1 तीमोथियुस 6:2 - पुना गच्छरना NT (BSI)

² अरा पत्त'ऊ उर्बर ही किइय्या ता बिट्ठी ननू जॊंख़र तम्‍है उर्बर पत्त'ऊ र'अना चड्डे आरिन जुक्‍किम म‍ईन अम्‍बोर नना। आर गे अउर हूँ बग्‍गे म‍ईन मरजात नन्ना र'ई। एन्‍देरगेका आर पत्त'ऊ आलारिन संगरा अरा चोन्‍हा नन्नर। इबड़ा कत्‍थन नीन कलीसियन सिखाब'आ अरा बुझाब'आ।

1 तीमोथियुस 6:2 ပူးပေါင်းရင်းမြစ်များ

मत्तायोस 23:8

लिकिन नीम ‘गुरु’ अमके बार'आ, एन्‍देरगेका निम्‍है गा ओर्तलेका गुरु र'अस अरा नीम ओर्मर भइय्योर हिकदर।

मत्तायोस 25:40

होले ऎन बॆलन आरिन किर्त'अर ब'ओन, ‘ऎन निमन मानिम ब'अदन, नीम इबड़ा एंग्‍है सन्नी ती सन्नी भइय्योर नॆखअम गने नंजकर अदिन एंग्‍है गनेम नंजकर।’

मत्तायोस 6:24

नॆ हूँ ऎंड़ उर्बर ही सुसर नना पोलदस। आस गा ओर्तासिन हींड़'ओस अरा नन्नासिन चोन्‍हा ननोस, महले ओर्तस गने मेस्रका र'ओस अरा नन्‍नासिन ख़ाँड़'ओस। ई लेक्‍खम नीम धर्मेसी अरा ख़ॆख़ेल ता खुर्जी ही सुसर नना पोलदर।

त‍इरकर 1:15

अबड़ा उल्‍ला नू उन्दुल मलागूटी ओन सौ बीस आलर ख़ॊंड़रका रहचर, पतरस आर ही मझी नू इज्‍जस ती बाचस,

रोमी 11:17

दौ जैतून मन्न ती जोक्‍क डाड़न एस'अरकी तरकूटी नन्‍तारकी किरकी र'ई। अरा नीम नन-यहूदीरो! जंगली जैतून ही डाड़ा हिकदर, अदही अड्डा नू कलम नंजका हिकदर। अरा दौ जैतून ही पादा ती बर'ऊ अदही उज्‍जना ही रासी ही हिसा मंजकर।

रोमी 8:29

धर्मेस आरिन हुल्‍लु तिम अक्‍खस, अरा आस आरिन तंग्‍है ख़द्द बेसे मना गे ओट्‍‍टा ओकताचस। होले येसुस बग्‍गे भ‍ई बहिनर नू जेट्ठा मना ओंगोस।

गलातिया 5:6

एन्‍देरगेका मसी येसुस नू खतना मन्‍ना का मल मन्‍ना एन्‍देर नलख ही हूँ मलकी। लिकिन पत्त'अना लेका चाड़ र'ई, एकदा चोन्‍हा चड्डे नलख ननी।

इफेसुस 1:1

धर्मेसी मने ती मसी येसुसी तइरकन पौलुस [इफेसुस नगरे ता] मसी येसुसिन पत्त'ऊ नेम्‍हा आलर गे ई चिठिन लिखदन।

इफेसुस 1:15

ई चड्डेम उर्बा येसुस नू निम्‍है पत्त'अना अरा उर्मी नेम्हा आलर मइय्याँ ता निम्है चोन्‍हा ही पत्त नू ऎन मेंजकन ती

इफेसुस 3:6

ई गम ईद र'ई का दौ कत्‍था ती नन-यहूदीर हूँ यहूदीर गने धर्मेसी आसीस नू बटा मन्नर, अरा आर आर गने मसी येसुसी ओन्टे मॆद ही अंग मन्नर, अरा आर आर ही गने धर्मेस मसी येसुस ती नंजका गच्छरना नू बटा मन्नर।

कोलोस्से 1:2

कोलोस्से नगरे नू मसीसी चड्डे नेम्‍हा अरा पत्त'अना जॊगे र'अना धर्मेसी आलर गे ई चिठिन लिखदम। नम्‍है धर्मे बंगस ती निमा गे मया अरा सान्‍ति मनन नेकअन।

