1 तीमोथियुस 5:20 - पुना गच्छरना NT (BSI)

²⁰ लिकिन एकअम सेयान आलर पाप ननतेम र'ओर होले, ओर्मर ही मुन्‍दहारे आरिन बुझाब'अके। होले इत्रु नन्नर हूँ एल्‍चोर।

1 तीमोथियुस 5:20 ပူးပေါင်းရင်းမြစ်များ

त‍इरकर 19:17

इफेसुस ता उर्मी र'ऊ आलर यहूदी अरा नन-यहूदी आलर ई हलन मेंजर, ख़ने ओर्मर म‍इय्याँ इल्चका कोरचा केरा, अरा उर्बस येसुसी नामे ही ओहमा मना हेलरा।

त‍इरकर 5:11

गोट्टा कलीसिया नू अरा एका बग्‍गे आलर इबड़ा कत्‍थन मेंजकाचर अबड़ा ओर्मर म‍इय्याँ इल्चका कोरचा केरा।

त‍इरकर 5:5

हनानियास ई कत्‍थन मेंजस ती असानिम खत्तरस ती केच्‍चस केरस। इदही पत्त नू मेंजका आलर ओर्मर म‍इय्याँ इल्चक'आ कोरचा केरा।

2 कोरिन्‍थ 7:11

नीम ऎरा का, नीम एका दुक्खेन धर्मेसी मने ही लेक्खा इंझ्रकर, अत्रु ती निमा एवंदा भगती आबोन कुन्द्रा। नीम बिगर बदी आलर एन्ने ऎद'आ गे एवंदा अंगियारदर, अरा एवंदा कैर नन्दर, अरा एवंदा इल्‍चदर, अरा एवंदा चीबाख़ारदर, अरा एवंदा रिझ, अरा नेंवई मन्नन ऎरा गे एवंदा मने नन्दर। ई लेक्‍खा नीम ई पत्त नू उर्मी तरती बिगर बदी मना गे पुरुब नंजकादर।

इफेसुस 5:11

अरा ऊख़ा ही ख़ंजपा मलका नलख गुट्ठी नू अमा मेस्र'आ, लिकिन आलर गे ऎद'आ का अबड़ा नलख गुट्ठी मलदौ हवे।

1 तीमोथियुस 1:20

अबड़र नू हुमेनयुस अरा अलेक्‍सन्द्रस हूँ र'अनर। आरिन ऎन सैतान ही सवंग नू सोंपचकन चिच्‍चकन का अत्रु ती आर तम्‍है मलदौ नलखन अख़'ओर ती धर्मेसी बिड़दो ब'अनन अम्‍बोर।

2 तीमोथियुस 4:2

नीन दौ कत्‍थन तेंगा कुद्दा, अरा बेड़ा कु बेड़ा नू हूँ दौ कत्‍था तेंगा गे सपड़ारका र'आ, आलारिन मलदौ नन्ना ती सुधर'आ अरा अदन अम्‍बा गे आना, अरा आलारिन निंग्‍है दौ सिखाब'अना ती रिझ्रत'आ।

तीतुस 1:13

ई गोवाह मानी दिम। औंगे आरिन चेताब'आ का आर पत्त'अना नू कोड़े मन्नर नेक‍अन।

तीतुस 2:15

नीन इबड़ा कत्‍था गुट्ठिन पत्त'ऊ आलर गे सिखाब'अत र'आ। अरा इबड़न नना गे रिझाब'आ। अरा उर्मी आकुस गने तेंगा का आर ही उज्‍जना नू एन्‍देर मलदौ र'ई। निंग्‍है एन्‍ने ब'अना ती नॆ हूँ निंगन अम्‍बोर ख़ाँड़'आ नेक‍अन।