2 कोरिन्‍थ 11:26 - पुना गच्छरना NT (BSI)

²⁶ खनिम खनिम ऎन डहरे इक्‍कन। ऎन ख़ाड़ गुट्ठी ही अपलोक नू रहचकन। एंगा गे बच्चुर ती हूँ अपलोक बरचा, अरा यहूदीर ती हूँ अपलोक बरचा, अरा नन-यहूदीर ती हूँ अपलोक बरचा, अरा नगरे नू हूँ अपलोक बरचा, अरा टोड़ंग नू हूँ अपलोक बरचा, अरा समुदर नू हूँ अपलोक बरचा, अरा कसरहा भईर ती हूँ अपलोक बरचा।

2 कोरिन्‍थ 11:26 ပူးပေါင်းရင်းမြစ်များ

त‍इरकर 13:45

एन्ने कोहाँ गोंहड़न ईरियर ती यहूदीर कुटमुटर'आ हेलरर अरा पौलुसी निं‍दा नंजर ती आसी कत्‍था ही बिड़दो नू आनानखर'आ हेलरर।

त‍इरकर 13:50

लिकिन यहूदीर जोक्‍क म‍ईन जॊगे धर्मेसी इल्‍चू नन-यहूदी मुक्‍कारिन अरा नगरे ता मुद्धारिन पौलुस अरा बरनबासी बिड़दो इज्‍जताचर ती आरिन सस्ती नंजर। अरा आरिन तम्‍है चक ती बहरी ओथ्रर चिच्‍चर।

त‍इरकर 14:19

इदही ख़ॊख़ा जोक्‍क यहूदीर अन्‍तियोख़ेया अरा इकोनियोन नगरे ती बरचर। अरा आर गोंहड़ा आबोन तम्‍है गने भिड़ाबाचर। अरा आर पौलुसिन पखना ती लोड़गर ती लौचर अरा आस केच्‍चस बाचर ती आसिन नगरे ती बहरी घिड्राचर होच्‍चर।

त‍इरकर 14:5

तहाँ जोक्‍क नन-यहूदीर अरा जोक्‍क यहूदीर अरा आर ही मुद्धर पौलुस अरा बरनबासिन हींड़'आ गे अरा पखना ती लोड़ग'आ पिटा गे बेद्दा लगियर।

त‍इरकर 15:40

लिकिन पौलुस सीलासिन चज्‍जियस, अरा भइय्योर ती उर्बासी सोग्‍गे नू सोंपरस ती असलेक किर्रिम बिच्‍चियस।

त‍इरकर 17:13

लिकिन थेस्‍सलोनिकॆ ता यहूदीर अक्‍खर का पौलुस बेरोया नू हूँ धर्मेसी कत्‍था तेंगदस। ख़ने असन हूँ आर बरचर ती आलारिन तकाब'आ हेलरर अरा हेलहेलम नना हेलरर।

त‍इरकर 17:5

लिकिन यहूदीर इस्गहा मंजर। अरा आर बजार ती जोक्‍क मलदौ आलारिन ख़ॊंड़चर ती गोंहड़ा मंजर ती नगरे नू कलम कलम नना हेलरर। अरा आर यासॊनसी एड़पा नू कोरचर ती पौलुस अरा सीलासिन गोंहड़ा ही मुन्‍दहारे ओन्‍द्र'आ बेद्दा लगियर।

त‍इरकर 18:12

गल्‍लियॊन अख़ाया देस ता राजी ख़ापुस रहचस, आ बारी जोक्‍क यहूदीर जुम्मरर ती पौलुसी बिड़दो मंजर ती आसिन धरचर अरा आसिन नेंव‍ई नन्ना अड्डा नू ओन्‍द्रर।

त‍इरकर 19:1

एका बेड़ा नू अप्‍पोल्लॊस कोरिन्‍थ नगरे नू रहचस, पौलुस भितरी चक गुट्ठी ती डहरे ऎका लगियस ती इफेसुस अंड़सियस। आस गे असन जोक्‍क पत्त'ऊ आलर ख़क्‍ख्रर।

