2 कोरिन्‍थ 11:15 - पुना गच्छरना NT (BSI)

¹⁵ औंगे अदही जॊंख़र हूँ उजगो ही जॊंख़र लेक्‍खा भॆंस नन्ना कोहाँ कत्था मल्ला। लिकिन एकासे आर ही नलख र'ई अन्नेम आर ही मुंज्रना र'ओ।

2 कोरिन्‍थ 11:15 ပူးပေါင်းရင်းမြစ်များ

त‍इरकर 13:10

अरा बाचस, “नीन नाद ही ख़द्दय, अरा नीन चतरा अरा कटरहा ती निन्‍दका र'अदय, अरा उर्मी रकम ही दौ नलख ही बैरी हिकदय, अरा नीन उर्मी बारी उर्बासी उजगो डहरे गुट्ठिन बगड़'आ गे चिहुट नन्‍दय।

रोमी 2:6

धर्मेस ओर्मर गे तम्है तम्‍है नलख लेक्‍खा भूती चि'ओस।

रोमी 3:8

एन्ने होले “दौ ख़क्‍खा गे मलदौ ननोम” एन्ने एन्‍देरगे मल ब'ओम? जोक्‍क आलर ऎम हूँ एन्ने ब'अदम ब'अनर ती निं‍दा नन्नर। औंगे एन्ने आलारिन पपहा ठेकाब'अना बॆस र'ई।

1 कोरिन्‍थ 9:11

ऎम निम्‍है मझी नू बॊलता ही बिहनी लेक्खा दौ कत्थन चाँख़कम, अन्ने होले एमा गे अदिया र'ई का ऎम निमा ती एमा उज्‍जा बिज्‍जा गे जोक्‍क जिनसन ख़ोयोम।

2 कोरिन्‍थ 11:13

एन्‍देरगेका एन्ने आलर ठकवा तइरकर र'अनर, अरा मसीसी तइरकर लेक्खा भॆंस ऎदना ती फसवार नलख ओथ्र'ऊ आलर हिकनर।

2 कोरिन्‍थ 11:23

आर लेका मसीसी जॊंख़र का? (ऎन लूर मलका बेसे एन्ने ब'अदन।) ऎन आरहिन ती हूँ बड़ियर जॊंख़न हिकदन। ऎन ई सुसर नलख नू कोड़हे अर्जाचकन, अरा बग्गे हॆल जेहेल नू पहाबाचकन‍, अरा कोर्रा ती बग्‍गे लौर मोक्‍कन, ऎन बग्गे हॆल खे'अना ती बछ्रकन।

2 कोरिन्‍थ 3:9

आलर गे दंडे ही नेंवईन चि'ऊ सुसर'अना कोड़हे महबा ही र'ई होले, उजगोन चि'ऊ सुसर'अना एका कोड़हे महबा ही र'ओ दने!

इफेसुस 6:12

एन्‍देरगेका नम्‍है ई अरबानख्रना ख़ॆंस अरा अहड़ा ती लेका मला। ईद मलदौ राजी ननुर गे, अरा मल ऎथरना सौंसे ही अदिया गुट्ठी गे, अरा ई ख़ॆख़ेल ही ऊख़ा ही कोड़हे सवंग गुट्ठी गे, अरा ताका ही राजी ता मलदौ बॊलता गुट्ठी गे बिड़दो नू र'ई।

फिलिप्‍पी 3:19

आर ही छेद्द नठारना हवे। आर ही धर्मेस कूल हवे। आर तम्है लजरना ही कत्था गुट्ठी नू फुलई मन्नर। अरा आर ई ख़ॆख़ेल ता आलॊ गुट्ठी नू लेका सोच नू र'अनर।

2 पतरस 2:3

अरा आर तम्है कोड़हे चिबाख़ारना ती ताम कमचका ख़ीरी गुट्ठिन तेंगरकी निम्है गुस्ते फफड़'ओर मॊख़ोर। अरा आर मइय्याँ बरना दंडे पॆसका नगदे उल्ला ही मुन्द तिम धर्मेस ती सपड़ारकी र'ई, अदही बरना ही दिरी मलकी, आर ही नठाब'अना चाड़हेम अंड़सो।

यहूदा 1:4

ऎन इदगेम एन्ने लिखदन का जोक्क ठकवा सिखाब'उर निम्है मझी नू कलेकसे कोरचका र'अनर। आर धर्मेसिन नटनर। आर नम्है धर्मेसी मया आबोन मलदौ उज्जना ऎकना ही ओदहा नू बदलनर। आर नम्है ओन्टे लेका उर्बस येसु मसीसिन नटनर। आर ही नठारना चिरान नुम नेम्हा पुथी नू लिखिर ख़च्चकी र'ई।

दहदर मंजका कत्‍था 13:14

अरा ईद मुन्द ता मेक्खो ही मुन्दहारे ई अजगुत नलख गुट्ठिन नना गे तंगा चीरका अदिया ती ख़ॆख़ेल नू ओक्रना आलारिन ठकचा। अरा ईद तलवार ती जखम ख़क्खका ती अक्कु गूटी उज्जना आ मुन्द ता मेक्खो गे ओन्टा मूर्ती कम'आ गे ख़ॆख़ेल नू ओक्रना आलारिन आनिया।

दहदर मंजका कत्‍था 13:2

अरा ऎन ईरका आ मेक्‍खो बघवा लेक्‍खा रहचा, अरा अदही ख़ेड्डे मेड़हो ही ख़ेड्डे लेक्‍खा रहचा, अरा अदही बई लकड़ा ही बई लेक्खा रहचा। अरा आ डेना र'ऊ नेर्रे तंग्है सवंगन अरा तंग्है बॆल-गदियन अरा तंग्है कोहाँ अदियन आ मेक्खो गे चिच्चा।

दहदर मंजका कत्‍था 9:11

भयभयान ख़ोड़ख़ा गड्डी ही मेर्ख़ा पैकस दिम अबड़ा ही मइय्याँ बॆलस रहचस। आसी नामे इब्रानी भखा नू अबद्दॊन अरा युनानी भखा नू अप्‍पोल्लयॊन हवे।