2 कोरिन्‍थ 11:10 - पुना गच्छरना NT (BSI)

¹⁰ मसीसी मानिम एंग्है नू र'ई, ईद मानिम दिम हिके। अन्नेम अख़या चक नू र'ऊ नॆ हूँ एंगन ई फुलई मन्ना ती छेक'आ पोल्लोर, ईद हूँ मानिम हिके।

2 कोरिन्‍थ 11:10 ပူးပေါင်းရင်းမြစ်များ

त‍इरकर 18:12

गल्‍लियॊन अख़ाया देस ता राजी ख़ापुस रहचस, आ बारी जोक्‍क यहूदीर जुम्मरर ती पौलुसी बिड़दो मंजर ती आसिन धरचर अरा आसिन नेंव‍ई नन्ना अड्डा नू ओन्‍द्रर।

त‍इरकर 18:27

अक्‍कुन अप्‍पोल्लॊस अख़ाया देस काला बिद्दियस ख़ने, इफेसुस ता पत्त'ऊ भइय्योर आसिन काला गे रिझ्रताचर, अरा आसिन परघ'आ गे अख़ाया ता पत्त'ऊ आलर गे चिठी लिखचर। अप्‍पोल्लॊस अख़ाया अंड़सियस ख़ने, धर्मेसी मया ती पत्त'ऊ मंजका आलर गे कोड़हे सहाड़ा नंजस।

रोमी 1:9

एका धर्मेसी ऎन आसी ख़द्दासी पत्त ता दौ कत्‍था तेंगना ती सौंसे जिया ती तेतर-सुसर नन्‍दन, आस अख़दस का ऎन सगरो एंग्‍है बिन्‍ती नू निमन सुरत'अदन।

रोमी 16:5

आर ही एड़पा ता कलीसिया गे हूँ एंग्‍है मोंजरा। एंग्‍है बॆस संगेस एपैनेतोस गे मोंजरा एकास आसिया राजी नू मसीस गे पहिल पत्त'ऊ आलस रहचस।

रोमी 9:1

ऎन मसी नू मानिम ब'आलदन, ऎन ठकना कत्‍था मल ब'अदन, एंग्‍है लखना हूँ नेम्‍हा बॊलतस नू एंगा इदिन बड़ियर ननी,

1 कोरिन्‍थ 16:15

अना भईरो! नीम स्‍तेफनासी एड़पातारिन अख़दर, आर अख़ाया चक नू मसीसिन इंझ्रका पहिल आलर हिकनर। अरा आर नेम्‍हा आलर ही तेतर सुसर गे तमन चिच्का र'अनर। औंगे ऎन निमन ने'अदन का,

2 कोरिन्‍थ 1:1

धर्मेसी मने ती मसी येसुसी त‍इरकन पौलुस, अरा नम्‍है भइय्योस तीमोथियुस, कोरिन्‍थ नगरे ता धर्मेसी कलीसिया गे अरा सौंसे अख़ाया चक नू र'ऊ ओर्मा नेम्‍हा आलर गे लिखना चिठी ईद हवे।

2 कोरिन्‍थ 1:23

अक्‍कुन ऎन निमन चेताबचकन ती दुक्‍खे मल चि'आ गे दिम कोरिन्‍थ नगरे गे मल बरचकन। इदगे धर्मेस दिम एंगा गोवाह र'अदस।

2 कोरिन्‍थ 10:15

ऎम नन्नर ननू नलखन एमा ब'अरकी फुलई मल नन्दम, आद हूँ सिवान ती चाड़ना नलख दिम हिके। अन्नु हूँ एम्है असरा ईद र'ई का, निम्है पत्त'अना पर्दनुम क'ओ अरा एम्है सुसर नलख निम्है मझी नू कोड़हे बींड़रनुम क'ओ।

2 कोरिन्‍थ 11:12

ऎम एकासे सुसर नलख नन्दम, अन्नेम आर हूँ सुसर नलख नन्नर एन्ने आर फुलाई मन्नर। अन्ने आर नना पोल्ला गे ऎन ई लेक्खम नन्तेम र'ओन।

2 कोरिन्‍थ 11:31

हुल्‍लो ती हुल्‍लो गूटी ओहमा ख़क्ख'ऊ धर्मेस अरा उर्बा येसुसी बंगस अख़दस का ऎन मल ठकदन।

2 कोरिन्‍थ 12:19

ऎम निम्है मुन्दहारे एमन बिगर बदी ही बॆस आलम ऎद'आ गे अक्कु गूटी चिहुट नन्दम एन्ने नीम सोचदर का? मला, ऎम धर्मेसी मुन्दहारे मसीस नू ब'आलदम। अना चोन्हा आलारो! नीम बॊलता नू परदा गेम ऎम उर्मिन नन्दम।

2 कोरिन्‍थ 9:2

एन्‍देरगेका संगरा नन्ना ही निमा अंगिय'अना आबोन ऎन अक्कन। मकेदोनिया नू र'उर ती एन्ने बाचकन ती फुलई मंजकन का, अख़ाया चक नू र'ऊ नीम पत्त'उर इतिंगाली ही दिम संगरा नना गे सपड़ारका र'अदर। निम्‍है ई अंगिय'अना आर ही ती कोड़हे आलारिन संगरा नना गे रिझाबाचा।

गलातिया 1:20

धर्मेस अख़दस ऎन निमा लिखचका र'अदन आद जम्मा मानिम रई।

गलातिया 2:20

ऎन मसीस गने क्रुस नू ठोकरकादन, अक्‍कु ऎन मल्‍ला उज्‍जना, लिकिन मसीस एंग्‍है नू उज्‍जा लगदस। अक्‍कु ऎन एंग्‍है कया नू उज्‍जा लगदन होले धर्मेसी तंग्‍दस येसु मसीस नू पत्त'अना ती उज्‍जा लगदन, एकास एंगन चोन्‍हा नंजस अरा एंगा गे तंग्‍है उज्‍जनन चिच्‍चस।

1 थेस्‍सलोनिकॆयर 2:10

नीम पत्त'ऊ आलर ही मझी नू एम्‍है उज्‍जना ओक्‍कना एकासे नेम्‍हा अरा उजगो अरा बिगर बदी ही रहचा। नीमिम गोवाह र'अदर अरा धर्मेस हूँ गोवाह र'अदस।

1 थेस्‍सलोनिकॆयर 2:5

एन्‍देरगेका नीम अख़दर ऎम नॆक‍न हूँ मल फसकटचकम महले नॆकन हूँ चिबाख़ार'आ गे लहर'आ लिक्‍कम। धर्मेस गोवाह र'अदस।

1 तीमोथियुस 2:7

नॆ यहूदी मलनर आरिन ई पत्त'अनन अरा मानिम कत्‍थन सिखाब'आ गे ऎन दौ कत्‍था तिंगू अरा त‍इरका चजरकादन। ऎन जुक्‍की ती बग्‍गे मल ब'अदन, मानिम ब'अदन।