1 तीमोथियुस 6:9 - पुना गच्छरना NT (BSI)

⁹ लिकिन नॆ उरुब मना बेद्दनर आर एन्ने बिढ़्रना अरा फंदा अनभनियाँ अरा बगड़ारना चिबाख़ारना नू बझरनर। एकदा आलारिन बगड़'ई चि'ई अरा बुडरना ही समुदर नू मूलख़'ई चि'ई।

1 तीमोथियुस 6:9 ပူးပေါင်းရင်းမြစ်များ

मत्तायोस 13:22

अरा एकदा अच्‍च-ख़ोप्‍पा नू चाँख़्रा, आद ईद हवे, एकासे कत्‍थन मेन्‍दस लिकिन ख़ॆख़ेल ता फिकर अरा खुर्जी अरा मया-मॊह आसिन अरबिया ख़ने आस ख़ंज'आ पोलदस।

मत्तायोस 19:22

लिकिन आ जॊंख़स हेन्‍दवारस ती किर्रिम बिच्चियस, एन्‍देरगेका आस नगदे उरुब रहचस।

मत्तायोस 26:15

“ऎन येसुसिन निमा गे धरत'आ गे सहाड़ा ननोन होले, एंगा एन्‍द्रा चि'ओर?” अबड़र आस गे तीस गोटंग चाँदी ही ढिबा जोखचर ती चिच्‍चर।

मत्तायोस 6:19

ख़ॆख़ेल नू निमा गे खुर्जी अमा बेंद'आ, एक्‍सन मुरछा मूख़ी पोचगो गुट्ठी मूख़ी अरा ख़लबर उम्‍पनर ती ख़ड़नर हो'अनर।

मरकुस 4:19

लिकिन आर उरुब मना गे अरा बग्‍गे खुर्जी ख़क्‍खा बेद्दनर अरा आर ख़ॆख़ेल ता जिनिस ही लेका फिकिर नन्नर। औंगे इबड़ा जम्मा धर्मेसी कत्‍थन मॊधर'आ गे ननी। औंगे धर्मेस आरिन एन्‍देर नन्ना र'ई एन्ने बेद्ददस अदिन आर मल नन्नर।

लू‍कस 12:21

एन्नेम आ आलासी दसा हूँ मनो, नॆ तंगा गे लेका खुर्जी ख़ॊंड़रकी उइय्‍दस। आस धर्मेसी ऎरना नू उरुब मलकस।”

लू‍कस 21:35

आद गा ख़ॆख़ेल ता ओर्मा र'ऊ आलर म‍इय्याँ एन्नेम फन्‍दा बेसे बर'ओ।

त‍इरकर 8:20

लिकिन पतरस आसिन बाचस, “निंग्‍है रुपिया निंग्‍है गने नठार'आ नेक‍अन, एन्‍देरगेका नीन धर्मेसी इनाम आबोन रुपिया ती ख़क्‍खा गे सोचकय।

इफेसुस 4:22

औंगे नीम निम्है पच्चा उज्‍जना ओक्‍कनन अरा पच्चा आल सुबहन एकदा घुरिय'अना सुख-सौंरत चड्डे बगड़ारनुम काला लगी, अदन अम्बा चि'आ।

1 तीमोथियुस 1:9

नाम अउरिम अख़दत का नॆग उजगो आलर गे मला, नॆग ही बिड़दो ननुर गे दिम नॆग कम्रकी र'ई। ईद मल पॆस्र'ऊर, महबा मलकर, पपहर, नेम्‍हा मलकर, सोतरर, बंग पिटुर, अयंग पिटुर, आल पिटुर,

1 तीमोथियुस 3:7

आस सौंसरिहर नू हूँ बॆस नामे ख़क्ख्रका आलस मन्ना र'ई। औंगे आस निन्‍दा ख़क्‍ख्रकी सैतान ही फंदा नू मल खत्र'ओस।

1 तीमोथियुस 6:10

एन्‍देरगेका ढिबा ही चिबाख़ारना तिम उर्मी मदहे ही मलदौ गुट्ठी उरखी। जोक्‍क आलर बग्‍गे ढिबा ख़क्‍खना ही तिहा-तोरा नन्नुम आर पत्त'अना डहरे ती एबस्रनर ती कैनो मदहे ही दुक्‍खे गुट्ठी ती ताम तमानिम दुक्‍खे सारत'अनर।

1 तीमोथियुस 6:17

ई ख़ॆख़ेल ता उरुब आलारिन पॆस'आ का आर अम्‍बोर इतरार'आ, अरा नठारना खुर्जी म‍इय्याँ असरा अम्‍बोर नना। लिकिन आर गे नम्‍है सुक्‍ख गे उर्मीन बग्‍गे ती बग्‍गे चि'ऊ धर्मेस म‍इय्याँ असरा नन्ना मनो।

2 तीमोथियुस 2:26

होले आर सैतान ही फंदा ती बछर'अरकी तम्‍है मानी लूर नू किर्रोर, एकदा तंग्‍है मने बेसे नना गे आरिन धरचकी उइय्‍की रहचा।

तीतुस 2:12

अरा नमन तिगाब'ई का नमा बिगर महबा उज्‍जना अरा पाप नन्ना ही चिबाख़ारना गुट्ठी ती जियन किर्त'अना मनो। अरा नाम बगड़ारका ई परिया नू नॆत नॆग अरा मानिम नन्ना ती महबा नू उज्‍जना र'ई।

2 पतरस 2:3

अरा आर तम्है कोड़हे चिबाख़ारना ती ताम कमचका ख़ीरी गुट्ठिन तेंगरकी निम्है गुस्ते फफड़'ओर मॊख़ोर। अरा आर मइय्याँ बरना दंडे पॆसका नगदे उल्ला ही मुन्द तिम धर्मेस ती सपड़ारकी र'ई, अदही बरना ही दिरी मलकी, आर ही नठाब'अना चाड़हेम अंड़सो।

यहूदा 1:11

आर गे ओहरे। एन्देरगेका आर तंग्है भईसीन पिटका कैनसी डहरे नू ऎकनर। अरा आर ढिबा गे बालामसी मलदौ आबोन ताम हूँ नन्नर। अरा कोरेस लेक्खा हुलहुली नन्ना चड्डे नठारनर कानर।