2 कोरिन्‍थ 1:17 - पुना गच्छरना NT (BSI)

¹⁷ ऎन मल बरचका ती नीम एन्देर सोचदर? एन्देर ऎन इदन चिताबुता नन्ना बारी सेब्‍बा ती नंजकन का? महले ओन घड़ी नू “हाँ हाँ” एन्ने, अरा “मला मला” एन्ने ब'अना लेक्‍खा ऎन सौंसार आलर लेक्‍खा चिताबुता नन्‍दन का?

2 कोरिन्‍थ 1:17 ပူးပေါင်းရင်းမြစ်များ

मत्तायोस 1:19

अन्‍ति अदही आलस यॊसॆफस उजगो रहचस अरा अदिन नठाब'आ मल बेद्दालियस, औंगे आस अदिन कलेकसे अम्‍बा गे तिहा ननालियस।

मत्तायोस 5:37

निम्‍है कत्‍था इवन्‍दम र'ओ, हाँ होले हाँ अरा मला होले मला। एकदा इदिन ती बग्‍गे मनी, आद मलदौ ती मंजकी र'ई।’

यॊहनस 8:15

नीम आलर नन्ना लेक्‍खा नेंवई नन्‍दर, लिकिन ऎन गा नॆख'आनिम नेंवई मल नन्‍दन।

2 कोरिन्‍थ 1:12

अक्‍कुन ऎम ख़ॆख़ेल नू अरा कोड़हे गा निम्‍है गने ता नता नू, धर्मेस चिच्का नेम्‍हा अरा मानिम गने ईक्‍कम, इदगे दिम ऎम फुल‍ई मन्‍दम। इदगे एम्‍है लखना गोवाह चि'ई। ऎम अदन ख़ॆख़ेल ता लूर ती मला, धर्मेसी मया तिम नंजकम।

2 कोरिन्‍थ 11:18

बग्गे आलर सौंसार ही लेक्खा फुलई मन्नर, ऎन हूँ अन्नेम फुलई मनोन।

गलातिया 1:16

अरा आस एग्‍है नू अरा एंग्‍है ती तंग्दासिन दहदर नना गे हुकमारस। एकत्रु ऎन नन-यहूदीर नू तंग्‍दासी दौ कत्‍थन तेंगा कुद्दोन। इदही ख़ॊख़ा ऎन एक‍अम आलर ती सलहा मल्‍ला मंजका।

गलातिया 2:2

धर्मेस दहदर नंजकाचस का एंगा असन काना चाड़ र'ई, औंगे ऎन केरकन। ऎन कलीसिया ही मुध आलर गने सुनसान नू भेंटारकन अरा बाचकन का एका दौ कत्‍थन ऎन नन-यहूदीर मझी नू तेंगा लिक्‍कन। एन्‍देरगेका एंगा एल्‍चना रहचा का एंग्‍है दौ कत्‍था तेंगना नलख एकदन ऎन नंजकादन अरा ऎन अक्कुन ननालदन आद अनभनियाँ अम्‍बो मना।

1 थेस्‍सलोनिकॆयर 2:18

औंगे ऎम निम्‍है गुसन बर'आ गे बिद्दकम। ऎन पौलुस ओंग्‍होन मला घड़ी घड़ी निम्‍है गुसन बर'आ बिद्दकन। लिकिन सैतान एमन छेंकचा उइय्या।

याकॊब 5:12

अना एंग्‍है भईरो, उर्मी ती कोड़हे गा, नीम किरया अमके मॊख़ा। ख़ॆख़ेल ही महले मेर्ख़ा ही महले एकअम नन्ना आलॊ ही मइय्याँ अमके किरया मॊख़ा। लिकिन निम्‍है कत्‍था गा हाँ होले हाँ अरा मला होले मला र'अन नेकअन। होले धर्मेस निमन बदी मल टिड़'ओस।