2 कोरिन्‍थ 1:7 - पुना गच्छरना NT (BSI)

⁷ अरा निम्‍है पत्त ता एम्‍है असरा बड़ियर र'ई। ऎम अख़दम का एकासे नीम एम्‍है कलपारना नू मेस्रदर अन्नेम नीम एम्‍है जिया सालना नू हूँ मेस्र'ओर।

2 कोरिन्‍थ 1:7 ပူးပေါင်းရင်းမြစ်များ

मत्तायोस 23:30

अरा नीम ब'अदर, ‘ऎम एम्‍है पूरखर ही परिया नू रहचकम होले धर्मेसी कत्‍था तिंगुर ही पिटना नू आर ही गने मल मेस्र'ओम दने।’

1 कोरिन्‍थ 10:13

आलर गे बर'ई आ बिढ़्रना ती नन्‍ना बिढ़्रना निमा गे मल बर'ई। धर्मेस पत्त'अना जॊगे र'अस। आस निमन चॊद'आ पोलना बिढ़्रना नू मल मना चि'ओस, अरा बिढ़्रना ही गने अइय्या ती उरखना ही डहरे हूँ ऎद'ओस, एकत्रु नीम अदिन सह'आ ओंगोर।

2 कोरिन्‍थ 12:20

एन्‍देरगेका एन्ने अम्बो मना गे ऎन एल्‍चदन का ऎन निम्है गुसन बरना बारी, एकासे ऎन बेद्ददन अन्ने निमन मल ख़क्‍खोन, अरा नीम एंगन एकासे मल बेद्ददर अन्नेम ख़क्‍खोर। अरा एन्ने अम्‍बो मना का ऎन निम्‍है नू नग्‍गानख्रना, इस्‍गहा, कदरारना, लोभिया, नीन्दा, जलिय'अना, मोठ'ई, अरा बिगर दाब ख़क्‍खोन।

2 कोरिन्‍थ 7:9

लिकिन अक्‍कु ऎन रिझ्रदन। नीम दुक्खे सारचकर इदगे मला, निम्है दुक्खे निम्है नू जिया किर्त'अनन ओन्द्रा, इदगे ऎन रिझ्रदन। नीम आ दुक्‍खेन धर्मेसी मने लेक्‍खा इंझ्रकर, ख़ने एम्है तरती निमा गे एन्देर हूँ मल बगड़ारा।

2 तीमोथियुस 2:12

नाम आसी चड्डे दुक्‍खे सारदत होले, आसी गने नाम हूँ बॆलर बेसे राजी ननोत। नाम आसी ख़ॊख़ा चॊंख़्र'उर मलदम ब'ओत होले, आस हों नमन तंग्‍है आलर मलदर ब'ओस।

2 तीमोथियुस 3:11

अन्‍तियोख़ेया अरा इकोनियोन अरा लुसत्रा नगरे नू एंग्‍है म‍इय्याँ ऎ बग्‍गे दुक्‍खे अरा सतारना मंजकिचा, अबड़ा उर्मी दुक्‍खेन ऎन एकासे सारचकन अदन नीन अख़दय। लिकिन इबड़ा उर्मी ती उर्बस एंगन बछाबाचस।

याकॊब 1:12

बिढ़्रनन सह'ऊ आलासिन धर्मेस आसीस नन्दस। एन्देरगेका आस आ बिढ़्रना नू बड़ियर र'अना ती उजगो आलस उरखका ख़ॊख़ा, धर्मेस तंग्हा नू चोन्हा ननुर गे चि'ओन एन्ने गच्छरका जनमजुग उज्जना ही इनामन आस ख़क्खोस।

दहदर मंजका कत्‍था 1:9

ऎन यॊहन निम्‍है भई हिकदन, अरा ऎन निम्है लेक्खा येसुस गने चॊख़रना नू अरा खिलपत चॊदना नू अरा धर्मेसी राजी ही आल मन्ना नू अरा खतिर गने दुक्खे सारना नू निम्है गने मेस्र'ऊ हिकदन। धर्मेसी कत्‍था तेंगना ही चड्डे अरा येसुसी गोवाह र'अना ही चड्डे दंडे ही रूपे नू ऎन पतमॊस नामे टापू नू रहचकन।