2 कोरिन्‍थ 12:20 - पुना गच्छरना NT (BSI)

²⁰ एन्‍देरगेका एन्ने अम्बो मना गे ऎन एल्‍चदन का ऎन निम्है गुसन बरना बारी, एकासे ऎन बेद्ददन अन्ने निमन मल ख़क्‍खोन, अरा नीम एंगन एकासे मल बेद्ददर अन्नेम ख़क्‍खोर। अरा एन्ने अम्‍बो मना का ऎन निम्‍है नू नग्‍गानख्रना, इस्‍गहा, कदरारना, लोभिया, नीन्दा, जलिय'अना, मोठ'ई, अरा बिगर दाब ख़क्‍खोन।

2 कोरिन्‍थ 12:20 ပူးပေါင်းရင်းမြစ်များ

रोमी 1:29

आर उर्मी बेसे कुचरहा नलख, मलदौ, चिबाख़ारना, ख़ाँड़ना ती निन्‍दयर केरर। अरा आर इस्‍गहा, पिटना, नग्‍गानख्रना, उत्तुरमाड़ना, चिड़गना पड़गना ती निन्‍दका र'अनर। अरा आर जलिय'अना

रोमी 1:30

अरा निंदा नन्नर। अरा आर धर्मेसिन ख़ाँड़नर। अरा आर नन्नारिन कोड़े मल ब'उर र'अनर। अरा आर इतरार'ऊ अरा कोहाँ कोहाँ फुल‍ई मनू आलर र'अनर। अरा आर मलदौ मलदौ कत्‍था कम'ऊ र'अनर। अरा आर तंग्यो तम्‍बा ही पॆसकन मल मेन्नर।

रोमी 2:8

एका ओर्तर लोभिया र'अनर अरा ठौका कत्‍थन ताड़नर ती मलदौ नू ऎकनर आर गे धर्मेसी खींस दरा कयरारना मनो।

1 कोरिन्‍थ 1:11

अना एंग्है भईरो, निम्‍है मझी नू नग्‍गानख्रना गुट्ठी र'ई एन्ने ऎन ख़लोऎ ही एड़पातर ती मेंजकन।

1 कोरिन्‍थ 14:33

एन्‍देरगेका धर्मेस बिगड़'अना ही मला लिकिन सान्‍ति ही धर्मेस हिकदस। नेम्‍हा आलर ही उर्मी कलीसिया गुट्ठी नू र'अना लेक्‍खा,

1 कोरिन्‍थ 5:2

अन्नु हूँ नीम गा फुल‍ई ननुर हिकदर। इदगे नीम जिया दोलख़्रना ती एन्ने नलख नंजका आलासिन निम्‍है मझी ती ओथ्रना रहचा।

2 कोरिन्‍थ 1:23

अक्‍कुन ऎन निमन चेताबचकन ती दुक्‍खे मल चि'आ गे दिम कोरिन्‍थ नगरे गे मल बरचकन। इदगे धर्मेस दिम एंगा गोवाह र'अदस।

2 कोरिन्‍थ 10:2

ऎन निमन ने'अदन का, नीम एन्ने नना का ऎन निम्‍है गने र'अना बारी एंगा बेड़हा मन्ना अम्‍बो मना, एन्देरगेका एकार अगम'अनर का ऎम सौंसार आलर लेक्‍खा नन्दन। आर ही गने ऎन मानिम नू बेड़हा आलन लेक्खा नना गे तिगचकन।

2 कोरिन्‍थ 10:6

अरा नीम पूरी तरा पॆस्र'उर मंजका ती ख़ॊख़ा, एंगरका मल पॆस्र'उर गे दंडे चि'आ गे ऎम सपड़ारकादम।

2 कोरिन्‍थ 12:21

अरा एन्ने अम्बो मना का ऎन निम्है गुसन अउर बरना बारी, एंग्‍है धर्मेस निम्‍है मुन्दहारे एंगन किय्या नन्त'ओस, अरा एंगा अबड़ा बग्‍गे आलर गे कलपारना मनो का नॆ मुन्द नंजका पाप ती सोतरा मन्ना, पेहरन ही सोतरा नलख, पसड़ा गुट्ठी ती जिया मल किरताचर।

2 कोरिन्‍थ 13:2

ऎन दोसर खेप निम्है गुसन बरचकन ख़ने, मुन्द दिम ऎन निमन चेताबाचकन। ऎन अक्‍कु निम्है गुसन मल र'अदन, अन्नु हूँ ऎन अउरिम निमन चेताब'अदन। ऎन अउर निम्है गुसन बर'ओन होले, नॆ मुन्द पाप नंजकानर अरा नॆ अक्कु पाप नन्नर, नॆकन हूँ सोग्‍गे मल ऎरोन।

2 कोरिन्‍थ 2:1

औंगे ऎन जिया नू घतचकन का ऎन निमन दुक्‍खे चि'आ गे निम्‍हा गुसन भेंट मना गे अउर मल बर'ओन।

गलातिया 5:15

नीम निम्‍है ती ओर्त ओर्तारिन पल्‍ल ती चब'अर, गिर्रो गोत्तो नना गे तिहा नन्‍दर, होले चिहुंक र'आ, मला होले नीम निम्‍है ओर्त ओर्तारिन नठाब'ओर।

गलातिया 5:26

नाम फुल‍ई अम्‍बोत मना, अरा ओर्त ओर्त नू अम्‍बोत अम्‍बर नख्र'आ, अरा ओर्त ओर्त नू कैर कुचर अम्‍बोत मंज नख्र'आ।

याकॊब 4:11

अना एंग्हा भईरो! ओर्त ओर्त ही बिड़दो नू मलदौ कत्था गुट्ठिन अमके कछनख्र'आ। नॆ तंग्‍है संगे पत्त'ऊ भईसी बिड़दो नू कछनख्रदस महले आसिन बदी टिड़दस होले, आस पॆसका ही बिड़दो नू कछनख्र'उस अरा पॆसकन बदी टिड़'उस र'अदस। लिकिन नीन पॆसकन बदी टिड़'ऊ र'अदय होले, नीन अदन पॆस्र'ऊ मला, लिकिन पॆसकन नेंवई ननू र'अदय।

1 पतरस 2:1

औंगे नीम उर्मी रकम ही मलदौ अरा उर्मी ठकना अरा उतुरमाड़ना गुट्ठी अरा इस्‍गहा गुट्ठी अरा उर्मी मलदौ कछनख्रना गुट्ठी ती निमन तरकूटी उइय्या।

2 पतरस 2:18

ईर अनभनियाँ कत्था गुट्ठिन कछनख्रनर ती तम्है पत्त नू फुलई मन्नर। अरा मलदौ डहरे नू उज्जू आलर ती बछर'आ गे चिहुट ननू पुना पत्त'ऊ आलारिन ईर आल सुबहा ती बरना पेहरन ही सोतरा नलख ही चिबाख़ारनन चिबाख़ार'आ गे नन्ना ती आरिन पाप नुम र'आ गे तिहा नन्नर।

यहूदा 1:16

ईर कुटमुटर'ऊ हिकनर, अरा नन्नर ही मइय्याँ गुन्हा बिद्दू हिकनर। अरा आर तम्है मलदौ चिबाख़ारना ही लेक्खम ऎकनर। अरा आर तम्है पत्त नू फुलई ही कत्थन मन्नर। अरा आर तम्है फयदा गे नन्नारिन हक'आ कुद्दनर।