1 तीमोथियुस 6:20 - पुना गच्छरना NT (BSI)

²⁰ अना तीमोथियुस धर्मेस निंगा सोंपचकादस अदन ख़ापा। अरा महबा मलका ब'अनन अरा एकाद लूर मल्‍ला अदिन लूर ब'अरकी मलदौ कछनख्रना ती तरकूटी र'आ।

1 तीमोथियुस 6:20 ပူးပေါင်းရင်းမြစ်များ

त‍इरकर 16:1

इदही ख़ॊख़ा पौलुस अरा सीलास देरबॆ नगरे केरर, अरा असन ती लुस‍त्रा नगरे अंड़सियर। असन तीमोथियुस नामे ओन्‍टा पत्त'ऊ आलस रहचस। आसी अयंग यहूदी पत्त'ऊ आली रहचा अरा बंगस युनानी आलस रहचस।

त‍इरकर 17:18

अरा एपिकूरी अरा स्‍तोईकी धरम ता जोक्‍क सिखाब'उर आसी गने कत्‍था बरता मना हेलरर। अरा जोक्‍कोर बाचर, “ई पोरपोरोस एन्‍देर ब'आ बेद्ददस?” अरा नन्नर बाचर, “ईस गा नन्ना देंवता गुट्ठी ही कत्‍था तिंगुस लगदस।” एन्‍देरगेका पौलुस येसुसी अरा आसी उज्‍जा चो'अना ही पत्त नू तेंगा लगियस।

त‍इरकर 17:21

ई अथॆने ता उर्मी आलर अरा नन-राजी ती बर'अरकी असन र'उर गा पुना पुना कत्‍था मेन्ना अरा ब'अना नू तम्‍है उल्‍ला आबोन खंडा लगियर।

रोमी 1:22

आर तमन लूरगर ब'अनर लिकिन आर बोया हिकनर।

रोमी 3:2

उर्मी तरती ढ़ॆर बग्‍गे ख़क्‍खरा। उर्मी ती मुन्‍द धर्मेसी कत्‍था गुट्ठी यहूदीर गे थोपरा।

1 कोरिन्‍थ 2:6

अन्नु हूँ पत्त'ऊ आलर नॆ पखड़ मंज ख़च्‍चिकानर आर ही नू ऎम लूर ही पत्त ता कत्‍थन तेंगदम। लिकिन ई लूर ख़ॆख़ेल ता महले नठार'ऊ ई ख़ॆख़ेल ता राजी ननुर ही लूर मल्‍ली।

1 कोरिन्‍थ 3:19

एन्‍देरगेका ई ख़ॆख़ेल ता लूर धर्मेसी ऎरना नू बोया र'ई। नेम्‍हा पुथी नू एन्ने लिख्रकी र'ई का, “आस लूरगर आलारिन आर ही चतरा लूर ती दिम बझाब'अदस।”

कोलोस्से 2:18

नॆ हूँ निमन ठकना लुदऊ नू अरा मेर्ख़ा पैकारिन ओहमा मन्ना नू मन्दस ती नीम निम्है इनाम आबोन मल ख़क्खना ही जॊगे मना गे अड्डा अमा चि'आ। ई लेक्खा आलस तंग्है ईरका देखार ही पत्त नू बग्गे बुझुरत'अदस। बॊलता ही सुबहा मलका आसी जिया अनभनियाँ सोच ती फुलई मनी।

कोलोस्से 2:8

चिहुंक र'आ का नीकईम निमन अनभनियाँ अरा ठगना तत्व लूर ती अम्‍बोर फफड़'आ हो'आ, एकदा पुरखौती अरा ख़ॆख़ेल ता बॊलता गुट्ठी ही सवंग ता सिखाब'अना लेक्‍खा गा र'ई, लिकिन मसीसी लेक्‍खा मलकी।

2 थेस्‍सलोनिकॆयर 1:4

लिकिन निमा बरचकी र'ई आ सस्‍ती अरा खिलपत बेड़ा नू सहना अरा पत्त'अना नू ऎम फुल‍ई मन्‍दम। अरा निम्‍है पत्त नू धर्मेसी नन्ना कलीसिया गुट्ठी संगे कछनख्रदम।

2 थेस्‍सलोनिकॆयर 2:15

औंगे भईरो, नीम बड़ियर मन्नुम कला अरा एम्‍है बई ती मेंजका कत्‍था ती महले एम्‍है चिठी ती नीम सिख्रका र'अदर अदिन धर'आ।

1 तीमोथियुस 1:11

ई दौ सिखाब'अना उर्मी ती धन्‍य धर्मेसी महबा ही दौ कत्‍था ती बर'ई, एकदा एंगा सोंपरकी र'ई।

