2 कोरिन्‍थ 1:23 - पुना गच्छरना NT (BSI)

²³ अक्‍कुन ऎन निमन चेताबचकन ती दुक्‍खे मल चि'आ गे दिम कोरिन्‍थ नगरे गे मल बरचकन। इदगे धर्मेस दिम एंगा गोवाह र'अदस।

2 कोरिन्‍थ 1:23 ပူးပေါင်းရင်းမြစ်များ

त‍इरकर 18:1

इदही ख़ॊख़ा पौलुस अथॆने नगरेन अम्‍बियस ती कोरिन्‍थ नगरे नू बरचस।

त‍इरकर 18:8

गोड़हा एड़पा ता मुद्धस क्रिसपोस तंग्‍है एड़पातर गने उर्बासिन पत्ताचस। अरा कोरिन्‍थ ता बग्‍गे आलर हूँ पौलुसी कत्‍थन मेंजर ती पत्ताचर अरा नॊड़रर।

रोमी 1:9

एका धर्मेसी ऎन आसी ख़द्दासी पत्त ता दौ कत्‍था तेंगना ती सौंसे जिया ती तेतर-सुसर नन्‍दन, आस अख़दस का ऎन सगरो एंग्‍है बिन्‍ती नू निमन सुरत'अदन।

रोमी 9:1

ऎन मसी नू मानिम ब'आलदन, ऎन ठकना कत्‍था मल ब'अदन, एंग्‍है लखना हूँ नेम्‍हा बॊलतस नू एंगा इदिन बड़ियर ननी,

1 कोरिन्‍थ 4:21

नीम एन्‍देर बेद्ददर? ऎन टेम्पा धर'ओन ती बर'ओन का, महले चोन्‍हा अरा लुदऊ जिया ही बॊलता गने बर'ओन का?

1 कोरिन्‍थ 5:5

आ बारी आ आलासिन आसी मॆद ही नठाब'आ गे सैतान गे सोंप'आ का ख़ॊख़ा आस पाप नन्नन अम्बरकी धर्मेस तरा किर्रोस होले आसी बॊलता गा उर्बासी किर्रना उल्‍ला नू नाड़रा ओंगो।

2 कोरिन्‍थ 1:1

धर्मेसी मने ती मसी येसुसी त‍इरकन पौलुस, अरा नम्‍है भइय्योस तीमोथियुस, कोरिन्‍थ नगरे ता धर्मेसी कलीसिया गे अरा सौंसे अख़ाया चक नू र'ऊ ओर्मा नेम्‍हा आलर गे लिखना चिठी ईद हवे।

2 कोरिन्‍थ 1:18

लिकिन धर्मेस पत्त'अना जॊगे र'अदस, अन्नेम एम्‍है कत्‍था निमा गे “हाँ” एन्ने बाचका ख़ॊख़ा “मला” एन्ने ब'अना लेक्‍खा मल्‍ला।

2 कोरिन्‍थ 10:2

ऎन निमन ने'अदन का, नीम एन्ने नना का ऎन निम्‍है गने र'अना बारी एंगा बेड़हा मन्ना अम्‍बो मना, एन्देरगेका एकार अगम'अनर का ऎम सौंसार आलर लेक्‍खा नन्दन। आर ही गने ऎन मानिम नू बेड़हा आलन लेक्खा नना गे तिगचकन।

2 कोरिन्‍थ 11:10

मसीसी मानिम एंग्है नू र'ई, ईद मानिम दिम हिके। अन्नेम अख़या चक नू र'ऊ नॆ हूँ एंगन ई फुलई मन्ना ती छेक'आ पोल्लोर, ईद हूँ मानिम हिके।

2 कोरिन्‍थ 11:11

एन्‍देरगे ऎन इदन एन्ने ब'अदन? ऎन निमन चोन्‍हा मल नन्ना ती का? धर्मेस अख़दस ऎन निमन एका कोड़हे चोन्‍हा नन्दन।

2 कोरिन्‍थ 11:31

हुल्‍लो ती हुल्‍लो गूटी ओहमा ख़क्ख'ऊ धर्मेस अरा उर्बा येसुसी बंगस अख़दस का ऎन मल ठकदन।

2 कोरिन्‍थ 12:20

एन्‍देरगेका एन्ने अम्बो मना गे ऎन एल्‍चदन का ऎन निम्है गुसन बरना बारी, एकासे ऎन बेद्ददन अन्ने निमन मल ख़क्‍खोन, अरा नीम एंगन एकासे मल बेद्ददर अन्नेम ख़क्‍खोर। अरा एन्ने अम्‍बो मना का ऎन निम्‍है नू नग्‍गानख्रना, इस्‍गहा, कदरारना, लोभिया, नीन्दा, जलिय'अना, मोठ'ई, अरा बिगर दाब ख़क्‍खोन।

2 कोरिन्‍थ 13:10

ऎन निम्है ती गेच्छा नू र'अना बारी इबड़ा कत्थन इदगे लिखदन का, ऎन निम्है गुसन बर'ओन ख़ने, उर्बस एंगा चिच्का अदिया ती निम्है गने सकत गने इन्द्रिइम नन्ना मल मनो। एन्‍देरगेका एंगा ई अदिया निमन बगड़'आ गे मला कम'आ गे चीतारकी र'ई।

2 कोरिन्‍थ 13:2

ऎन दोसर खेप निम्है गुसन बरचकन ख़ने, मुन्द दिम ऎन निमन चेताबाचकन। ऎन अक्‍कु निम्है गुसन मल र'अदन, अन्नु हूँ ऎन अउरिम निमन चेताब'अदन। ऎन अउर निम्है गुसन बर'ओन होले, नॆ मुन्द पाप नंजकानर अरा नॆ अक्कु पाप नन्नर, नॆकन हूँ सोग्‍गे मल ऎरोन।

2 कोरिन्‍थ 6:6

नेम्हा र'अना नू, लूर नू, सहना नू, सोग्गे ऎरना नू, नेम्‍हा बॊलतस एम्है नू र'अना नू, मानी चोन्‍हा नू,

गलातिया 1:20

धर्मेस अख़दस ऎन निमा लिखचका र'अदन आद जम्मा मानिम रई।

फिलिप्‍पी 1:8

मसी येसुसी लेक्‍खा ऎन चोन्‍हा नन्‍दन ती नीम ओर्मारिन ऎरा गे कोड़हे चिबाख़ारदन, अदगे धर्मेस गोवाह र'अदस।

1 थेस्‍सलोनिकॆयर 2:5

एन्‍देरगेका नीम अख़दर ऎम नॆक‍न हूँ मल फसकटचकम महले नॆकन हूँ चिबाख़ार'आ गे लहर'आ लिक्‍कम। धर्मेस गोवाह र'अदस।

1 तीमोथियुस 1:20

अबड़र नू हुमेनयुस अरा अलेक्‍सन्द्रस हूँ र'अनर। आरिन ऎन सैतान ही सवंग नू सोंपचकन चिच्‍चकन का अत्रु ती आर तम्‍है मलदौ नलखन अख़'ओर ती धर्मेसी बिड़दो ब'अनन अम्‍बोर।