2 कोरिन्‍थ 10:1 - पुना गच्छरना NT (BSI)

¹ अक्कु ऎन पौलुस मसीसी लुदऊ अरा सोग्‍गे ती निमन ने'आ लगदन। निम्है ती जोक्‍क आलर ब'अनर का, “ऎन निम्‍है मझी नू र'अना बारी सन्नी अरा पयहा र'अदन लिकिन गेच्‍छा नू र'अना बारी निम्है मइय्याँ डिढगर गने र'अदन।”

2 कोरिन्‍थ 10:1 ပူးပေါင်းရင်းမြစ်များ

मत्तायोस 11:29

एंग्‍है पगसिन नीम चेड़'आ अरा एंग्‍है ती सिख्र'आ, एन्‍देरगेका ऎन नर्मियाँ अरा जिया ती लुदऊ र'अदन, औंगे नीम निम्‍है जिया नू ख़न्‍न ऎख़्र'ओर।

मत्तायोस 21:5

“येरुसलॆम ता आलारिन ब'आ, ‘ऎरा, निंग्‍है बॆलस निंग्‍है गुसन बर'आलदस। आस लुदऊ र'अस, अरा गदहा नू ओक्‍कदस ती, गदही ख़द्द नू ओक्‍कदस ती बरदस’।”

त‍इरकर 8:32

आस नेम्‍हा पुथी ता ई भाग आबोन पढ़'आ लगियस, “आस भेंडो बेसे पिटर'आ गे होतारस। चुट्टिन खन्‍डुर ही मुन्‍दहारे कलेकसे र'ऊ भेंडो ख़द्दो बेसे आस तंग्‍है ब‍इय्यन मल चलख़स।

रोमी 10:20

धर्मेसी कत्‍था तिंगू यसायास हूँ डिढ नंजस ती धर्मेसी ई कत्‍थन ब'अदस, “नॆ एंगन मल बेद्दा लगियर अबड़र एंगन ख़क्‍खियर अरा नॆ एंग्‍है पत्त नू मल मेनालियर आर गे ऎन एंगन दहदर नंजकन।”

रोमी 12:1

अना भ‍ईरो! ऎन निमन बिन्‍ती नन्‍दन का धर्मेस निमा गे नंजकादस आ नलखन सुरता उइय्यरकी नीम निमन धर्मेस गे उज्‍जना दाँड़े बेसे चि'आ, अरा नेम्‍हा उज्‍जना ती आसिन रिझ्रत'आ, इदिम आसी महबा नन्ना ही मानिम डहरे हिके।

रोमी 15:15

अन्नु हूँ ऎन एसन एसन सुरता नन्‍त'आ गे निमा एकदन डिढ नंजकन ती लिखचकन, एन्‍देरगेका धर्मेस एंगा चिच्का ई मया ती

1 कोरिन्‍थ 2:3

अरा ऎन लेड़पोंयहा अरा इलिच्‍क'आ अरा बग्‍गे अस्रनुम तिम निम्‍है गने रहचकन।

1 कोरिन्‍थ 4:10

ऎम मसीसी चड्डे बोया हिकदम, लिकिन नीम गा मसीस नू लुरगर सोचदर। ऎम लेड़पोंयहा हिकदम, लिकिन नीम गा सवंगिय सोचदर। नीम मईन ख़क्‍खू सोचदर, लिकिन ऎम गा हींड़तारदम।

1 कोरिन्‍थ 4:21

नीम एन्‍देर बेद्ददर? ऎन टेम्पा धर'ओन ती बर'ओन का, महले चोन्‍हा अरा लुदऊ जिया ही बॊलता गने बर'ओन का?

2 कोरिन्‍थ 10:10

एन्देरगेका एंग्है पत्त नू जोक्‍क आलर एन्ने ब'अनर का, “आसी चिठी गुट्ठी बोझा अरा अरबना र'ई। लिकिन आस एम्है गने र'अदस ख़ने, आस पयहा र'अस अरा कछनख्रना नू सवंगिय मलका बेसे र'अस।”

2 कोरिन्‍थ 10:2

ऎन निमन ने'अदन का, नीम एन्ने नना का ऎन निम्‍है गने र'अना बारी एंगा बेड़हा मन्ना अम्‍बो मना, एन्देरगेका एकार अगम'अनर का ऎम सौंसार आलर लेक्‍खा नन्दन। आर ही गने ऎन मानिम नू बेड़हा आलन लेक्खा नना गे तिगचकन।

2 कोरिन्‍थ 10:7

नीम बहरी ही ऎथ्रनन लेका ऎरदर। नीकईम तंगन मसीसी एन्ने असरा नन्दस होले, आस इदन बुझ्रना र'ई का, एकासे आस मसीसी र'अस अन्ने ऎम हूँ मसीसी र'अदम।

2 कोरिन्‍थ 11:21

ऎन लज्‍जे मॊख़्रदन ती इदन ब'अदन का ऎम गा इबड़न नना गे सवंग मलका नू रहचकम। अन्नु हूँ नीकईम एका पत्त नू फुलई मना गे डिढ नन्नर होले, अन्नेम ऎन हूँ फुलई मना गे डिढ मनोन। ऎन ओन्टा बोया बेसे इदिन हूँ ब'अदन।

