2 कोरिन्‍थ 1:19 - पुना गच्छरना NT (BSI)

¹⁹ सीलास अरा तीमोथियुस अरा ऎन निम्‍है मझी नू तिंका धर्मेसी ख़द्दस येसु मसीस, “हाँ” एन्ने बाचका ख़ॊख़ा “मला” एन्ने ब'ऊ मलदस। लिकिन “हाँ” एन्ने ब'अदस होले, आस नू आद सगरो “हाँ” र'ई।

2 कोरिन्‍थ 1:19 ပူးပေါင်းရင်းမြစ်များ

मत्तायोस 17:5

अरा एन्ने ब'अम लगियस का ओन्‍टा बिल्‍चना बदाली आरिन कुल्‍लिया चिच्‍चा। अरा बदाली ती धर्मे बबस अबड़ा चेलारिन बाचस, “ईस एंग्‍है चोन्‍हा ख़द्दस, ईस ती ऎन नगदे रिझ्रदन, ईसहीन मेना।”

मत्तायोस 24:35

मेर्ख़ा अरा ख़ॆख़ेल छपर'ओ कालो, लिकिन एंग्‍है कत्‍था इकला हूँ मल बदलार'ओ।

मत्तायोस 27:40

आर एन्ने ब'आलियर, “नीन, धर्मेसी मन्दिर आबोन धस'ऊ अरा तीन उल्‍ला नू कम'ऊ। नीन धर्मेसी ख़द्दय होले क्रुस म‍इय्‍याँ ती एत्ता अरा निंगन बछाब'आ।”

मत्तायोस 27:54

रोमी सैनर ही मुद्धस अरा आसी गने र'अरकी येसुसिन ख़ापा लगियर आर ख़ॆख़ेल नुक्रनन अरा अबड़ा मंजकन ईरियर ख़ने, आर नगदे इल्‍चियर अरा अनचकरर, अरा बाचर, “ईस मानिम नू धर्मेसी ख़द्दस रहचस।”

मत्तायोस 3:17

अरा मेर्ख़ा ती धर्मे बबस बाचस, “ईस एंग्‍है चोन्‍हा ख़द्दस हिकदस, ऎन ईस ती बग्‍गे खुसमारदन।”

मत्तायोस 4:3

आ बेड़ा नू नाद बिढ़'आ गे येसुसी गुसन बरचा ती बाचा, “नीन धर्मेसी ख़द्दय होले इब़डा पखनन ब'आ का इबड़ा ओन्ना-मॊख़ना मनो क'ओ।”

मरकुस 1:1

ईद धर्मेसी ख़द्दस येसु मसीसी दौ कत्‍था।

लू‍कस 1:35

पैकस बाचस, “नेम्‍हा बॊलतस निंग्‍है म‍इय्‍याँ बर'ओस, अरा उर्मी ती कोहाँ धर्मेसी सवंग निंग्‍है म‍इय्‍याँ ऎख़ ननो। औंगे एका बॊलॊ ख़द्दस कुन्‍द्र'ओस आस नेम्‍हा मनोस, अरा आस धर्मेसी तंग्‍दस बातार'ओस।

यॊहनस 1:34

इदन ऎन ईरकन, अरा गोवाह चि'अदन का ईस दिम धर्मेसी ख़द्दस।”

यॊहनस 1:49

नतनऎलस आसिन आनाकिर्ताचस, “अना गुरु! नीन धर्मेसी ख़द्दय! नीन इस्राऎल ही बॆलय!”

यॊहनस 19:7

ख़ने यहूदीर आसिन आनाकिर्ताचर, “एमा गे नॆग र'ई, अरा आ नॆग ही लेक्‍खा ईस पिटना जॊगे र'अस, एन्‍देरगेका ईस तंगन धर्मेसी ख़द्दस ब'अदस।”

यॊहनस 20:28

ख़ने तॊमस आसिन बाचस, “अना एंग्‍है उर्बायो! अना एंग्‍है धर्मे!”

