2 कोरिन्‍थ 12:15 - पुना गच्छरना NT (BSI)

¹⁵ औंगे ऎन निमा गे कोड़हे रिझ ती एंग्हा उर्मिनिम खेजाब'ओन, अरा एंगन हूँ खेजार'आ गे सपड़ारकादन। ऎन एवंदा कोड़हे निम्‍है ती चोन्‍हा नन्दन होले, नीम एंग्‍है ती जुक्‍की चोन्‍हा ननोर का?

2 कोरिन्‍थ 12:15 ပူးပေါင်းရင်းမြစ်များ

रोमी 9:3

ऎन एंग्‍है भ‍ईर बहिनर एंग्‍है जातियर गे संगरा नना गे बेद्ददन। आरिन नाड़ा गे ऎन तानिम सरपारना अरा मसीस ती ओथ्रतारना काना मनो होले हूँ अदिन सह'आ गे सपड़ारकादन।

2 कोरिन्‍थ 1:6

ऎम कलपारनन ख़क्‍खदम होले, आद निम्‍है जिया सालना गे अरा नाड़रना गे र'ई। अरा एमा गे जिया सालना मनी होले, आद हूँ निमा जिया सालना गे दिम र'ई। आ जिया सालना, नीम हूँ एम्‍है लेक्‍खा सस्‍ती सारना बेड़ा नू निम्‍है नू खतिर नन्नन बड़ियर ननी।

2 कोरिन्‍थ 11:11

एन्‍देरगे ऎन इदन एन्ने ब'अदन? ऎन निमन चोन्‍हा मल नन्ना ती का? धर्मेस अख़दस ऎन निमन एका कोड़हे चोन्‍हा नन्दन।

2 कोरिन्‍थ 12:14

अक्‍कु ऎन तिसर खेप निम्‍हा गुसन बर'आ गे सपड़ारकादन, अरा निमा गे ऎन बॊझा मल मनोन, एन्‍देरगेका ऎन निम्‍है खुर्जिन मला निमन बेद्ददन। ख़द्द-ख़र्रर तम्है अयंग-बंगर गे खुर्जी ख़ॊंड़ना ही चाड़ मलकी, लिकिन अयंग-बंगर दिम तम्‍है ख़द्द-ख़र्रर गे बेंदना र'ई।

2 कोरिन्‍थ 12:9

लिकिन उर्बस बाचस, “एंग्‍है मया निंगा गे नीन्द्रकी र'ई, ईगेका निंग्है पयहा नू एंग्‍है सवंग दौलेम नलख ननी।” औंगे अक्कु ऎन एंग्है पयहा गुट्ठी ही पत्त नू कोड़हे रिझ ती फुलई मनोन। ख़ने मसीसी सवंग एंग्हा नू नलख नना ऊंगी।

2 कोरिन्‍थ 2:3

औंगे ऎन निमा गे एन्ने चिठी लिखचकन का, एंग्‍हा बरना ती नॆखा ती एंगा रिझ मन्‍ना रहचा, आर ती ऎन दुक्‍खे मना मल बेद्ददन। नीम ओर्मर एंग्‍है रिझ्रना नू मेस्रोर, एन्ने निम्‍है ओर्मर ही पत्त नू एंगा असरा र'ई।

2 कोरिन्‍थ 4:12

ई खोदहा एम्‍है नू खे'अना नलख ननाली, लिकिन उज्‍जना निमा गे ख़क्ख्र'ई।

2 कोरिन्‍थ 7:2

ऎम मुन्द तिंका लेक्खा नीम निम्है जिया नू एमा गे अड्डा चि'आ। ऎम नॆख'अन हूँ मलदौ मल नंजकम। ऎम नॆख'अन हूँ मल बगड़ाचकम। ऎम नॆख'अन हूँ मल ठकचकम।

2 कोरिन्‍थ 7:3

ऎन निमन बदी टिड़'आ गे इदन मल ब'अदन। अन्‍ति ऎन गा मुन्देम बाच ख़च्‍चकन का ऎम निम्है गने उज्जा गे अरा खे'आ गे हूँ सपड़ारका र'अदम, ई लेक्खा नीम एम्है जिया नू अड्डा ख़क्खका र'अदर।

गलातिया 4:10

नीम अक्‍कुन गूटी उल्‍ला गुट्ठी, महिना गुट्ठी, ओट्टा हॆंचका उल्‍ला अरा बछर गुट्ठिन मनदर।

फिलिप्‍पी 2:17

लिकिन निम्‍है पत्त'अना धर्मेस गे अरगतारना दाँड़े बेसे र'ई। ई लेक्खम ऎन एंग्है ख़ॆंसन बाहतारना बेसे धर्मेस गे एंगन दाँड़े अरग'ओन होले हूँ, ऎन निम्‍है ओर्मर गने रिझ्र'ओन अरा रिरयार'ओन।

कोलोस्से 1:24

अक्‍कु ऎन निम्है चड्डे सारचका एंग्है सस्‍ती गुट्ठी ही पत्त नू ऎन रिझ्रदन। औंगे मसीसी मॆद कलीसिया गे मसीसी कलपारना गुट्ठी नू ऎन हूँ मेस्र'आ गे एंग्‍है मॆद नू सस्ती सारदन।

1 थेस्‍सलोनिकॆयर 2:8

औंगे ऎम एन्ने निम्‍है म‍इय्याँ चोन्‍हा नन्नुम धर्मेसी दौ कत्‍था नू लेका मला, लिकिन अपन अपन उज्‍जनन हूँ चि'आ गे सपड़ारका रहचकम, एन्‍देरगेका नीम एम्‍है ती चोन्‍हा मंज ख़च्‍चिका रहचकर।

2 तीमोथियुस 2:10

ख़ने ऎन चज्जरका आलर गे दौ ही चड्डे उर्मी दुक्‍खेन सारदन। होले अबड़र हों मसी येसुस नू पत्त'ओर ती नाड़नन जनमजुग ही महबा गने ख़क्‍खनर नेक‍अन।

इब्रानी 13:17

निम्‍है कड़हाब'उरिन पॆस्र'आ अरा आर ही अदिया ही तबे नू र'आ। आर निम्‍है बॊलता ही लेखा धर्मेस गे चि'अना र'ई, अदगे आर निम्‍है म‍इय्याँ आकुस नन्नर। नीम आर गे पॆस्र'ओर होले, आद आर गे रिझ चि'ओ, ओत्‍था मल मनो। आद आर गे ओत्‍था मनो होले निमा गे एन्‍द्रा हूँ फयदा मल मनो।