2 कोरिन्‍थ 10:5 - पुना गच्छरना NT (BSI)

⁵ अत्रु ती ऎम आनानख्रना गुट्ठी अरा धर्मेसी पत्त ता लूर ही बिड़दो नू चॊचकी र'ऊ उर्मी फुलई मन्नन खंडदम। अरा ओर्मा सोचनन मसीसिन पॆस्र'आ गे हॆंरदम।

2 कोरिन्‍थ 10:5 ပူးပေါင်းရင်းမြစ်များ

मत्तायोस 15:19

एन्‍देरगेका मलदौ सोच, आल पिटना, नन्ना आली गुसन काना, पेहरन ही सोतरा नलख, ख़ड़ना, ठकवा गोवाह चि'अना अरा निंदा नन्ना जिया तिम उरखी।

लू‍कस 1:51

आस तंग्‍है सवंगिय ख़ेक्खा ती कोहाँ नलख नंजकादस। आस तम्‍है जिया नू मोठाई सोच‍ नू र'उरिन छितिर बितिर नंजस।

रोमी 1:21

आलर धर्मेसिन अक्‍खर, लिकिन आर आसिन धर्मे लेक्‍खा म‍ईन मल नन्नर महले धन्‍यवाद हूँ मल नन्नर। आर ही सोच अनभनियाँ मंजा केरा अरा आर ही मल लखरना ही जिया ऊख़ा मंजा केरा।

रोमी 1:5

धर्मेस येसुस ती एमा मया अरा त‍इरका मन्ना ही हदा चिच्‍चस का आसी नामे ही चड्डे उर्मी जातियर पत्त'ओर ती आसी पॆसकन ननोर।

रोमी 16:26

ईद गा अक्‍कुन जनमजुग धर्मेसी पॆसका ती धर्मेसी कत्‍था तिंगुर ही पुथी गुट्ठी ती ईद उर्मी जातियर नू चलख़रा अरा अख़तारा, औंगे उर्मी जातियर इदिन पत्त'अना ती आस गे मन'आ ओंगनर।

रोमी 7:23

लिकिन ऎन एंग्‍है मॆद ही अंग गुट्ठी नू मॆद सुबहा नलख ननी अदिन अगम'अदन। ईद एकदन ऎन जिया नू पत्तारदन आ धर्मेसी नॆग गने बिच्‍छानख्र‍'ई। मॆद सुबहा एंग्‍है मॆद नू नलख ननी आद पाप ही नॆग हिके। अरा आद एंगन अदही गुड़रका कम'ई।

1 कोरिन्‍थ 1:19

नेम्हा पुथी नू एन्ने लिख्रकी र'ई का “लूरगर ही लूरन नठाब'ओन चि'ओन अरा अख़'उर ही अख़नन अनभनियाँ ननोन चि'ओन।”

1 कोरिन्‍थ 3:19

एन्‍देरगेका ई ख़ॆख़ेल ता लूर धर्मेसी ऎरना नू बोया र'ई। नेम्‍हा पुथी नू एन्ने लिख्रकी र'ई का, “आस लूरगर आलारिन आर ही चतरा लूर ती दिम बझाब'अदस।”

2 कोरिन्‍थ 11:20

एन्‍देरगेका नीकईम निमन बिट्ठी ननू जॊंख़ कम'आ बेद्ददस, अरा नीकईम निमन नुलख़दस, अरा नीकईम निम्है ओदहा ती अपन नफा हो'अदस, अरा नीकईम तंगन कोहाँ नन्दस, अरा नीकईम निमन चटक'अदस, होले हूँ नीम अबड़ारिन रिझ गने सहदर।

2 कोरिन्‍थ 9:13

निमा ई सुसर'अना नलख ती नीम निमन पुरुब मंजका र'अदर। आर धर्मेसी ओहमा ननोर, ईगेका नीम उर्मी पॆस्रना गने मसीसी दौ कत्‍थन इंझ्रकर, अरा आर ही गने अरा ओर्मर ही गने हरग जिया ती दानन ख़ट्टकर चिच्कर।

फिलिप्‍पी 4:7

होले उर्मी बुझुरना ती गेच्‍छा र'अना धर्मेसी सान्‍ति, निम्‍है जिया गुट्ठिन अरा निम्‍है सोचना गुट्ठिन नीम मसी येसुसी र'अना ती ख़ापो।

2 थेस्‍सलोनिकॆयर 2:4

आस उर्मी देंवता अरा आलर महबा नन्नर अबड़ा ओर्मा ती तंगन कोहाँ मन्‍दस ती अबड़ा ही बिड़दो नू मन्‍दस। आस धर्मेसी मन्‍दिर नू धर्मेस लेक्‍खा ओक्‍कदस ती तंगन धर्मेस ऎद्ददस।

2 थेस्‍सलोनिकॆयर 2:8

होले आ नॆग मलका दहदर मनो। लिकिन उर्बा येसुस तंग्‍है बई ता सांस ती अदिन पिटोस अरा तंग्‍है बरना नू तंग्‍है लौकारना ती अदिन नठाब'ओस।

इब्रानी 4:12

धर्मेसी कत्‍था गा उज्‍जना अरा सवंगिय अरा उर्मी अखी-पखी धारे तलवार ती कोड़हे धारे र'ई, अरा आद जिया अरा बॊलता, अरा टोकना टोकना अरा ख़ॊचॊल ही गुद्दा गुद्दा गूटी अंड़सत'ई ती भगि'ई चि'ई, अरा जिया ही सोच अरा मने गुट्ठिन दहदर ननी।

इब्रानी 5:9

आस बड़ियर मंज ख़च्‍चियस ती अरा धर्मेस ती मेलख़िसेदेक लेक्‍खा कोहाँ नैग ही अड्डा ख़क्‍खियस ती नॆ आसिन पॆस्रनर, आर ओर्मर गे जनमजुग गे नाड़रना ही चड्डे मंजस केरस।

1 पतरस 1:2

धर्मे बंगस तान हुल्लो तिम ठंचका लेक्खा निमन चजकादस, अरा नीम आसिन पॆस्र'आ गे आसी बॊलतस निमन नेम्हा नंजकादस, अरा येसु मसीसी ख़ॆंस ती नॊड़रकादर। धर्मेसी मया अरा कोड़े कोड़हे ती कोड़हे निमा मनन नेकअन।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।