1 तीमोथियुस 6:4 - पुना गच्छरना NT (BSI)

⁴ आस इतरारस केरस अरा एन्‍दरन हों बलदस। आस गे लौचनखरना अरा कत्‍थन आनानखरना ही रोगे र'ई। एकत्रु कैर कुचर, लौचनखरना, निंदा बदी कत्‍था, मलदौ दोखना, सटना तुन्ना,

1 तीमोथियुस 6:4 ပူးပေါင်းရင်းမြစ်များ

त‍इरकर 15:2

इदही पत्त नू पौलुस दरा बरनबास अरा अबड़ा आलर गने कोड़हे आनानख्रना मंजा। औंगे कलीसिया पौलुस अरा बरनबास अरा अन्‍तियोख़ेया ता जोक्‍क पत्त'उरिन येरुसलॆम त‍इय्या गे तिगचर का असन आर ई पत्त नू त‍इरकर अरा सेयान आलर गने कछनख्र'ओर।

त‍इरकर 18:15

लिकिन ईद निम्‍है धरम ही कत्‍था अरा नामे अरा पॆसका ही पत्त ता आनानख्रना हवे। औंगे नीमिम इदन ऎरके। ऎन एन्ने कत्‍था गुट्ठी ही नेंव‍ई नना मल बेद्ददन।”

त‍इरकर 8:9

सिमॊन नामे ही ओन्टा आलस आ नगरे नू रहचस। आस नस'आ लगियस ती समारिया ता आलारिन अकबक नना लगियस। अरा तंगन कोहाँ आल ब'आ लगियस।

रोमी 12:16

अपन ती नन्नर नू कोड़े गने उज्‍जा। अमा फुल‍ई नना, लिकिन टूटपुंजिया आलर गने मेस्र'आ ती र'आ। निमन लूरगर अमा सोच'आ।

रोमी 13:13

उल्‍ला ता आलर लेक्‍खा नाम उजगो डहरे नू ऎकदत नेकअन। नाम रिझ रंग अरा ऊंक्‍खना अरा पेहरन ही सोतरा नलख अरा लम्‍पट नलख अरा अरबानखरना अरा डाहना आबो ती तरकूटी र'अदत नेक‍अन।

रोमी 14:1

एकास पत्त'अना नू पयहा र'अदस आसिन इंझ्र'आ, लिकिन आसी जिया ही ठुकठुकरना म‍इय्याँ अमा नग्‍गानखर'आ।

रोमी 2:8

एका ओर्तर लोभिया र'अनर अरा ठौका कत्‍थन ताड़नर ती मलदौ नू ऎकनर आर गे धर्मेसी खींस दरा कयरारना मनो।

1 कोरिन्‍थ 11:16

लिकिन नेकइम ई पत्त नू आनानख्र'आ बेद्ददस होले, इदन अख़'आ हो'आ का एमा गे महले धर्मेसी कलीसिया गुट्ठी गे अउर नन्ना नेगचार मल्‍ला।

1 कोरिन्‍थ 11:18

मुन्‍द गा ऎन एन्ने मेन्‍दन का नीम कलीसिया बेसे ख़ॊंड़रदर ख़ने, निम्‍है नू ख़ाड़रना गुट्ठी र'ई। अदन ऎन कटिक कटिक पत्त'अदन।

1 कोरिन्‍थ 3:18

नीकईम तमन अम्‍बोर ठक'आ। निम्‍है मदहेर ती नीकईम तंगन ख़ॆख़ेल ही ऎरना नू लूरगर सोचदस होले, आस बोया मन्ना र'ई। होले दिम आस धर्मेसी ऎरना नू लूरगर मना ओंग्‍दस।

1 कोरिन्‍थ 3:3

एन्‍देरगेका नीम अक्‍कु गूटी निम्‍है कया सुबहा ही तबे नू र'अदर। अरा अक्‍कु गूटी निम्‍है नू इस्‍गहा अरा नग्‍गानख्रना मनी, ख़ने नीम कया सुबहा ही आलर दिम हिकदर। नीम ख़ॆख़ेल ता आलर लेक्‍खा दिम उज्‍जदर।

