1 तीमोथियुस 5:21 - पुना गच्छरना NT (BSI)

²¹ धर्मेस अरा मसी येसुस अरा चज्जिका मेर्ख़ा पैकर ही मुन्‍दहारे ऎन निंगन तिगाब'अदन का नीन जियन तिसग‍'अर इबड़ा कत्‍था गुट्ठिन मनके, अरा एक‍अम नलखन भितरी बहरी अमके नना।

1 तीमोथियुस 5:21 ပူးပေါင်းရင်းမြစ်များ

मत्तायोस 16:27

मनवा ख़द्दन ऎन एम्‍बासी महबा अरा आसी पैकर गने किर्रोन। अरा आ उल्‍ला ऎन ओर्मर गे तम्‍‍है तम्‍‍है नलख लेक्‍खा ख़ंजपा चि'ओन।

मत्तायोस 25:41

आ बारी ऎन बॆलन डेब्‍बा पक्‍खे ता आलारिन ब'ओन, ‘अना सरपारका आलारो, एंग्‍है मुन्‍द ती आ मल तेभ्रना चिच्‍ची नू किर्रिम बि'आ, एकदा नाद अरा अदही पैकर गे सपड़ाचका र'ई।

मत्तायोस 28:20

अरा आरिन उर्मी कत्‍था एकदन ऎन निमा पॆसकादन, मन'आ गे सिखाब'आ। अरा ऎरा, ऎन उर्मी उल्‍ला ख़ॆख़ेल ही मुं‍ज्रना गूटी निम्‍है गने र'अदन।”

लू‍कस 20:21

अबड़ा जोह'ऊ आलर येसुसिन मेंजर, “अना गुरु! ऎम अख़दम का नीन मानिम आबोन ब'अदय अरा सिखाब'अदय, अरा तीना मल ख़ाँड़दय, लिकिन धर्मेसी डहरेन मानिम गने सिखाब'अदय।

लू‍कस 9:26

नीक‍ईम एंग्‍है कत्‍थन इंझ्र'आ गे अरा ‘ऎन येसुसी चेला हिकदन’ एन्ने आलर मुन्‍दहारे तेंगा गे लजर'ओस होले, आसिन ऎन हूँ ‘ईस एंग्‍है चेलस हिकदस’ एन्ने ब'आ गे लजर'ओन, इकला ऎन नेम्हा मेर्ख़ा पैकर गने एंग्‍है महबा अरा एम्‍बासी महबा नू किर्रोन।

2 कोरिन्‍थ 5:16

औंगे ऎम अक्कु ती नॆकन हूँ कया ही सुबहा ती मल लेखदम जोक्खदम, ऎम मुन्द मसीसिन एन्ने कया सुबहा ती लेखकम जोक्खकम, लिकिन अक्‍कु ती इकला हूँ आसिन अन्नेम मल नन्दम।

1 थेस्‍सलोनिकॆयर 5:27

ऎन उर्बासी मुन्‍द निंगन पॆसदन ई चिठिन उर्मी भईरिन पड़के ती मेन्‍त'अके।

1 तीमोथियुस 6:13

ओर्मर गे उज्‍जना चि'ऊ धर्मेसी अरा पोन्‍तियु पिलातुसी मुन्‍दहारे तंग्‍है बॆस गोवाह चिच्का मसी येसुसी मुन्‍दहारे ऎन निंगा गे जिमा चि'अदन।

2 तीमोथियुस 2:14

नीन इबड़ा कत्‍था गुट्ठिन आरिन सिखाब'अते र'आ। अरा धर्मेसी मुन्‍दहारे तिगाब'आ का सिख्रका कत्‍था गुट्ठी ही माने ही पत्त नू अम्‍बोर नग्‍गानखर'आ। अत्रु एन्‍देर हों मल धार'ई, लिकिन मिनू आलर बगड़ारनर कानर।

2 तीमोथियुस 4:1

ऎन इदन धर्मेसी अरा मसी येसुसी मुन्‍दहारे पॆसदन। एकास केचका अरा उज्‍जना आलर ही रायबड़ी नना गे तंग्‍है राजी नू बर'ओस।

याकॊब 3:17

लिकिन एका लूर धर्मेस गुस्ते बर'ई, आद मुन्द गा नेम्हा र'ई। फेन आद सान्ति आबोन बेद्दू, अरा लुदऊ मनू, तबे नू र'ऊ, अरा सोग्‍गे अरा दौ ख़ंजपा ती निंदका, अरा तीना मल ख़ाँड़ू, मानिम गने र'ऊ र'ई।

2 पतरस 2:4

एकाबारी मेर्ख़ा पैकर पाप नंजर ख़ने, धर्मेस आरिन हूँ मल अम्बियस, लिकिन नरक नू हेबड़ियस ती ख़ोड़ख़ा ऊख़ा गड़डी नू रायबड़ी उल्ला गे सिकड़ी ती हॆंचका उइय्कादस।

यहूदा 1:6

अउर हूँ धर्मेस तमा गे चिच्का अदिया नू बन्चका मल र'अरकी तम्है अड्डन अम्बका चिच्का मेर्ख़ा पैकारिन सुरता नना। धर्मेस आरिन आ कोड़हे रायबड़ी उल्ला नू नेंवई नना गे ऊख़ा नू नॆ हूँ ख़च्चा पोलना सिकड़ी ती हॆंचका उइय्का र'अदस।

दहदर मंजका कत्‍था 14:10

धर्मेस आसी मइय्याँ कोड़हे कैर मनोस ती बग्गे दंडे चि'ओस। अरा आस नेम्‍हा मेर्ख़ा पैकर ही मुन्दहारे अरा भेंडो ख़द्द मसीसी मुन्दहारे चिच्‍ची अरा गन्धक ही डाहरनन भोग'ओस।