2 कोरिन्‍थ 11:27 - पुना गच्छरना NT (BSI)

²⁷ ऎन कोड़हे अर्जाचकन अरा तिहा नंजकन, अरा कैनो माख़ा मल ख़न्‍द्रकन, अरा कीड़ा नू अरा ओनक'आ नू रहचकन, अरा खनिम खनिम बिगर ओन्ना-मॊख़ना नू रहचकन, अरा पइय्याँ नू अरा किचरी मलका नू रहचकन।

2 कोरिन्‍थ 11:27 ပူးပေါင်းရင်းမြစ်များ

मत्तायोस 17:21

लिकिन ई जाती बिगर गोहरारना अरा बिगर उपास ही मल उरखी।”]

त‍इरकर 14:23

अरा आर उर्मी कलीसिया नू नॆकन आर पत्ताचर आरिन बिन्‍ती अरा उपास नंजर ती सेयान कमचर अरा आरिन उर्बासी ख़ेक्खा नू चिच्‍चर।

त‍इरकर 20:31

इदगे एज्रका र'आ अरा सुरता नना का ऎन तीन बछर गूटी उल्‍ला माख़ा चींख़ा चींख़ा ओर्त ओर्तारिन चेताब'आ गे मल अम्‍बकन।

1 कोरिन्‍थ 7:5

नीम ओर्त इरिब नू अमके छिंड्रा। बिन्‍ती नना गे लेका नीम इरबर ही मने ती जोक्‍क बेड़ा गे छिंड्रा ओंग्‍दर। अदही ख़ॊख़ा नीम मेस्रका र'आ, ख़ने सैतान निमा सह'आ पोलना चड्डे निमन चिबाख़ारना नू अम्‍बो टिड़'आ।

2 कोरिन्‍थ 11:23

आर लेका मसीसी जॊंख़र का? (ऎन लूर मलका बेसे एन्ने ब'अदन।) ऎन आरहिन ती हूँ बड़ियर जॊंख़न हिकदन। ऎन ई सुसर नलख नू कोड़हे अर्जाचकन, अरा बग्गे हॆल जेहेल नू पहाबाचकन‍, अरा कोर्रा ती बग्‍गे लौर मोक्‍कन, ऎन बग्गे हॆल खे'अना ती बछ्रकन।

2 कोरिन्‍थ 6:5

कोर्रा लौरना नू, जेहेल काना नू, हुलहुली गुट्ठी नू बझ्रना नू, कोड़हे अर्जाना नू, बिगर ख़न्द्रका नू, उबसना नू,

फिलिप्‍पी 4:12

ऎन अख़दन का मलका नू एकासे उज्जना र'ई, अरा निंद्रका नू एकासे उज्जना र'ई। उड़चका र'आ गे अरा कीड़ा ती र'आ गे, अरा बिगर चाड़ ती उज्जा गे अरा चाड़ गने उज्जा गे, उर्मी बेड़ा नू उर्मी दसा नू रिझी ती र'अना ही गम आबोन सिख्रकादन।

1 थेस्‍सलोनिकॆयर 2:9

अना भईरो, नीम एम्‍है अर्जाचका अरा सस्‍तिन सुरत'अदर। ऎम नॆखा नू हूँ ओत्‍था अम्‍बोम मना, अदगेम ऎम उल्‍ला माख़ा नलख नंजकम ती निम्‍है नू धर्मेसी दौ कत्‍थन तिंकम।

2 थेस्‍सलोनिकॆयर 3:8

नॆख'आ गुसन हूँ ऎम सिथिया मंडी मल ओंडकम, ऎम उल्‍ला माख़ा कोड़हे नलख नंजकम ती ओंडकम ती ऎम निमा नॆका हूँ बोझा मल मंजकम।

इब्रानी 11:37

जोक्‍कोर पखना गुट्ठी ती लोड़गतारर। [जोक्‍कोर बिढ़्रतारर।] जोक्‍कोर आरी ती पलकतारर। जोक्‍कोर तलवार ती पिटतारर। जोक्‍कोर मलका नू अरा कलपारना नू अरा खिलपत सहनुम भेंडो गुट्ठी अरा ऎड़ा गुट्ठी ही चपटन कूरियर ती इत्रा अत्रा कुद्दका कुद्दियर।