2 कोरिन्‍थ 11:7 - पुना गच्छरना NT (BSI)

⁷ ऎन निमन कोहाँ कम'आ गे एंगन सन्नी नंजकन ती ऎन निमन धर्मेसी दौ कत्‍थन सिथियम तिंकन। ऎन एन्ने नंजकन ख़ने एन्‍देर इन्द्रिइम पाप नंजकन का?

2 कोरिन्‍थ 11:7 ပူးပေါင်းရင်းမြစ်များ

त‍इरकर 20:33

ऎन नॆख'अम चाँदी महले सोना महले किचरी गे मल चिबाख़ारकन।

त‍इरकर 20:34

नीम अख़दर का ऎन इबड़ा ख़ेक्खा तिम एंग्‍है अरा एंग्‍है गने रहचका आलर ही चाड़ आबोन पूरा नना गे नलख नंजकन।

रोमी 1:1

ऎन म‍सी येसुसी जॊंख़न पौलुस धर्मेसी त‍इरका मना गे मॆख़रका र'अदन। अरा आसी दौ कत्‍थन तेंगा कुद्दा गे चजरका र'अदन।

1 कोरिन्‍थ 9:12

निम्है नू दौ कत्‍था तिंका नन्‍नर गे निम्‍है नू ती जोक्‍क ख़क्‍खा गे अदिया र'ई होले, एमा गे हूँ अदही ती बग्‍गे अदिया र'ई। लिकिन ई अदियन ऎम आलर नू मल लच्‍चकम। ऊजी नू मसीसी दौ कत्‍था गे बधा मल मना गे ऎम उर्मी खिलपत आबोन सारदम।

1 कोरिन्‍थ 9:6

महले बरनबास अरा ऎन लेका नलख नन्ना ती उज्‍जना बिज्‍जना र'ई का?

2 कोरिन्‍थ 10:1

अक्कु ऎन पौलुस मसीसी लुदऊ अरा सोग्‍गे ती निमन ने'आ लगदन। निम्है ती जोक्‍क आलर ब'अनर का, “ऎन निम्‍है मझी नू र'अना बारी सन्नी अरा पयहा र'अदन लिकिन गेच्‍छा नू र'अना बारी निम्है मइय्याँ डिढगर गने र'अदन।”

2 कोरिन्‍थ 10:16

अदही ख़ॊख़ा ऎम निम्है सिवानन कट्टरकी मुन्द कालरकी अउर नन्ना चकभार नू दौ कत्थन तेंगा कुद्दोम। तहाँ नन्नर ही सिवान नू मंज ख़च्चका नलख ही मइय्याँ फुलई मना गे एमा मोका मल ख़क्ख्र'ओ।

2 कोरिन्‍थ 12:13

नीम नन्ना कलीसियन जोक्‍खना ती नीम एका रकम नू किय्या मंजकानर? हाँ, ऎन निमा गे बॊझा मल मंजकन, ई कत्‍था गे एंगन छमा नना।

2 कोरिन्‍थ 2:12

एकाबारी ऎन मसीसी दौ कत्‍था मेन्‍त'आ गे त्रोआस नगरे नू बरचकन ख़ने, असन उर्बस एंगा गे ओन्‍टा बली तिसगस चिच्‍चस।

1 थेस्‍सलोनिकॆयर 2:9

अना भईरो, नीम एम्‍है अर्जाचका अरा सस्‍तिन सुरत'अदर। ऎम नॆखा नू हूँ ओत्‍था अम्‍बोम मना, अदगेम ऎम उल्‍ला माख़ा नलख नंजकम ती निम्‍है नू धर्मेसी दौ कत्‍थन तिंकम।

2 थेस्‍सलोनिकॆयर 3:8

नॆख'आ गुसन हूँ ऎम सिथिया मंडी मल ओंडकम, ऎम उल्‍ला माख़ा कोड़हे नलख नंजकम ती ओंडकम ती ऎम निमा नॆका हूँ बोझा मल मंजकम।