कोलोस्से 1:4

एन्‍देरगेका मसी येसुस नू निम्है पत्त'अना ही पत्त नू अरा ओर्मा धर्मेसी आलर ही मइय्याँ ता निम्है चोन्हा आबोन ऎम मेंजकादम।

कोलोस्से 4:1

अना उर्बारो, निमा गे हूँ मेर्ख़ा नू ओन्टा उर्बस र'अदस एन्ने अख़'अरकी नीम निम्है बिट्ठी ननू जॊंख़र गे एन्देर एन्देर ठौका अरा बॆस र'ई अदिन चि'आ हो'आ।

2 थेस्‍सलोनिकॆयर 1:3

अना भईरो, एमा निमा गे सगरो धर्मेसिन धन्‍यवाद चि'अना र'ई। आदिम दौ र'ई। एन्‍देरगेका निम्‍है पत्त'अना अउरिम परदा लगी, अदही गने निम्‍है चोन्‍हा ओर्त ओर्त नू र'ई आद परदा लगी।

1 तीमोथियुस 4:11

इबड़ा कत्‍थन नीन आरिन सिखाब'आ ती पॆस'आ।

1 तीमोथियुस 5:1

पचगी आलासिन कैर ती अमा आना लिकिन बंगस बेसे म‍ईन नन'अरकी सलहा चि'आ। अरा जॊंख़ारिन निंग्‍है भ‍ई बेसे नना।

तीतुस 2:1

लिकिन नीन एन्ने एन्ने कत्‍था गुट्ठिन तेंगा का एकदा बड़ियर सिखाब'अना जॊगे र'ई।

तीतुस 2:15

नीन इबड़ा कत्‍था गुट्ठिन पत्त'ऊ आलर गे सिखाब'अत र'आ। अरा इबड़न नना गे रिझाब'आ। अरा उर्मी आकुस गने तेंगा का आर ही उज्‍जना नू एन्‍देर मलदौ र'ई। निंग्‍है एन्‍ने ब'अना ती नॆ हूँ निंगन अम्‍बोर ख़ाँड़'आ नेक‍अन।

तीतुस 3:8

इबड़ा कत्‍था गुट्ठी मानिम हिके। अरा ऎन बेद्ददन का आलर इबड़ा कत्‍था गुट्ठी ही पत्त नू बड़ियर लगे बुझ्रनर। होले एकार धर्मेसिन पत्त'अनर, आर दौ नलख नू ल‍इक्‍का र'आ गे चिहुंक ननोर। इबड़ा कत्‍था गुट्ठी बॆस अरा ओर्मर गे धार'ई।

इब्रानी 3:1

औंगे मेर्ख़ा नू आसी गने र'आ गे धर्मेसी मॆख़रना नू ख़टर'ऊ नेम्‍हा भ‍ईरो! ‍धर्मेस ती तइरका अरा कोहाँ नैगस येसुसी पत्त नू चिहुंक लगे सोच'आ, आसी पत्त नुम गा ऎम तेंगा लगदम।

इब्रानी 3:14

नाम नम्‍है मुन्‍द ता पत्त'अना नू मुंज्रना गूटी बड़ियर इज्‍जका र'ओत होले, नाम ओर्मत मसीसी जम्मा नू सजहा मन्‍दत।

1 पतरस 5:1

निम्है मझी ता सेयान आलर गे, आर ही लेक्खा संगे सेयान आलन, अरा मसीस सारचका सस्ती गुट्टी ही गोवाह, अरा दहदर मन्ना महबा नू मेस्र'ऊ र'अना एंग्है रिझ्रत'अना ईद र'ई का:

2 पतरस 2:10

मुध गा तम्है पाप सुबहा ती बरना मलदौ चिबाख़ारना अरा सोतरा नलख गुट्ठी ही ख़ॊख़ा ख़ॊख़ा कालरकी धर्मेसी अदिया आबोन हींड़'उर मइय्याँ धर्मेस एन्नेम बेड़हा दिम र'अदस। इबड़ा आलर फुलई मनू अरा हुड्ड र'अनर। ईर मेर्ख़ा ता महबा ही आलॊ गुट्ठिन हूँ निंदा नना गे मल इल्चनर।

यहूदा 1:8

आ रकम तिम तम्है देखार गुट्ठी ही मइय्याँ असरा नन्ना ती अदही लेक्खा ईकू इबड़ा आलर तम्है कयन सोतबोड़'आ नन्नर अरा धर्मेसी अदिया आबोन मल गदन'अनर, अरा मेर्ख़ा पैकारिन हींड़नर।