2 कोरिन्‍थ 11:20 - पुना गच्छरना NT (BSI)

²⁰ एन्‍देरगेका नीकईम निमन बिट्ठी ननू जॊंख़ कम'आ बेद्ददस, अरा नीकईम निमन नुलख़दस, अरा नीकईम निम्है ओदहा ती अपन नफा हो'अदस, अरा नीकईम तंगन कोहाँ नन्दस, अरा नीकईम निमन चटक'अदस, होले हूँ नीम अबड़ारिन रिझ गने सहदर।

2 कोरिन्‍थ 11:20 ပူးပေါင်းရင်းမြစ်များ

मरकुस 12:40

लिकिन आर रड़ियाहिरिन ठकनर ती आरिन अमल'अनर। अरा आर धरम नू तमन कोहाँ ऎद'आ गे दिगहा दिगहा बिन्‍ती नन्‍नर। धर्मेस आर गे दंडे चि'ओस दिम।”

लू‍कस 6:29

निंगन हींड़'आ गे निंग्‍है ओन्‍टा गल्‍लेन थपड़'उस गे नन्‍ना गल्‍लेन हूँ ऎदके। निंग्‍है बर्कन बच्‍चुस गे निंग्‍है अंगन हूँ हो'आ गे अमके छेक'आ।

1 कोरिन्‍थ 4:11

ऎम अक्‍कुन गूटी हूँ कीड़ा अरा ओनक'आ नू र'अदम, अरा ठेठंगे र'अदम, अरा कुंहड़ारदम, अरा असन इसन ठुडुरदम जोबोरदम।

2 कोरिन्‍थ 1:24

ऎम निम्‍है पत्त'अना म‍इय्याँ आकुस नना गे मल बिद्दकम। ऎम निम्है गने निम्‍है रिझ गे नलख ननू र'अदम, एन्‍देरगेका नीम पत्त'अना नू पखड़ र'अदर।

2 कोरिन्‍थ 10:5

अत्रु ती ऎम आनानख्रना गुट्ठी अरा धर्मेसी पत्त ता लूर ही बिड़दो नू चॊचकी र'ऊ उर्मी फुलई मन्नन खंडदम। अरा ओर्मा सोचनन मसीसिन पॆस्र'आ गे हॆंरदम।

2 कोरिन्‍थ 11:3

लिकिन ऎन एल्‍चदन का एकासे नेर्रद तंग्‍है चतरा ती हवा आबोन भुरियाचा, अन्नेम निम्‍है जिया नू मसीस गे र'अना मानिमन ती अरा मानिम भगती ती नीम बेहड़ार'ओर दने।

2 कोरिन्‍थ 12:16

निम्है ती जोक्कोर मन्नर का ऎन निमा गे बॊझा मल मंजकन, लिकिन नन्नर सोचनर का ऎन चतरा आलन अरा ठगचका ती निमन बझाबाचकन।

गलातिया 2:4

ऎम इबड़ा कत्‍थन इदगे तिंकम का जोक्को ठकवा पत्त'ऊ भईर कलेकसे नम्है मझी नू कोरचकाचर अरा आर मसी येसुस नू नमा ख़क्‍ख्रकी र'ई आ छछिन्‍द आबोन हो'आ गे अरा अत्रु ती नमन मूसासी नॆग ही जॊंख़ कम'आ गे अन्‍थन जॊहना लेक्‍खा बरचका रहचर।

गलातिया 4:25

हागार अरबिया देस ता सीनाय परता हवे, आद अक्‍कु येरुसलॆम नगरे बेसे र'ई। एन्‍देरगेका आद तंग्‍है ख़द्दर गने नॆग ही जॊंख़ नू र'ई।

गलातिया 4:3

अन्नेम नाम ख़द्दत रहचकत आ गूटी ख़ॆख़ेल ता उर्मी बॊलता गुट्ठी ही तबे नू रहचकत।

गलातिया 4:9

लिकिन अक्‍कु नीम धर्मेसिन अक्‍ख ख़च्‍चिकर। मानिम नू धर्मेस ती नीम अक्कर। होले नीम एकन्ने पयहा अरा लंडी सिखाब'अना तरा किर्रदर? अउरिम अबड़ा ही जॊंख़ मना बेद्ददर।

गलातिया 5:1

नाम छछिन्‍द र'अदत अदगे मसीस नमन छछिन्‍द नंजस। औंगे नमा बड़ियर मनरकी र'अना र'ई। फेन नॆग नू जॊंख़ मना गे अमा पुन्‍द्र'आ।

गलातिया 5:10

ऎन धर्मेस मइय्याँ निम्‍है पत्त नू असरा उइय्दन का नीम एकअम नन्‍ना सिखाब'अनन अम्‍बोर पत्त'आ। लिकिन नॆ निमन अकबकाब'अदस चि'अदस आस एकअम ओर्तस हूँ र'ओस दंडे ख़क्‍खोस।

गलातिया 6:12

नॆ बहरी तरा तमन दौ आलर ऎद'आ बेद्दनर, आरिम निमन खतना नना गे अरबनर। आर इदगे लेका एन्ने नन्नर का आर मसीसी क्रुस ही पत्त नू तेंगना चड्डे अम्‍बोर सतार'आ।

फिलिप्‍पी 3:19

आर ही छेद्द नठारना हवे। आर ही धर्मेस कूल हवे। आर तम्है लजरना ही कत्था गुट्ठी नू फुलई मन्नर। अरा आर ई ख़ॆख़ेल ता आलॊ गुट्ठी नू लेका सोच नू र'अनर।

1 थेस्‍सलोनिकॆयर 2:5

एन्‍देरगेका नीम अख़दर ऎम नॆक‍न हूँ मल फसकटचकम महले नॆकन हूँ चिबाख़ार'आ गे लहर'आ लिक्‍कम। धर्मेस गोवाह र'अदस।