यॊहनस 20:31

लिकिन येसुस दिम मसीस, अरा धर्मेसी ख़द्दस एन्ने नीम पत्त'आ गे अरा पत्ताचका ती आसी नामे ती नीम उज्‍जनन ख़क्‍खा गे दिम इबड़ा लिख्रकी र'ई।

यॊहनस 3:16

धर्मेस गा ख़ॆख़लन एन्ने कोड़हे चोन्‍हा नंजस का आस तंग्‍है ओर्त लेका ख़द्दासिन चिच्‍चस। औंगे एकार आस नू पत्त'अनर आर मल नठार'ओर, लिकिन जनमजुग ही उज्‍जनन ख़क्‍खोर।

यॊहनस 6:69

ऎम पत्त'अदम अरा अख़दम का नीन धर्मेसी नेम्‍हा आलय।”

यॊहनस 8:58

येसुस बाचस, “ऎन निमन मानिम ब'अदन, अब्राहमस कुन्‍द्रस ती मुन्‍द तिम ऎन र'अदन।”

त‍इरकर 15:22

तहाँ त‍इरकर अरा सेयान आलर कलीसिया ता उर्मिर गने तिगचर का नम्‍है ती जोक्‍क आलारिन चाजोत ती पौलुस अरा बरनबास गने अन्‍तियोख़ेया त‍इय्योत। आर इबड़र हिकनर का बरसब्‍बास बारना यूदस अरा सीलास, ईर पत्त'ऊ आलर नू मुध रहचर।

त‍इरकर 16:1

इदही ख़ॊख़ा पौलुस अरा सीलास देरबॆ नगरे केरर, अरा असन ती लुस‍त्रा नगरे अंड़सियर। असन तीमोथियुस नामे ओन्‍टा पत्त'ऊ आलस रहचस। आसी अयंग यहूदी पत्त'ऊ आली रहचा अरा बंगस युनानी आलस रहचस।

त‍इरकर 18:5

मकेदोनिया ती सीलास अरा तीमोथियुस बरचर ख़ने, पौलुस दौ कत्‍था तेंगा गे उर्मी बेड़ा पहाबालियस। अरा यहूदीरिन येसुस दिम मसीस हवे बाचस ती गोवाह चि'आ लगियस।

त‍इरकर 8:36

आर कानुम कानुम ओन अड्डा नू अम्मु गुसन अंड़सियर। ख़ने मंत्रीस बाचस, “ऎरा, इसन‍ अम्मु र'ई, एंगा नॊड़र'आ गे एन्‍देर बधा र'ई?”

त‍इरकर 9:20

आस लॆम गोड़हा एड़पा गुट्ठी नू येसुसी पत्त नू तेंगा हेलरस का, “येसुस धर्मेसी ख़द्दस हिकदस।”

2 कोरिन्‍थ 1:1

धर्मेसी मने ती मसी येसुसी त‍इरकन पौलुस, अरा नम्‍है भइय्योस तीमोथियुस, कोरिन्‍थ नगरे ता धर्मेसी कलीसिया गे अरा सौंसे अख़ाया चक नू र'ऊ ओर्मा नेम्‍हा आलर गे लिखना चिठी ईद हवे।

1 थेस्‍सलोनिकॆयर 1:1

ई चिठी ऎन पौलुस अरा सीलास अरा तीमोथियुस तरती थेस्‍सलोनिकॆ नगरे ता कलीसिया गे र'ई। धर्मे बंगस अरा उर्बस येसु मसीस नू निमा मया अरा कोड़े मनन नेक‍अन।

2 थेस्‍सलोनिकॆयर 1:1

ई चिठी ऎन पौलुस अरा सीलास‍ अरा तीमोथियुस तरती नम्है धर्मे बंगस अरा उर्बस येसु मसीस नू र'ऊ थेस्‍सलोनीकॆ कलीसिया गे र'ई।

1 तीमोथियुस 3:16

ओर्मर अख़नर का महबा ही गम नगदे कोहाँ र'ई। धर्मेस आल कया नू तान ऎथरस अरा नेम्‍हा बॊलतस ती आस धर्मेसी ख़द्दस एन्ने इजताचस अरा मेर्ख़ा पैकर हूँ आसिन ईरियर। आस यहूदी मलनर आ जातियर नू मेन्‍तारस। अरा आस सौंसे ख़ॆख़ेल ता आलर ती पत्ततारस अरा आस मेर्ख़ा नू चोतारस।