1 तीमोथियुस 1:2

पत्त'अना नू एंग्‍है मानिम ख़द्दस तीमोथियुस गे इदिन लिखदन। धर्मे बंगस, अरा नम्‍है उर्बा मसी येसुस तरती निंगा मया अरा सोग्‍गे अरा कोड़े ख़क्‍खर‍'अन नेक‍अन।

1 तीमोथियुस 1:4

अरा तेंगना ख़ीरी गुट्ठी नू अरा मल मुंज्रना खुटी गुट्ठी नू तंम्‍‍है बेड़न अनभनियाँ मुंजनन अम्‍बा गे आना। इत्रु ती आनानखरना गुट्ठी लेका मनी, अरा धर्मेस नू आलर गे पत्त'अना ही उज्‍जना उज्‍जा गे संगरा मल मनी।

1 तीमोथियुस 1:6

लिकिन जोक्‍क आलर इदिन अम्‍बियर ती अनभनियाँ कछनख्रना गुट्ठी नू एबस्रकानर।

1 तीमोथियुस 1:9

नाम अउरिम अख़दत का नॆग उजगो आलर गे मला, नॆग ही बिड़दो ननुर गे दिम नॆग कम्रकी र'ई। ईद मल पॆस्र'ऊर, महबा मलकर, पपहर, नेम्‍हा मलकर, सोतरर, बंग पिटुर, अयंग पिटुर, आल पिटुर,

1 तीमोथियुस 4:7

लिकिन नीन महबा मलका ख़ीरी अरा तेंगना ख़ीरी गुट्ठी ती तरकूटी र'आ। अरा निंगन महबा उज्‍जना उज्‍जा गे हेबाब'आ।

1 तीमोथियुस 6:11

लिकिन अना तिमोथियु, धर्मेसी आलायो, नीन इबड़ा उर्मी कत्‍था ती तरकूटी र'आ, अरा मानिम डहरे नू उजगो ऎका, अरा महबा, पत्त'अना, चोन्‍हा, सहेलहे अरा लुदऊ जिया नन्ना नू र'आ।

1 तीमोथियुस 6:14

नीन नम्‍है उर्बस येसु मसीसी अउर दहदर मन्ना गूटी ई आनन‍न निमन अरा बिगर बदी ही उइय्या।

2 तीमोथियुस 2:1

औंगे एंग्‍है ख़द्द तिमोथियु, नीन मसी येसुसी चि'अना आ मया नू बड़ियर मना।

2 तीमोथियुस 2:16

लिकिन महबा मलका ब'अना ती बछ्रका र'आ। एन्‍देरगेका ईद आलारिन धर्मेस ती अउर हूँ गेच्‍छा ननी चि'ई।

तीतुस 1:14

आर गे यहूदीर ही ख़ीरी धंधा गुट्ठी अरा मानिम ती बेहड़ारका केरकर ही पॆसका गुट्ठिन मल मेन्ना र'ई।

तीतुस 1:4

नम्‍है मझी नू र'ऊ पत्त'अना नू एंग्‍है मानिम ख़द्दस तीतुस गे ऎन पौलुस लिखदन। धर्मे बबस अरा नम्‍है बछाब'उस मसी येसुसी मया अरा कोड़े निं‍गा मनन नेक‍अन।

तीतुस 1:9

अरा आस गे सिखाबाचका मानिम कत्‍था नू जिट जिट र'अना र'ई। होले आस आसी दौ सिखाब'अना ती नन्ना आलर गे संगरा नना ओंगोस। अरा अदही बिड़दो ब'उर ही ब‍इय्यन उट'आ ओंगोस।

तीतुस 3:9

बोया आनानखरना गुट्ठी, अरा पूरखर ही खुटी गुट्ठी, अरा अरबानखरना गुट्ठी अरा यहूदीर ही नॆग ही पॆस्रना ही पत्त नू नग्‍गानख्रना इबड़ा जम्मा ती तरकूटी र'आ। एन्‍देरगेका इत्रु मल धार'ई, बेड़न लेका नठाब'ई।

दहदर मंजका कत्‍था 3:3

औंगे सुरता नना का एका कत्‍थन नीन इंझरकादय अरा मेंजकादय, अरा अदिन पॆस्र'आ, अरा जियन किर्त'आ। नीन एज्रका मल र'अदय होले, ऎन ख़लबस लेक्‍खा बर'ओन। अरा नीन कहियों बल्लोय का ऎन एका बेड़ा नू निंग्है बिड़दो बर'ओन।