1 तीमोथियुस 5:25 - पुना गच्छरना NT (BSI)

²⁵ अन्नेम जोक्‍क जोक्‍क आलर ही बॆस नलख गुट्ठी सेब्‍बा ती ईथर'ई, लिकिन जोक्‍क आलर बॆस नलख गुट्ठिन ऎथ्रना बेसे मल नन्नर, आद हूँ उन्‍दुल ईथर'ई दिम।

1 तीमोथियुस 5:25 ပူးပေါင်းရင်းမြစ်များ

मत्तायोस 5:16

एन्नेम निम्‍हा बिल्‍ली आलर गुसन बिलचते र'अन नेक‍अन, का आर निम्है दौ नलखन ऎरोर ती निम्‍है मेर्ख़ा ता बंगासी महबा ननोर।

लू‍कस 11:33

नॆ हूँ बिल्‍लिन लघा ब'अरकी ओदहा नू महले ढक्‍की ती मल कुल्‍लनर, लिकिन पक्‍खा नू उइय्‍नर का भितरी कुर'उर गे बिल्‍ली ऎथ्र'ओ।

त‍इरकर 10:22

ख़ने आर बाचर, “कोरनेलियोस नॆ सौ सैनर ही मुद्धस अरा उजगो आलस अरा धर्मेसी इल्‍चुस र'अदस। उर्मी यहूदी आलर आसी म‍ईन नन्नर। आस गे ओन्‍टा नेम्‍हा पैकस निंगन आसी एड़पा नू मॆख़ा ओन्‍द्र'आ गे पॆसस अरा निंग्‍है ती सिख्र'आ गे बारकी र'ई।”

त‍इरकर 22:12

तहाँ हनानिया नामे आलस एंगन ऎरा बरचस। आस मूसासी नॆगन भगती गने पॆस्र'ऊ आलस रहचस। आस असन र'ऊ उर्मी यहूदी आलर नू बॆस नामे आलस रहचस।

त‍इरकर 9:36

अक्‍कु योप्‍पॆ नगरे नू तबिता नामे ओन्टा पत्त'ऊ आली रहचा। युनानी भखा नू इदही नामे दोरका हवे। आद नगदे दौ नलख नना लगिया अरा कीड़र गे संगरा नना लगिया।

फिलिप्‍पी 1:11

अरा येसु मसीस ती बरना उजगो ही ख़ंजपा ती नीदोर ती र'ओर, आद धर्मेस गे ओहमा अरा महबन ओन्द्र'ओ।

1 तीमोथियुस 3:7

आस सौंसरिहर नू हूँ बॆस नामे ख़क्ख्रका आलस मन्ना र'ई। औंगे आस निन्‍दा ख़क्‍ख्रकी सैतान ही फंदा नू मल खत्र'ओस।

दहदर मंजका कत्‍था 14:13

फेन ऎन मेर्ख़ा ती ओन्टा सड़ा एन्ने ब'अना मेंजकन, “इदन लिख'आ चि'आ, नॆ उर्बस नू खे'अनर आर अक्‍कु ती आसीस ख़क्‍खू र'अनर।” नेम्हा बॊलतस बाचस, “हाँ, आर तम्है अर्ज'अना ती ख़न्न ऎख़ोर, एन्‍देरगेका धर्मेस मानिम नू आर ही दौ नलख गुट्ठी गे इनाम चि'ओस।”