2 कोरिन्‍थ 11:20

एन्‍देरगेका नीकईम निमन बिट्ठी ननू जॊंख़ कम'आ बेद्ददस, अरा नीकईम निमन नुलख़दस, अरा नीकईम निम्है ओदहा ती अपन नफा हो'अदस, अरा नीकईम तंगन कोहाँ नन्दस, अरा नीकईम निमन चटक'अदस, होले हूँ नीम अबड़ारिन रिझ गने सहदर।

गलातिया 5:15

नीम निम्‍है ती ओर्त ओर्तारिन पल्‍ल ती चब'अर, गिर्रो गोत्तो नना गे तिहा नन्‍दर, होले चिहुंक र'आ, मला होले नीम निम्‍है ओर्त ओर्तारिन नठाब'ओर।

गलातिया 5:26

नाम फुल‍ई अम्‍बोत मना, अरा ओर्त ओर्त नू अम्‍बोत अम्‍बर नख्र'आ, अरा ओर्त ओर्त नू कैर कुचर अम्‍बोत मंज नख्र'आ।

गलातिया 6:3

एन्‍देरगेका एकअम ओर्तस तंग्‍है नलख नू मानिम बुझ्रदस होले, आस तंगन ठकदस।

फिलिप्‍पी 1:15

जोक्कोर इस्गहा अरा नग्‍गानख्रना ती मसीसी दौ कत्‍थन तेंगा कुद्दनर, ईद मानिम दिम हिके। लिकिन जोक्क अउर आलर दौ जिया ती हूँ मसीसी दौ कत्‍थन तेंगा कुद्दनर।

फिलिप्‍पी 2:14

उर्मिन बिगर कुटमुटर'आ ती अरा बिगर नग्‍गानख्रकम ती नना।

फिलिप्‍पी 2:3

लोभिया ही चड्डे महले ठकवा फुलई मन्ना चड्डे एन्‍देर हूँ अमा नना। लिकिन लुदऊ जिया ती ओर्त ओर्तारिन तंग्है ती कोड़हे बॆस अख़ना र'ई।

कोलोस्से 2:18

नॆ हूँ निमन ठकना लुदऊ नू अरा मेर्ख़ा पैकारिन ओहमा मन्ना नू मन्दस ती नीम निम्है इनाम आबोन मल ख़क्खना ही जॊगे मना गे अड्डा अमा चि'आ। ई लेक्खा आलस तंग्है ईरका देखार ही पत्त नू बग्गे बुझुरत'अदस। बॊलता ही सुबहा मलका आसी जिया अनभनियाँ सोच ती फुलई मनी।

2 थेस्‍सलोनिकॆयर 2:4

आस उर्मी देंवता अरा आलर महबा नन्नर अबड़ा ओर्मा ती तंगन कोहाँ मन्‍दस ती अबड़ा ही बिड़दो नू मन्‍दस। आस धर्मेसी मन्‍दिर नू धर्मेस लेक्‍खा ओक्‍कदस ती तंगन धर्मेस ऎद्ददस।

1 तीमोथियुस 1:4

अरा तेंगना ख़ीरी गुट्ठी नू अरा मल मुंज्रना खुटी गुट्ठी नू तंम्‍‍है बेड़न अनभनियाँ मुंजनन अम्‍बा गे आना। इत्रु ती आनानखरना गुट्ठी लेका मनी, अरा धर्मेस नू आलर गे पत्त'अना ही उज्‍जना उज्‍जा गे संगरा मल मनी।

1 तीमोथियुस 1:7

आर मूसासी नॆग सिखाब‍'ऊ मना बेद्दनर। लिकिन आर एकदा ही पत्त नू ब'अनर अदिन बलनर, अन्नु हूँ बड़ियर लगे ब'अनर।

1 तीमोथियुस 3:6

कलीसिया ही ईरु-ख़ूजू मुद्धस पुना पत्त'उस अम्‍बोस र'आ। एन्ने होले आस मोठ‍ई मनोस ती सैतान गे ख़क्ख्रका दंडे बेसे ख़क्‍खोस।

