2 कोरिन्‍थ 12:1 - पुना गच्छरना NT (BSI)

¹ एंगा अउर हूँ फुलई मना गे चाड़ र'ई होले, ऎन फुलई मनोन, लिकिन अत्रु ती एन्द्रा हूँ दौ मल्‍ली। अन्नु हूँ उर्बस ती एंगा ख़क्ख्रका देखार अरा दहदर गुट्ठिन ऎन तेंगोन।

2 कोरिन्‍थ 12:1 ပူးပေါင်းရင်းမြစ်များ

यॊहनस 16:7

लिकिन ऎन निमन मानिम कत्‍थन तेंगदन, निम्‍है दौ गे दिम ऎन निमन ती कादन, एन्‍देरगेका ऎन मल क'ओन होले, सालत'उस मल बर'ओस। लिकिन ऎन क'ओन होले ऎन आसिन निम्‍है गुसन तइय्योन।

यॊहनस 18:14

ई कैफस दिम यहूदी मुद्धर गे सलहा चिच्का रहचस का, “ओर्त आलस उर्मी आलर गे खे'अना दौ हवे।”

त‍इरकर 18:9

ओन माख़ा उर्बस पौलुसिन देखार चिच्‍चस ती बाचस, “अमा एल्‍चा, तेंगतेम र'आ, कलेकले अमा र'आ।

त‍इरकर 23:11

अउलम माख़ा उर्बस पौलुसी हेद्दे इज्‍जस ती बाचस, “अना पौलुस डिढ नना, एन्‍देरगेका एकासे नीन येरुसलॆम नू एंग्‍है गोवाह चिच्‍कय, अन्नेम निंगा रोम नगरे नू हूँ गोवाह चि'अना र'ई।”

1 कोरिन्‍थ 10:23

निम्है ती जोक्कोर ब'अनर, “उर्मिन एंगा नना गे अदिया र'ई।” लिकिन उर्मिन नन्‍ना नू फैदा मलकी, उर्मिन एंगा नना गे अदिया र'ई, लिकिन उर्मी गा परदा गे सहाड़ा मल चि'ई।

1 कोरिन्‍थ 14:6

अना भईरो! ऎन निम्‍है गुसन बरदन ती कैनो मदहे बकना भखा गुट्ठिन कछनख्रदन होले, आद ती निमा गे इन्द्रिइम फैदा मनो का? लिकिन ऎन धर्मेस ती दहदर मन्‍ना कत्‍थन मलता लूरन मलता धर्मेसी कत्‍थन मुन्‍द तेंगनन मलता सिखाब'अनन निमा गे ओन्‍द्रदन होले, आद ती फैदा मनो।

1 कोरिन्‍थ 6:12

“जम्मन नना गे एंगा बधा मलकी” एन्ने नीम ब'आ ओंग्दर। लिकिन उर्मी गा दौ मलकी। जम्मन नना गे एंगा बधा मलकी, लिकिन ऎन एकअम जिनिस ही जॊंख़ मल मंज ख़च्‍चोन।

2 कोरिन्‍थ 12:11

ऎन गा बैहा आलर लेक्‍खा कछनख्रदन, लिकिन नीमिम एंगन एन्ने मना गे मंजकादर। नीम एंगन सुमर'अना र'ई। ऎन एन्‍द्रा हूँ मलदन, अन्नु हूँ निम्है ई “कोहाँ तइरकर” ती ऎन एन्‍देर कत्‍था नू हूँ ती सन्नी मलदन।

2 कोरिन्‍थ 12:5

एन्ने आलासी पत्त तिम ऎन फुलई ननोन। लिकिन एंग्‍है पत्त नू एंग्‍है पयहा आबोन ईद'ऊ आलॊन अम्बरकी अउर नन्ना इन्द्रिइम नू हूँ फुलई मल मनोन।

2 कोरिन्‍थ 12:7

अन्नु हूँ एंगा नू धर्मेसी कोड़हे देखार दहदर नन्तारकी र'ई। ऎन इबड़ा नू फुलई अम्‍बोन मना। औंगे एंग्‍है कया नू ओन्टा अच्‍च कुड़चका र'ई। ईद एंगा गे सस्ती चि'ऊ सैतान ही ओन्टा पैकस हवे, औंगे ऎन फुलई मल मनोन दने।

2 कोरिन्‍थ 12:9

लिकिन उर्बस बाचस, “एंग्‍है मया निंगा गे नीन्द्रकी र'ई, ईगेका निंग्है पयहा नू एंग्‍है सवंग दौलेम नलख ननी।” औंगे अक्कु ऎन एंग्है पयहा गुट्ठी ही पत्त नू कोड़हे रिझ ती फुलई मनोन। ख़ने मसीसी सवंग एंग्हा नू नलख नना ऊंगी।

2 कोरिन्‍थ 8:10

ई पत्त नू ऎन निमन ओन्टा सलहा चि'अदन का, इतिंगाली एका दौ नलखन नीम ऒड़ नंजकर, अदिन अक्‍कु नन्ना मुंजना दिम निम्‍है दौ र'ई। अदिन नन्ना नू लेका मला अदिन नना गे मने नन्ना नू हूँ नीमिम मुध रहचकर।

गलातिया 1:12

ऎन अदिन एकअम आलस ती मल्‍ला इंझ्रका, अरा एकअम आलस ती हूँ मल्‍ला सिख्रका, आद एंगा येसु मसीस दहदर नंजस ख़ने ख़क्‍ख्रा।

गलातिया 2:2

धर्मेस दहदर नंजकाचस का एंगा असन काना चाड़ र'ई, औंगे ऎन केरकन। ऎन कलीसिया ही मुध आलर गने सुनसान नू भेंटारकन अरा बाचकन का एका दौ कत्‍थन ऎन नन-यहूदीर मझी नू तेंगा लिक्‍कन। एन्‍देरगेका एंगा एल्‍चना रहचा का एंग्‍है दौ कत्‍था तेंगना नलख एकदन ऎन नंजकादन अरा ऎन अक्कुन ननालदन आद अनभनियाँ अम्‍बो मना।

इफेसुस 3:3

धर्मेस तान तंग्है गम चिताबुतन एंगा दहदर नंजस। ऎन इदही पत्त नू मुन्द दिम अंछर ती लिखचका र'अदन।

1 थेस्‍सलोनिकॆयर 4:15

ऎम उर्बासी कत्‍था लेक्‍खा ब'अदम। ऎम नॆ उर्बासी बरना बेड़ा गूटी उज्‍जालदम। ऎम एम्है ती मुन्‍द केचका र'अनर आर ही ती मुन्‍द चो'आ गे पोल्‍लोम।

1 यॊहन 5:20

अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।