इब्रानी 1:11

अबड़ा गा नठार'ओ क'ओ, लिकिन नीन उर्मी उल्‍ला बड़ियर रांगे र'ओय। अरा अबड़ा उर्मी पच्चा किचरी लेक्‍खा ईचतार'ओ क'ओ।

इब्रानी 13:8

येसु मसीस केरका उल्‍ला अरा इन्ना अरा उर्मी उल्‍ला ओन्‍टम र'अस, आस इकला हूँ मल बदलार'ओस।

1 पतरस 5:12

ऎन निमा गे ई चिठिन सीलासी संगरा ती सन्नी रूपे नू लिखचकन ती तइय्दन। आसिन ऎन ओन्टा पत्त'अना जॊगे भई अख़दन। निमन रिझ्रत'आ गे अरा ईदिम धर्मेसी मानिम मया एन्ने गोवाह तेंगा गे ऎन इदन लिखचका र'अदन। औंगे ई मया नू नीम बड़ियर बन्चका र'आ।

2 पतरस 1:17

“ईद एंग्है चोन्हा ख़द्दस, ईस ती ऎन खुसमारदन” एन्ने मसीस गे धर्मेसी कोहाँ बिल्चना महबा ती ओन्टा ब'अना मेन्द्रा ख़ने, आस धर्मे बंगस ती मईन अरा महबन ख़क्खियस।

1 यॊहन 1:3

नीम हूँ एम्है गने मेस्र'आ गे, एन्द्रन ऎम ईरकादम अरा मेंजकादम अदही पत्त नू ऎम निमा मेन्त'अदम। एमा ई मेस्रना गा धर्मे बंगस गने अरा आसी ख़द्दस येसु मसीस गने र'ई।

1 यॊहन 5:20

अरा नाम अख़दत का धर्मेसी ख़द्दस बरचकादस अरा आस नमा मानिम धर्मेसिन अख़ना ही लूरन चिच्का र'अदस। अरा अक्कुन नाम आ मानिम धर्मेस गने मेस्रना नू र'अदत, एन्देरगेका नाम आसी ख़द्दस येसु मसीस गने मेस्रना नू उज्जदत। ईस दिम मानिम धर्मेस अरा जनमजुग उज्जनन चि'उस र'अदस।

2 यॊहन 1:9

एकास मसीसी सिखाब'अना नू बन्चका मल रहचका ती अइय्या ती चाड़दस, आस गे धर्मेस गने नता मल र'ई। लिकिन एकास मसीसी सिखाब'अना नू बन्चका र'अस, आस गे धर्मे बंगस अरा ख़द्दस इरबर ही गने नता र'ई।

दहदर मंजका कत्‍था 1:11

आ सड़ा एन्ने बाचा का, “एन्‍देर एन्‍देर नीन ऎरदय, अदिन ओन्टा पुथी नू लिख'आ ती, इफेसुस, स्मुरना, पेरगमोन, थुअतीरा, सरदीस, फिलदेलफिया, अरा लवोदिकेया नगरे ही सतियो कलीसिया गे तइय्या चि'आ।”

दहदर मंजका कत्‍था 1:17

आसिन ईरकन ख़ने, ऎन आसी ख़ेड्डे नू केचका लेक्‍खा खत्रकन केरकन। ख़ने आस तंग्है तीना ख़ेक्खन एंग्है मइय्याँ नंजस ती बाचस, “अमा एल्‍चा, ऎन मुन्द ता अरा ख़ॊख़ा ता हिकदन।

दहदर मंजका कत्‍था 1:8

नॆ र'अदस, अरा रहचस, अरा बर'ऊ र'अदस, अरा उर्मी ती सवंगिय र'अस, आ धर्मे उर्बस ब'अदस, “ऎन अल्‍फा अरा ओमेगा हिकदन।”

दहदर मंजका कत्‍था 2:18

थुअतीरा नगरे ता कलीसिया ही पैकस गे नीन एन्ने लिख'आ का: गौंगौंरना चिच्‍ची लेक्‍खा ख़न्न अरा पान्ताचका पितल लेक्‍खा ख़ेड्डे र'अना धर्मेसी ख़द्दस इबड़ा कत्था गुट्ठिन ब'अदस।