2 कोरिन्‍थ 10:6 - पुना गच्छरना NT (BSI)

⁶ अरा नीम पूरी तरा पॆस्र'उर मंजका ती ख़ॊख़ा, एंगरका मल पॆस्र'उर गे दंडे चि'आ गे ऎम सपड़ारकादम।

2 कोरिन्‍थ 10:6 ပူးပေါင်းရင်းမြစ်များ

रोमी 2:23

नीन धर्मेसी पॆसकन अख़दन ब'अदय ती फुल‍ई मन्‍दय, लिकिन नीन पॆसकन टाड़दय ती धर्मेसी म‍ईन मल नन्‍दय।

1 कोरिन्‍थ 4:21

नीम एन्‍देर बेद्ददर? ऎन टेम्पा धर'ओन ती बर'ओन का, महले चोन्‍हा अरा लुदऊ जिया ही बॊलता गने बर'ओन का?

2 कोरिन्‍थ 13:10

ऎन निम्है ती गेच्छा नू र'अना बारी इबड़ा कत्थन इदगे लिखदन का, ऎन निम्है गुसन बर'ओन ख़ने, उर्बस एंगा चिच्का अदिया ती निम्है गने सकत गने इन्द्रिइम नन्ना मल मनो। एन्‍देरगेका एंगा ई अदिया निमन बगड़'आ गे मला कम'आ गे चीतारकी र'ई।

2 कोरिन्‍थ 13:2

ऎन दोसर खेप निम्है गुसन बरचकन ख़ने, मुन्द दिम ऎन निमन चेताबाचकन। ऎन अक्‍कु निम्है गुसन मल र'अदन, अन्नु हूँ ऎन अउरिम निमन चेताब'अदन। ऎन अउर निम्है गुसन बर'ओन होले, नॆ मुन्द पाप नंजकानर अरा नॆ अक्कु पाप नन्नर, नॆकन हूँ सोग्‍गे मल ऎरोन।

2 कोरिन्‍थ 2:9

नीम उर्मी कत्‍थन पॆस्रदर का मला एन्ने निमन बिढ़'आ गे ऎन एंग्‍है चिठी नू एन्ने लिखचकन।

2 कोरिन्‍थ 7:15

अरा नीम ओर्मर आसी कत्‍थन एकासे पॆस्रकर अरा इल्‍चुनुम अरा असरनुम आसिन परघाचकर, इदन आस सुरता नन्दस ख़ने, निम्‍है नू आसी चोन्‍हा कोड़हे मनी क'ई।

1 तीमोथियुस 1:20

अबड़र नू हुमेनयुस अरा अलेक्‍सन्द्रस हूँ र'अनर। आरिन ऎन सैतान ही सवंग नू सोंपचकन चिच्‍चकन का अत्रु ती आर तम्‍है मलदौ नलखन अख़'ओर ती धर्मेसी बिड़दो ब'अनन अम्‍बोर।

3 यॊहन 1:10

औंगे ऎन असन बर'ओन होले, आस एन्देर नंजस अदही पत्त नू ऎन ओर्मर गे तेंगोन। आस मलदौ सोच ती एम्है पत्त नू मलदौ ब'अदस। इत्रु हूँ आसी जिया मल बोधर'ई। अइय्या बरना भईरिन हूँ मल परघ'अदस, अरा आरिन परघ'आ बेद्दुरिन हूँ छेंकदस, अरा एन्ने ननुरिन कलीसिया ती हूँ हिगड़'अदस।