2 कोरिन्‍थ 10:18 - पुना गच्छरना NT (BSI)

¹⁸ एन्देरगेका नॆ तान तंगन ओहमा नन्दस आस मला, उर्बस ती ओहमा ख़क्खोस आस दिम इंझ्रतारदस।

2 कोरिन्‍थ 10:18 ပူးပေါင်းရင်းမြစ်များ

लू‍कस 16:15

ख़ने आस आरिन बाचस, “नीम आलर ही ऎरना नू गा दौ ऎथ्रदर, लिकिन धर्मेस निम्‍है जिया ता कत्‍थन अख़दस। एकाद आलर ही ऎरना नू कोहाँ र'ई आद धर्मेसी ऎरना नू ख़ाँड़ना र'ई।

यॊहनस 12:43

आर गा धर्मेस ती बरना ओहमा ती आलर ती बरना ओहमन कोड़हे पत्त‍र'आ लगियर।

त‍इरकर 2:22

इस्राऎल आलारो, इबड़ा कत्‍थन मेनके। नीम अख़दर का धर्मेस नासरेत ता येसुस ती एका कोहाँ अजगुत नलख अरा अकबक नलख अरा चिन्‍हा गुट्ठी निम्‍है मझी नू नंजस। इत्रु ती धर्मेस आसिन निमन ऎदस का आस धर्मेस तरती त‍इरकाचस।

रोमी 14:18

एका ओर्तस ई लेक्‍खा मसीसी तेतर-सुसर नन्‍दस, आस धर्मेसिन रिझाब'अदस अरा आलर आसिन सहरारनर।

रोमी 16:10

अपेल्‍लॆस गे मोंजरा एकास मसी नू पोकता उरखस। अरिस्‍तोबुलोसी एड़पातर गे मोंजरा।

रोमी 2:29

लिकिन एकास धर्मेसी पॆसकन पॆस्रदस आस मानिम यहूदी हिकदस। लिख्रका नॆग ती मला लिकिन नेम्‍हा बॊलतस जियन बदलदस आद दिम मानिम खतना हिके। एन्ने आलासी आलर तर‍ती मला धर्मेस तरती म‍ईन मनी।

1 कोरिन्‍थ 11:19

नॆ निम्‍है नू बड़ियर उरखकानर आरिन अख़तार'आ गे, ख़ाड़रना निम्‍है मझी नू मन्ना ही चाड़ र'ई दिम हिके।

1 कोरिन्‍थ 4:5

औंगे ठंचका बेड़ा ही मुन्‍द नीम नॆख'आदिम नेंवई अमा नना, उर्बासी बरना गूटी पाब ऎरा। आस ऊख़ा नू नूख़्रका कत्‍था गुट्ठिन बिल्‍ली नू ऎद'ओस, अरा आलर ही जिया गुट्ठी ही सोच गुट्ठिन दहदर ननोस। आ बारी धर्मेस तरती ओर्त ओर्त तंग्‍है ओहमन ख़क्‍खोर।

2 कोरिन्‍थ 10:12

निम्है मझी नू नॆ तमानिम कोहाँ ऎदनर, आर ही गने ऎम एमन बरुबर मन्ना महले जोक्‍खना गे डिढ मल नन्दम। लिकिन आर गा अपन ही जोक्खना ती अपन ख़ोयनर, अरा तमन ओर्त ओर्त गने जोक्खनर ख़ने, आर तम्‍है बोया मन्नन ऎदनर।

2 कोरिन्‍थ 13:7

अक्कु ऎम धर्मेसिन गोहरारदम का नीम एकअम मलदौ मल ननोर। इदगे मला का ऎम जंचना नू जितचका ऎथ्र'ओम, लिकिन इदगे गोहरारदम का ऎम जंचना नू हार मंजकम एन्ने ऎथ्रना ती हूँ, नीम दौ ननोर।

2 कोरिन्‍थ 3:1

ऎम एमन अउर हूँ फुलई मना हेलरदम का? महले जोक्क आलर गे नालिस चिठी चाड़ र'ई, अन्ने ऎम निमा गे नालिस चिठी ऎद'आ गे चाड़ र'ई का? महले निम्‍है गुसते एमा गे नालिस चिठी चाड़ र'ई का? कहियों मला।

2 कोरिन्‍थ 5:12

ऎम गा निम्‍है मुन्दहारे एम्‍हा ओहमा अउरिम मल नन्दम, लिकिन नीम एम्है पत्त नू फुलई नना गे मोका चि'अदम। औंगे नीम आर गे किर्त'अर ब'आ ओंग्दर का एकार जिया ही कत्‍था नू मला बहरी ऎदना ही कत्‍था नू फुलई नन्नर।

2 कोरिन्‍थ 6:4

लिकिन ऎम धर्मेसी मानिम जॊंख़म एन्ने उर्मी मदहे नू एम्है उज्‍जना ओक्‍कना ती ऎद्ददम। कोड़हे खतीर नन्ना नू, कलपारना नू, कीड़ा नू, सस्ती नू,

2 तीमोथियुस 2:15

नीन बिगर लजर'अम धर्मेसी जॊंख़स र'आ ती, मानिम कत्‍थन लहे लहे बॆस लगे सिखाब'ऊ र'आ ती निंगन धर्मेसी मुन्‍दहारे उजगो आल ऎद'आ गे चिहुट र'आ।

1 पतरस 1:7

निम्है पत्त'अना मानिम एन्ने पुरुब मना गे इबड़ा खिलपत गुट्ठी निमा गे बर'ई। नठारना सोना चिच्ची ती गलाबातार'ई। औंगे सोना ती कोड़हे मईन ही निम्है पत्त'अना खिलपत गुट्ठी ती बिढ़्रना दिम र'ई। निम्है पत्त'अना बिढ़्र'ई ख़ने, येसु मसीस गोट्टा सौंसार गे तंगन दहदर ननो बारी नू नीम ओहमा अरा महबा अरा मईन आबोन ख़क्खोर।