1 कोरिन्‍थ 3:5

होले अप्‍पोल्लॊस मुध हिकदस का? अरा ऎन पौलुस मुध हिकदन का? ऎम गा निमन पत्त'अना नू ओन्‍द्रका उर्बासी सुसर ननू लेका हिकदम। ऎम ओर्त ओर्त उर्बस एमा गे सोंपचका नल‍खन नंजकम।

2 कोरिन्‍थ 1:18

लिकिन धर्मेस पत्त'अना जॊगे र'अदस, अन्नेम एम्‍है कत्‍था निमा गे “हाँ” एन्ने बाचका ख़ॊख़ा “मला” एन्ने ब'अना लेक्‍खा मल्‍ला।

2 कोरिन्‍थ 11:16

ऎन अउरिम ब'अदन नॆ हूँ एंगन बोया अमके सोच'आ। लिकिन अन्ने नीम सोचदर होले, एंगन बोया बेसेम इंझ्र'आ, ख़ने ऎन हूँ अउर कटिक फुलई मना ओंग्दन।

2 कोरिन्‍थ 11:31

हुल्‍लो ती हुल्‍लो गूटी ओहमा ख़क्ख'ऊ धर्मेस अरा उर्बा येसुसी बंगस अख़दस का ऎन मल ठकदन।

2 कोरिन्‍थ 12:11

ऎन गा बैहा आलर लेक्‍खा कछनख्रदन, लिकिन नीमिम एंगन एन्ने मना गे मंजकादर। नीम एंगन सुमर'अना र'ई। ऎन एन्‍द्रा हूँ मलदन, अन्नु हूँ निम्है ई “कोहाँ तइरकर” ती ऎन एन्‍देर कत्‍था नू हूँ ती सन्नी मलदन।

2 कोरिन्‍थ 12:7

अन्नु हूँ एंगा नू धर्मेसी कोड़हे देखार दहदर नन्तारकी र'ई। ऎन इबड़ा नू फुलई अम्‍बोन मना। औंगे एंग्‍है कया नू ओन्टा अच्‍च कुड़चका र'ई। ईद एंगा गे सस्ती चि'ऊ सैतान ही ओन्टा पैकस हवे, औंगे ऎन फुलई मल मनोन दने।

2 कोरिन्‍थ 5:13

ऎम पूरू र'अदम होले आद धर्मेस गे अन्ने र'अदम, अरा ऎम बॆस लूर नू र'अदम होले आद निम्‍हा दौ गे अन्ने र'अदम।

2 कोरिन्‍थ 7:14

ऎन आसी मुन्दहारे निम्‍है पत्त नू फुलई मंजका ती बाचकन। इबड़ा कत्था नू ऎन लज्‍जे मॊख़ा गे नीम हूँ मल चिच्कर। ऎम उर्मी बेड़ा निम्है गने मानिमन दिम बाचकम। अन्नेम तीतुस गने ऎम निम्है पत्त नू फुलई मंजका ती बाचका कत्था मानिम मंजा।