1 तीमोथियुस 6:19 - पुना गच्छरना NT (BSI)

¹⁹ एन्ने नन्ना ती आर तम्‍है खुर्जिन मेर्ख़ा नू बछाब'अनर ती उइय्यनर अरा तम्‍है बरना उल्‍ला गे बड़ियर नेव उइय्यनर। इत्रु आर मानिम उज्‍जनन तम्‍है आकुस नू नन्नर।

1 तीमोथियुस 6:19 ပူးပေါင်းရင်းမြစ်များ

मत्तायोस 19:21

येसुस आसिन बाचस, “नीन बड़ीयर मना बेद्ददय होले, कला, निंग्है खुर्जिन बीसा ती मलकर गे चि'आ, फिन निंगा मेर्ख़ा नू खुर्जी ख़क्‍ख्र'ओ। फिन बरा ती एंग्‍है गने चॊंख़्र'आ।”

लू‍कस 12:33

औंगे निम्‍है खुर्जिन बीसा चि'आ अरा कीड़र गे चि'आ। अरा मल पच्‍चना ढिबा झोला अरा मल खंगर'ओ खुर्जी आबोन मेर्ख़ा नू बेन्‍द'आ। असन ख़लबर मल ख़ड़नर अरा सुरही मल मूख़ी।

लू‍कस 16:25

लिकिन अब्राहमस बाचस, ‘अना ख़द्द, सुरता नना नीन निंग्‍है उज्‍जना ही बेड़ा नू निंग्‍है दौ जिनिसन ख़क्‍खा चुकुरकय, अन्नेम लाजरस मलदौ जिनिसन ख़क्‍खियस। लिकिन अक्‍कुन आस इसन जिया सालना ख़क्‍खालदस अरा नीन गा कलपार'आ लगदय।

लू‍कस 16:9

अरा ऎन निमन ब'अदन, ख़ॆख़ेल ही खुर्जी ती निमा संगेरिन कम'आ, एन्‍देरगेका एकाबारी खुर्जी निम्‍है ती अम्‍बर'ओ, होले ईर निमन जनमजुग ता एड़पा गुट्ठी नू परघ'ओर।

लू‍कस 18:2

“ओन्‍टा पद्दा नू ओर्त नेंव‍ई ननुस रहचस, आस धर्मेसिन गा मल एल्‍चालियस अरा आलारिन हूँ मल गदन'आ लगियस।

लू‍कस 18:22

इदन मेंजस ती येसुस आसिन बाचस, “अन्नु हूँ नीन अक्‍कुन गूटी ओन्‍टा कत्‍थन मल नंजकादय, नीन निंग्‍है उर्मी खुर्जिन बीसरकी कीड़र गे ख़ट्टा चि'आ। फिन बरा अरा एंग्‍है गने चॊंख़्र'आ। होले निंगा मेर्ख़ा नू इनाम ख़क्ख्र'ओ।”

गलातिया 5:6

एन्‍देरगेका मसी येसुस नू खतना मन्‍ना का मल मन्‍ना एन्‍देर नलख ही हूँ मलकी। लिकिन पत्त'अना लेका चाड़ र'ई, एकदा चोन्‍हा चड्डे नलख ननी।

इफेसुस 3:17

अरा मसीस मइय्याँ ता निम्है पत्त'अना ही चड्डे मसीस निम्‍है जिया नू ओक्करदस नेकअन, अरा नीम चोन्‍हा नू मन्न ही पादा ख़ोड़ख़ा एत्तना लेक्खा मनरकी बन्चका र'अन नेकअन।

फिलिप्‍पी 3:12

इबड़ा उर्मिन ऎन ख़क्‍खा ख़च्चकादन, महले पखड़ मंज ख़च्चकादन एन्ने मल सोचरकी, मसी येसुस ती ऎन एन्देरगे चजरकादन अदिन पूरा नना गेम ऎन कोड़हे चिहुट नन्तेम र'अदन।

फिलिप्‍पी 3:14

ऎन धर्मेस चि'अना इनामन ख़क्खा गे एंग्है लच्छय तरा अंड़सा गे कोड़हे चिहुट नन्दन। आ इनाम मेर्ख़ा उज्जनन ख़क्खा गेम धर्मेस एंगन मसी येसुस ती मीख़कादस।

1 तीमोथियुस 6:12

एकासे बॆस सैनस तंग्‍है लड़ाइन लड़दस अन्ने नीन पत्त'अना ही दौ अरबानखर'आ अरा जनमजुग ही उज्‍जनन धर'आ। इदगेम नीन मॆख़रकादय, अरा बग्‍गे गोवाह आलर ही मुन्‍दहारे निंग्‍है पत्त'अनन बॆस ऎदकादय।

2 तीमोथियुस 1:1

ऎन पौलुस, धर्मेसी चीता बुता ती मसी येसुसी त‍इरकन। धर्मेस एंगन मसी येसुस नू जनमजुग उज्‍जना ही गच्‍छरका ही पत्त नू तेंगा गे त‍इय्यस।

2 तीमोथियुस 2:19

अन्नु हों धर्मेसिन मानी ती पत्त'ऊ आलर मसीसी पत्त'अना नू पोकता र'ओर। अरा धर्मेस बाचकादस, “तम्‍है आलारिन उर्बस अख़दस” अरा “नॆ ताम उर्बासी ख़ॊख़ा चॊंख़्रदम ब'अनर आर गे मलदौ नलखन मल नन्ना र'ई।”

1 पतरस 1:4

इदही गने धर्मेस निमा गे ओन्टा कोड़हे आसीसन मेर्ख़ा नू उइय्कादस। आद इकला हूँ मल नठार'ई अरा सोतरा मल मनी अरा मल चड़मी।