त‍इरकर 19:23

आ बेड़ा नू उर्बासी ई डहरे ही पत्त नू कोड़हे हुलहुली इफेसुस नू चॊचा केरा।

त‍इरकर 20:19

नगदे लुद‍ऊ अरा ख़ंजलख़ो चूरख़कन ती अरा यहूदी आलर ही मलदौ घतना ही चड्डे एंग्‍है म‍इय्याँ मंजका बिढ़्रना गुट्ठी ती ऎन उर्बासिन सुसर नन्नुम बारी रहचकन।

त‍इरकर 20:3

असन तीन महिना पहाबाचस ती समुदर डहरे मन्नुम आस सीरिया राजी कालू रहचस। आ बारी आस गे खभर मंजा का यहूदी आलर आसिन पिटा गे चिताबुता कम'आ लगनर। ख़ने आस मकेदोनिया मन्नुम किर्रा गे तिगचस।

त‍इरकर 23:10

आनानख्रना नगदे मंजा ख़ने, फउद उर्बस पौलुसिन पिटोर ती कुटका कुटका ननोर ब'अरकी इल्‍चिक'आ ती सैनारिन आनियस, “एत्तरकी आसिन आर ही मझी ती बड़पेलहा ओथ्र'आ ती फउद गढ़िया हो'आ कला।”

त‍इरकर 25:3

अबड़र फॆस्‍तुसिन गोहरारर का पौलुसिन येरुसलॆम त‍इय्या गे मया नना, एन्‍देरगेका आर डहरे नू पौलुसिन पिटा गे चिताबुता नना लगियर।

त‍इरकर 27:42

आ बारी सैनर हॆंरका आलारिन पिटा गे मने नंजर का नीक‍ईम ऒगनुम बोंगोर।

रोमी 15:19

अबड़ा चिन्‍हा अरा अजगुत नलख गुट्ठी ही सवंग धर्मेसी बॊलता ही सवंग ती मंजा। ई लेक्‍खा ऎन येरुसलॆम ती इल्‍लुरिकोन ही ओनबेंड़र'आ मसीसी दौ कत्‍थन तेंगा कुद्दकन।

रोमी 8:35

एन्‍देर लॊ नमन मसीसी चोन्‍हा ती छिंडा उंगी? सस्‍ती महले कलपारना महले दुक्‍खे मॊख़रना महले कीड़ा महले अत्तना कुन्द्रना मलका नू र'अना महले अपलोक महले खे'अना एन्‍देर नमन छिंडा उंगी?

1 कोरिन्‍थ 15:30

अरा ऎम हूँ एन्‍देरगे उर्मी बारी अपलोक नू र'अदम?

1 कोरिन्‍थ 15:32

ऎन इफेसुस नगरे नू ख़ॆख़ेल ता उज्‍जना गे लेका जंगल-मेक्‍खो लेक्खा अइय्या ता आलर गने अरबानख्रकन होले, एंगा एन्‍देर फैदा मनो? लिकिन केच्‍चकर उज्‍जा मल चो'ओर होले, “नाम ओनोत अरा मॊख़ोत, एन्देरगेका नॆला गा नाम खे'ओत” एन्ने ब'आ ओंगोत दने।

2 कोरिन्‍थ 11:32

ऎन दमसकोस नगरे नू रहचकन ख़ने, हरेतास बॆलासी राजीख़ापुस एंगन हॆंर'आ गे नगरे नू पहरा ओकताचस।

गलातिया 2:4

ऎम इबड़ा कत्‍थन इदगे तिंकम का जोक्को ठकवा पत्त'ऊ भईर कलेकसे नम्है मझी नू कोरचकाचर अरा आर मसी येसुस नू नमा ख़क्‍ख्रकी र'ई आ छछिन्‍द आबोन हो'आ गे अरा अत्रु ती नमन मूसासी नॆग ही जॊंख़ कम'आ गे अन्‍थन जॊहना लेक्‍खा बरचका रहचर।