2 कोरिन्‍थ 11:25 - पुना गच्छरना NT (BSI)

²⁵ रोमीर ती ऎन तीन खेप बॆंत ती लौर ख़क्खकन। ओंग्‍होल पखना ती लोड़गतारकन। तीन खेप एंग्‍हा काना कोहाँ डोंगा एसरा ती धसरा केरा। ओंग्‍होल गोट्टा उल्‍ला माख़ा ऎन मझी समुदर ता अम्मु नू अत्रा इत्रा बोहार'आ लिक्कन।

2 कोरिन्‍थ 11:25 ပူးပေါင်းရင်းမြစ်များ

मत्तायोस 20:19

अरा नॆ यहूदी मलनर आर ही ख़ेक्खा नू एंगन हींड़'आ गे तुप्‍प'आ गे अरा कोर्रा ती लौ'आ गे क्रुस नू अरग'आ ती पिटा गे चि'ओर। लिकिन ऎन उल मुन्‍द नू केचका ती उज्‍जा चो'ओन।”

मत्तायोस 21:35

लिकिन आर आसी जॊंख़ारिन धरचर अरा ओर्तोसिन लौचर, अरा नन्नासिन पिटियर अरा अउर ओर्तासिन पख़ना ती लोड़गर।

त‍इरकर 14:19

इदही ख़ॊख़ा जोक्‍क यहूदीर अन्‍तियोख़ेया अरा इकोनियोन नगरे ती बरचर। अरा आर गोंहड़ा आबोन तम्‍है गने भिड़ाबाचर। अरा आर पौलुसिन पखना ती लोड़गर ती लौचर अरा आस केच्‍चस बाचर ती आसिन नगरे ती बहरी घिड्राचर होच्‍चर।

त‍इरकर 14:5

तहाँ जोक्‍क नन-यहूदीर अरा जोक्‍क यहूदीर अरा आर ही मुद्धर पौलुस अरा बरनबासिन हींड़'आ गे अरा पखना ती लोड़ग'आ पिटा गे बेद्दा लगियर।

त‍इरकर 16:33

आ माख़ा आ बारिम आस आरिन होच्‍चस ती आर ही खसरा गुट्ठिन नूड़ियस। अरा लॆम तान अरा तंग्‍है उर्मी एड़पातर नॊड़रर।

त‍इरकर 16:37

लिकिन पौलुस सैनारिन बाचस, “ऎम रोमी आलम हिकदम, अन्नु हूँ आर एमन बिगर मेना ख़ॊजम आलर ही मुन्‍दहारे लौचर‍ अरा जेहेल नू गुड़चर। अक्‍कु आर एमन कलेकसे ओथ्रनर। एन्ने मल्‍ला, लिकिन आरिम बर'ओर ती एमन बहरी ओथ्र'ओर।”

त‍इरकर 22:24

फउद उर्बस आनियस, “ईसिन फउद गढ़िया नू हो'आ अरा कोर्रा लौ'आ ती जँच'आ, एंगा अख़ना र'ई का आलर एन्‍देर चड्डे ईसी बिड़दो नू एन्ने चिच्चि‍यार'आ लगनर।”

1 तीमोथियुस 1:19

अरा नीन उर्मी बेड़ा धर्मेसिन पत्त'आ अरा एकदन सुपट अख़दय अदिन नना। जोक्‍क आलर गा एकदन सुपट अख़नर अदिन ताड़ना ती कोहाँ डोंगा चटड़ी नू ढोस्रना लेक्‍खा धर्मेस ती तम्‍‍है पत्त'अनन नठाबाचर।

इब्रानी 11:37

जोक्‍कोर पखना गुट्ठी ती लोड़गतारर। [जोक्‍कोर बिढ़्रतारर।] जोक्‍कोर आरी ती पलकतारर। जोक्‍कोर तलवार ती पिटतारर। जोक्‍कोर मलका नू अरा कलपारना नू अरा खिलपत सहनुम भेंडो गुट्ठी अरा ऎड़ा गुट्ठी ही चपटन कूरियर ती इत्रा अत्रा कुद्दका कुद्दियर।