2 कोरिन्‍थ 11:30

एंगा एकअम कत्‍था नू फुलई मन्ना र'ई होले, एंग्‍है पयहा आबोन ईद'ऊ आलॊ मइय्याँ ऎन फुलई मनोन।

2 कोरिन्‍थ 12:5

एन्ने आलासी पत्त तिम ऎन फुलई ननोन। लिकिन एंग्‍है पत्त नू एंग्‍है पयहा आबोन ईद'ऊ आलॊन अम्बरकी अउर नन्ना इन्द्रिइम नू हूँ फुलई मल मनोन।

2 कोरिन्‍थ 3:12

औंगे एन्ने लेक्खा असरा एमा गे र'अना चड्डे ऎम कोड़हे डिढ गने र'अदम।

2 कोरिन्‍थ 5:20

औंगे धर्मेस एम्है तरती दिम तंग्है ने'अनन नन्ना लेक्खा ऎम मसीसी पैकम हिकदम। ई चड्डे नीम धर्मेस गने मेसाब'आ ब'अरकी मसीसी ऊजी नू ऎम निमन ने'अदम।

2 कोरिन्‍थ 6:1

धर्मेस गने नलख ननू आलम ऎम निमन ने'अदम का धर्मेस ती नीम ख़क्ख्रका मया आबोन अनभनियाँ मना अमा चि'आ।

2 कोरिन्‍थ 7:4

ऎन निम्है पत्त नू कोड़हे डिढ गने र'अदन। ऎन निम्‍है पत्त नू कोड़हे फुलई मन्दन। ऎन जिया सालना ती नीन्द्रका र'अदन। ऎन एंग्‍है उर्मी खिलपत ही मझी नू हूँ रिझ ती नीन्द्रका र'अदन।

गलातिया 4:13

नीम अख़दर का ऎन निम्‍है मझी नू पहिल खेप दौ कत्‍था तेंगा गे बरचकन, आ बारी ऎन कोड़े मल रहचकन।

गलातिया 5:2

ऎन पौलुस निमन आनदन, चिहुंक लगे मेना, नीम निमन खतना मन्‍तार'आ गे चि'अदर होले, निमा मसीस ती एन्‍देरा हूँ फैदा मल मनी।

इफेसुस 3:1

ई चड्डे ऎन पौलुस निमा नन-यहूदीर गे दौ कत्था तेंगना ही चड्डे मसी येसुसी हॆंरका मंजकादन।

इफेसुस 4:1

औंगे उर्बासिन ऎन सुसर'अना ही चड्डे हॆंरका र'अदन, ऎन निमा गे तिगा ब'अदन का, नीम धर्मेस ती ख़क्ख्रका निम्है मॆख़ना ही जोक्‍खा जॊगे उज्‍जना उज्जा चि'आ।

फिलिप्‍पी 4:5

निम्‍है कयास मन्नन ओर्मा आलर अख़नर नेक'आ। उर्बस चाँड़हेम बरदस।

कोलोस्से 1:23

नीम दौ कत्थन मेंजकर ख़ने, निमा ख़क्ख्रका असरा आबोन मल अम्बर ती पत्त'अना नू बड़ियर अरा बन्चका र'आ। ई दौ कत्था दिम मेर्ख़ा किय्या ता ओर्मा आलर गे तेंगरा केरा। ऎन पौलुस ई दौ कत्था गेम सुसर ननू मंजकन।

2 थेस्‍सलोनिकॆयर 3:17

ऎन पौलुस एंग्‍है ख़ेक्खा ती मोंजरा लिखदन। एंग्‍है उर्मी चिठी नू ईद दिम चिन्‍हा र'ई, ईद एंग्‍है लिखचका हवे।

फिलॆमॊन 1:19

“आ नहड़न ऎन निंगा किर्त'ओन चि'ओन” ऎन पौलुस इदन एंग्‍है ख़ेक्खा ती लिखदन। ई बारी नीन निंगानिम एंगा नहड़ा बेसे चि'अना र'ई, एन्ने ऎन निंगा तेंगा गे चाड़ मलकी, एन्देरगेका नीन पत्त'ऊ मना गे ऎन संगरा नंजकन।

1 पतरस 2:11

अना चोन्हा आलारो, नीम ख़ॆख़ेल नू जोक्का उल्ला गे र'उर अरा बहरीतर लेक्खा र'अदर। औंगे ऎन निमन आनदन का नीम मॆद ही रिझ रंग गुट्ठी ती तरकूटी र'आ, एकदा निम्है बॊलता ही बिड़दो अरबा-नख्र'ई।

दहदर मंजका कत्‍था 1:9

ऎन यॊहन निम्‍है भई हिकदन, अरा ऎन निम्है लेक्खा येसुस गने चॊख़रना नू अरा खिलपत चॊदना नू अरा धर्मेसी राजी ही आल मन्ना नू अरा खतिर गने दुक्खे सारना नू निम्है गने मेस्र'ऊ हिकदन। धर्मेसी कत्‍था तेंगना ही चड्डे अरा येसुसी गोवाह र'अना ही चड्डे दंडे ही रूपे नू ऎन पतमॊस नामे टापू नू रहचकन।