1 तीमोथियुस 5:22 - पुना गच्छरना NT (BSI)

²² तिर्री बिर्री नू नेकअनिम सेयान अमके उइय्या। अरा नन्नर ही पाप गुट्ठी ही बटा अमके मना। नीन निंगन निमन उइय्‍के।

1 तीमोथियुस 5:22 ပူးပေါင်းရင်းမြစ်များ

त‍इरकर 13:3

तहाँ गोहरारना अरा उपास नन्ना ही ख़ॊख़ा आर स‍उल अरा बरनबास म‍इय्याँ ख़ेक्खा उइय्यर ती आरिन त‍इय्यर।

त‍इरकर 18:6

लिकिन अबड़ा आलर पौलुसिन हिड़'आ अरा निंदा नना हेलरर। ख़ने आस तंग्‍है किचरी ता रीड़ोन ख़ित्तियस ती बाचस, “धर्मेस ती निमा ख़क्‍ख्रना दंडे गे हुदा नीम दिम हिकदर, ऎन गा एंग्‍है नलखन मुंज ख़च्‍चकन। ऎन अक्‍कु ती नन-यहूदीर गुसन क'ओन।”

त‍इरकर 20:26

औंगे ऎन इन्ना ब'अदन का ऎन पत्त'अना जॊगे रहचकन, निम्‍है ती निक‍ईम नास मनोर क'ओर होले, अदही जिमा ऎन मलदन।

त‍इरकर 6:6

ईरिन त‍इरकर ही मुन्‍दहारे ओन्द्रर। अरा आर गोहरारर ती आर ही म‍इय्याँ ख़ेक्खा ओक्‍ताचर।

इफेसुस 5:11

अरा ऊख़ा ही ख़ंजपा मलका नलख गुट्ठी नू अमा मेस्र'आ, लिकिन आलर गे ऎद'आ का अबड़ा नलख गुट्ठी मलदौ हवे।

1 तीमोथियुस 3:10

आरिन ईरू-ख़ूजू उइय्ना ती मुन्‍द बिढ़ना मनो। आर ओक्‍कना इजना नू बिगर बदी ही मनोर होले, आर ईरू-ख़ूजू मन्‍नर नेक‍अन।

1 तीमोथियुस 3:2

औंगे कलीसिया ही ईरु-ख़ूजू मुद्धासी उज्‍जना बिज्‍जना उजगो मन्‍ना र'ई। अरा आस ओन्‍टे लेका मुक्‍का उइय्युस अरा चिहुंक, अरा म‍ईन जॊगे आल, अरा पाही ईरू अरा सिखाब‍'आ ऊंगू र'अना र'ई।

1 तीमोथियुस 3:6

कलीसिया ही ईरु-ख़ूजू मुद्धस पुना पत्त'उस अम्‍बोस र'आ। एन्ने होले आस मोठ‍ई मनोस ती सैतान गे ख़क्ख्रका दंडे बेसे ख़क्‍खोस।

1 तीमोथियुस 4:12

नीन जॊंख़य र'अदय, औंगे नॆका हूँ निंगन दुस'आ अमके चि'आ। लिकिन निंग्‍है ब'अना, अरा उज्‍जना ओक्‍कना, अरा चोन्‍हा, अरा पत्त'अना, अरा नेम्‍हा उज्‍जना नू पत्त‍'उर गे नीन चिन्‍हा मना।

1 तीमोथियुस 4:14

कलीसिया ही सेयान आलर निंग्‍है म‍इय्याँ तम्‍है ख़ेक्खन उइय्यो बारी धर्मेस ती निंग्‍है ख़क्ख्रका सवंग आबोन अमा ख़ाँड़'आ।

2 तीमोथियुस 1:6

ऎन निंगन सोचत'अदन का ऎन निंग्‍है म‍इय्याँ ख़ेक्खा उइय्यो बारी धर्मेस ती निंगा ख़क्ख्रका सवंग आबोन बॆस बड़ियर लगे ब‍उर'आ।

2 तीमोथियुस 2:2

एंग्‍है एका सिखाबाचका कत्‍थन नीन नगदे गोवाह आलर ही मुन्‍द मेंजकादय, अदिन असरा जॊगे आलारिन सिखाब'आ। होले आर नन्नारिन हों सिखाब'आ ओंगोर।

इब्रानी 6:2

अरा नॊड़ना मंजना गुट्ठी ही पत्त ता सिखाब'अना, अरा पत्त'ऊ आलर ही म‍इय्याँ ख़ेक्खा गुट्ठी उइय्ना, अरा केच्‍कर ही उज्‍जा चो'अना, अरा धर्मेसी रायबड़ी ती जनमजुग ख़क्‍ख्रना ही पत्त ता कत्‍था।

2 यॊहन 1:11

एन्देरगेका एका ओर्तस एन्ने आलासिन मोंजरा नन्दस, आस आसी मलदौ नलख गुट्ठी नू मेस्रदस।

दहदर मंजका कत्‍था 18:4

फेन ऎन मेर्ख़ा ती अउर ओन्टा सड़ा एन्ने ब'अना मेंजकन, “अना एंग्‍है आलारो, आद ती उरखा बरा, होले नीम अदही पाप गुट्ठी नू मल मेस्र'ओर, अरा अदही मइय्याँ बरना सस्ती निम्‍है मइय्याँ मल बर'ओ।