2 कोरिन्‍थ 11:4 - पुना गच्छरना NT (BSI)

⁴ एन्देरगेका नीकईम निम्है गुसन बर'अरकी ऎम मल्‍ला तिंका एकअम नन्ना येसुसी पत्त नू तेंगदस, मलता नीम ख़क्ख्रका नेम्हा बॊलतासिन अम्बरकी एकअम नन्ना बॊलता ही पत्त नू ब'अदस, मलता नीम इंझ्रका दौ कत्था ती एकअम नन्ना दौ कत्‍थन ओन्द्रदस होले, नीम सेब्‍बा तिम अबड़न इंझ्रदर।

2 कोरिन्‍थ 11:4 ပူးပေါင်းရင်းမြစ်များ

मरकुस 7:9

येसुस आरिन फिन बाचस, “नीम निम्‍है चालन मन'आ गे एकासे बॆस बने धर्मेसी पॆसकन तरकूटी नन्‍दर!

त‍इरकर 4:12

आसिन अम्‍बरकी एक‍अम नन्नर ती नाड़रना मलकी। एन्‍देरगेका गोट्टा ख़ॆख़ेल नू आलर गे येसु नामे ती नन्ना नामे मल्‍ला चीरका का अत्रु नम्‍है नाड़रना मना ओंगो।”

रोमी 8:15

निमा जॊंख़ मंज ख़च्‍चना ही बॊलता मल्‍ला ख़क्ख्रका का अन्‍ति नीम अत्रु मुन्‍द लेक्‍खा एल्‍चोर। लिकिन नीम धर्मेसी बॊलतन ख़क्‍खकर इकला आस निमन तंग्‍है ख़द्द-ख़र्रा बेसे गढ़चस। अक्‍कु नाम आसिन “अना बबा, अना बंग” ब'अदत।

1 कोरिन्‍थ 3:11

मुन्‍द तिम कम्रका आ नेव आबोन अम्‍बरकी नन्‍ना नेव आबोन नॆ हूँ नना पोल्‍नर। आ नेव येसु मसीस दिम हिकदस।

2 कोरिन्‍थ 11:1

एंगा असरा का नीम एंग्‍है बयहन जोक्‍क सह'ओर दने। लिकिन मानिम नू नीम एंग्‍हैन सहदर दिम।

2 कोरिन्‍थ 2:12

एकाबारी ऎन मसीसी दौ कत्‍था मेन्‍त'आ गे त्रोआस नगरे नू बरचकन ख़ने, असन उर्बस एंगा गे ओन्‍टा बली तिसगस चिच्‍चस।

गलातिया 3:2

ऎन निम्‍है ती ओन्‍टा कत्‍था ही पत्त नू अख़'आ बेद्ददन का एकासे नेम्‍हा बॊलतासिन नीम इंझ्रकर? मूसासी नॆगन नन्ना ती निमा गे बॊलतस ख़क्‍ख्रस का महले नीम मेंजका येसु मसीसी दौ कत्‍थन पत्त'अना ती ख़क्‍खरस का?

1 तीमोथियुस 1:3

ऎन मकेदोनिया जिला कालो बारी निंगन आनकाचकन, अन्नेम नीन इफेसुस नगरे नू ओकर'आ। अइय्या जोक्‍क आलर बिड़दो सिखाब'आलनर, आरिन अक्‍कु ती एन्ने अमा सिखाब‍आ गे आना।

1 तीमोथियुस 2:5

एन्‍देरगेका धर्मेस ओन्‍टे लेका र'अदस। धर्मेस अरा आलर ही मझी नू ओन्‍टे कुना मेसाब‍'ऊ र'अदस। आ आलस मसी येसुस दिम हिकदस।