2 कोरिन्‍थ 12:14 - पुना गच्छरना NT (BSI)

¹⁴ अक्‍कु ऎन तिसर खेप निम्‍हा गुसन बर'आ गे सपड़ारकादन, अरा निमा गे ऎन बॊझा मल मनोन, एन्‍देरगेका ऎन निम्‍है खुर्जिन मला निमन बेद्ददन। ख़द्द-ख़र्रर तम्है अयंग-बंगर गे खुर्जी ख़ॊंड़ना ही चाड़ मलकी, लिकिन अयंग-बंगर दिम तम्‍है ख़द्द-ख़र्रर गे बेंदना र'ई।

2 कोरिन्‍थ 12:14 ပူးပေါင်းရင်းမြစ်များ

त‍इरकर 20:33

ऎन नॆख'अम चाँदी महले सोना महले किचरी गे मल चिबाख़ारकन।

1 कोरिन्‍थ 10:24

ओर्तोस तंग्‍है दौ आबोन लेका अमा ऎरा, नन्‍नर ही दौ आबोन हूँ ऎरा।

1 कोरिन्‍थ 10:33

अन्ने ऎन हूँ ऎन नन्‍दन अबड़ा उर्मी ती ओर्मारिन रिझ्रत'आ गे चिहुट नन्‍दन। अरा ऎन एंग्‍है दौन मल बेद्ददन, लिकिन बग्‍गेर ही दौन बेद्ददन, होले आर नाड़र'आ ओंग्‍नर।

1 कोरिन्‍थ 11:34

नॆका कीड़ा लग्‍गी होले, आस तंग्‍है एड़पा नू ओन्दस नेकअन। औंगे नीम ख़ॊंड़रना बारी दंडे ही जॊगे अम्‍बोर मनोर। अरा नन्ना कत्‍था ही पत्त ता तिगाब'अनन ऎन बरना बारी चि'ओन।

1 कोरिन्‍थ 16:5

ऎन मकेदोनिया जिला मन्नुम निम्‍है गुसन बर'ओन, एन्‍देरगेका एंगा गे मकेदोनिया मन्नुम ती कानम र'ई।

1 कोरिन्‍थ 4:19

लिकिन उर्बासी मने र'ओ होले, ऎन चाँड़हेम निम्‍है गुसन बर'ओन। अरा ऎन आ इतरार'उर ही कत्‍था गुट्ठिन लेका मला, आर ही नलख गुट्ठिन हूँ बिढ़'ओन।

1 कोरिन्‍थ 9:12

निम्है नू दौ कत्‍था तिंका नन्‍नर गे निम्‍है नू ती जोक्‍क ख़क्‍खा गे अदिया र'ई होले, एमा गे हूँ अदही ती बग्‍गे अदिया र'ई। लिकिन ई अदियन ऎम आलर नू मल लच्‍चकम। ऊजी नू मसीसी दौ कत्‍था गे बधा मल मना गे ऎम उर्मी खिलपत आबोन सारदम।

1 कोरिन्‍थ 9:18

अन्ने होले एंगा एन्‍देर इनाम ख़क्‍ख्र'ओ? ऎन एंगा अदिया आबोन मल ख़क्‍खरकी नॆखा ती हूँ एन्‍द्रन हूँ मल ख़क्‍खना ही असरा ती दौ कत्‍थन सिथियम तेंगना ती ख़क्‍ख्रना जिया सान्ति दिम एंगा इनाम हिके।

1 कोरिन्‍थ 9:19

ऎन छछिन्‍द र'अदन, नॆखा हूँ एंग्हा म‍इय्याँ अदिया मलकी। अन्नु हूँ ऎन ओर्मर ही बिट्ठी ननू जॊंख़ मंजकन का बग्‍गे आलारिन मसीस नू ओन्‍द्र'ओन।

2 कोरिन्‍थ 1:15

अरा ऎन ई असरा तिम नीम दुई गुना आसीस ख़क्‍खा गे बरना बारी ऎन निम्‍है गुसन मुन्‍द बर'आ गे चिताबुता नंजकन।

2 कोरिन्‍थ 11:9

अरा ऎन निम्है गने र'अना बारी एंगा गे चाड़ मंजा ख़ने, ऎन अदगे नॆकन हूँ दुक्खे मल चिच्‍कन। एन्देरगेका एंगा एन्देर चाड़ रहचा, अबड़ा उर्मी गे मकेदोनिया ती बरचका भइय्योर दिम चि'अरकी संगरा नंजर। ऎन मुन्द एकासे रहचकन अन्ने बरना उल्ला नू हूँ एंग्है चाड़ गे एका तरती हूँ ऎन निमा गे ओत्था मल मनोन।

2 कोरिन्‍थ 12:13

नीम नन्ना कलीसियन जोक्‍खना ती नीम एका रकम नू किय्या मंजकानर? हाँ, ऎन निमा गे बॊझा मल मंजकन, ई कत्‍था गे एंगन छमा नना।

गलातिया 4:19

अना एंग्‍है ख़द्दारो! एका गूटी नीम मसीस लेक्‍खा मल मनोर आ गूटी ऎन फेन ख़द्द नेब्‍बना बेसे नुंजना सहदन।

फिलिप्‍पी 4:1

औंगे अना एंग्‍है चोन्हा भईरो, एंग्है संगेरो, नीम उर्बस नू बन्चका र'आ। ऎन निमन चोन्हा नन्दन अरा ऎरा गे पत्तारदन। नीमिम एंग्है रिझ अरा एंग्है नलख गे ख़क्ख्रका इनाम हिकदर।

फिलिप्‍पी 4:17

ईद एन्ने मला का ऎन निम्है ती इनाम बेद्ददन, लिकिन ऎन इदन बेद्ददन का निम्है खता नू निम्है दौ नलख ही ख़ंजपा बग्गे बॆन्दनुम क'ओ।

1 थेस्‍सलोनिकॆयर 2:11

नीम अख़दर का एकासे ओर्त बंगस तंग्‍है ख़द्द-ख़र्रन नन्‍दस। अन्नेम निमा ओर्त ओर्त गे नंजकम।

1 थेस्‍सलोनिकॆयर 2:8

औंगे ऎम एन्ने निम्‍है म‍इय्याँ चोन्‍हा नन्नुम धर्मेसी दौ कत्‍था नू लेका मला, लिकिन अपन अपन उज्‍जनन हूँ चि'आ गे सपड़ारका रहचकम, एन्‍देरगेका नीम एम्‍है ती चोन्‍हा मंज ख़च्‍चिका रहचकर।