2 तीमोथियुस 2:14

नीन इबड़ा कत्‍था गुट्ठिन आरिन सिखाब'अते र'आ। अरा धर्मेसी मुन्‍दहारे तिगाब'आ का सिख्रका कत्‍था गुट्ठी ही माने ही पत्त नू अम्‍बोर नग्‍गानखर'आ। अत्रु एन्‍देर हों मल धार'ई, लिकिन मिनू आलर बगड़ारनर कानर।

2 तीमोथियुस 2:23

अरा मोठ‍ई अरा अनभनियाँ आनानखरना गुट्ठी ती तरकूटी र'आ। एन्‍देरगेका नीन अख़दय का अत्रु अरबानखरना गुट्ठी मनी।

2 तीमोथियुस 3:4

अरा आर दगा चि'ऊ, हुड्ड ननू, मनचड़हा, अरा धर्मेसिन मला लिकिन सुख-सौंरतन दिम बिद्दू मनोर।

तीतुस 3:9

बोया आनानखरना गुट्ठी, अरा पूरखर ही खुटी गुट्ठी, अरा अरबानखरना गुट्ठी अरा यहूदीर ही नॆग ही पॆस्रना ही पत्त नू नग्‍गानख्रना इबड़ा जम्मा ती तरकूटी र'आ। एन्‍देरगेका इत्रु मल धार'ई, बेड़न लेका नठाब'ई।

याकॊब 1:19

अना एंग्‍है चोन्हा भईरो, ई कत्‍थन नीम अख़'आ हो'आ का, अक्कु नीम ओर्मर मेन्ना नू लॆम मिनुर मना। अरा ब'अना नू अरा कैर मन्ना नू दीरी नना।

2 पतरस 2:12

लिकिन इबड़ा ठकवा सिखाब'उर गा ताम मल बुझुरका कत्था गुट्ठी नू निंदा नन्नर। ईर आलर ही सुबहा मलका मेक्खो गुट्ठी लेक्खा र'अनर। ईर तम्है सुबहा ही लेक्खा ऎकना उज्जना आलॊ गुट्ठी लेक्खा र'अनर। ईर धरतारकी लौर'आ अरा पिटर'आ गेम कुन्द्रका र'अनर। मेक्खो गुट्ठी लेक्खम ईर हूँ नठार'ओर।

2 पतरस 2:18

ईर अनभनियाँ कत्था गुट्ठिन कछनख्रनर ती तम्है पत्त नू फुलई मन्नर। अरा मलदौ डहरे नू उज्जू आलर ती बछर'आ गे चिहुट ननू पुना पत्त'ऊ आलारिन ईर आल सुबहा ती बरना पेहरन ही सोतरा नलख ही चिबाख़ारनन चिबाख़ार'आ गे नन्ना ती आरिन पाप नुम र'आ गे तिहा नन्नर।

यहूदा 1:10

लिकिन इबड़ा ठकवा सिखाब'उर गा अख़'अम बलनर अबड़ा कत्था ही बिड़दो नू निंदा नन्नर। अरा सोच'आ पोलना मेक्खो लेक्खा तम्है सुबहा ही लेक्खा एन्द्रन अख़'आ ओंगनर, अबड़न दिम नन्नर, अरा अत्रु तिम नठारनर कानर।

यहूदा 1:16

ईर कुटमुटर'ऊ हिकनर, अरा नन्नर ही मइय्याँ गुन्हा बिद्दू हिकनर। अरा आर तम्है मलदौ चिबाख़ारना ही लेक्खम ऎकनर। अरा आर तम्है पत्त नू फुलई ही कत्थन मन्नर। अरा आर तम्है फयदा गे नन्नारिन हक'आ कुद्दनर।

दहदर मंजका कत्‍था 3:17

नीन एन्ने ब'अदय का, ‘ऎन उरुब र'अदन, अरा एंग्‍है गुसन उर्मी र'ई, अरा एंगा इन्द्रिइम लॊ ही चाड़ मलकी।’ लिकिन नीन इदन बलदय का, नीन कोहाँ ख़त्तय अरा नॆख'आ ही मया मलका अरा कीड़ा अरा अन्धहा अरा ठेठेंगे र'अदय।