1 तीमोथियुस 5:17 - पुना गच्छरना NT (BSI)

¹⁷ कलीसियन दौ गने ऎरनर ख़ॊजनर आ सेयान आलर गे दुई गुना म‍ईन नन्ना र'ई। कोड़हे गा कत्थन मेन्‍त'ऊ अरा सिखाब'ऊ सेयान आलारिन अन्ने नन्‍ना र'ई।

1 तीमोथियुस 5:17 ပူးပေါင်းရင်းမြစ်များ

मत्तायोस 24:25

ऎरा, ऎन मन्ना उर्मी कत्‍थन निमन मुन्‍द तिम तेंगालदन।

लू‍कस 10:7

अरा आ एड़पा नुम र'अके, अरा आर एन्‍द्रा चि'ओर अदिनिम ओनके मॊख़के। इदगे का बनीहार गे तंग्‍है बनी ख़क्ख्रना र'ई। एड़पा एड़पा अमके काला।

लू‍कस 12:42

ख़ने उर्बस बाचस, “नॆ लूरगर अरा असरा जॊगे जॊंख़स र'‍‍अदस। उर्बस आसिन नन्ना जॊंख़र गे ठौका बेड़ा नू तम्‍है ओन्नन मॊख़नन चि'आ गे असरा नन्‍दस, फिन आस डहरे ऎका गे कादस।

यॊहनस 4:38

एका अइय्या नीम मल चाँख़कर, अइय्या ऎन निमन ख़ॊया गे तइय्‍कन। नन्नर अइय्या तम्‍है नलखन नंज ख़च्चिकाचर, अरा आर ही अर्जाचका ख़ंजपन नीम ख़ोय'ओर।”

त‍इरकर 11:30

आर अन्नेम नंजर ती इनाम आबोन बरनबास अरा स‍उलसी ख़ेक्खा नू चिच्‍चर। आर अदिन येरुसलॆम ता सेयान आलर गुसन ओन्‍द्रर चिच्‍चर।

त‍इरकर 20:35

ऎन निमन उर्मिन नंजकन ती ऎदकन का एकासे कोड़हे सक‍त नलख ननरकी पयहा आलारिन सम्‍ड़'अना, अरा उर्बा येसुसी कत्‍था गुट्ठिन सुरता नन्ना चाड़ र'ई। आस तानीम बाचकादस का ‘हो'अना ती चि'अना कोड़हे बॆस हवे।’”

त‍इरकर 28:10

अबड़र एमन नगदे म‍ईन नंजर। अरा ऎम काला उरखकम ख़ने, एम्‍है डहरे ऎकना ही उर्मी चाड़ ही आलॊन एमा गे चिच्‍चर।

रोमी 12:8

एकास गे रिझाब'अना ही ख़ंजपा र'ई, आस नन्नारिन रिझाब'अना नू बोथ्रका र'अना र'ई। अरा एकास गे दान चि'अना ही ख़ंजपा र'ई आस चि'अना नू हरकट मन्ना र'ई। एकास गे कड़हाब'अना ही ख़ंजपा र'ई आस गे अदिन मानिम गने नन्ना र'ई। एकास गे सोग्‍गे ऎदना ही ख़ंजपा र'ई, आस गे अदिन रिझ ती नन्ना र'ई।

रोमी 15:27

आर इदिन नना गे रिझ्रर, अरा आर इदिन नना गे मानिम नू आर ही नहड़ा हूँ र'अनर। एन्‍देरगेका नन-यहूदीर यहूदीर ही बॊलता बरकत गुट्ठिन खटरर, होले आर गे तम्‍है ढिबा खुरजी गुट्ठी ती यहूदीर गे सहाड़ा नन्ना र'ई।

रोमी 16:12

त्रूफैना अरा त्रूफॊसा गे मोंजरा, इबड़ा मुक्कर उर्बस नू बग्‍गे नलख नंजका र'अनर। एंग्‍है बॆस संगेस पेरसिया गे मोंजरा, ईद उर्बस नू कोड़हे चिहुट नंजकी र'ई।

1 कोरिन्‍थ 15:10

अन्नु हूँ ऎन तइरकन र'अदन होले, आद धर्मेसी मया ती र'अदन। अरा आसी मया एकदा एंग्हा म‍इय्याँ र'ई, आद एन्‍द्रा हूँ अयंध'आ मल मंजा। अबड़ा ओर्मा त‍इरकर ती ऎन कोड़हे तिहा नंजकन। लिकिन ऎन एंग्है ती मला, एंग्‍है नू नलख ननी आ धर्मेसी मया तिम ऎन अदन नन्दन।

1 कोरिन्‍थ 16:16

एन्ने आलर ही तबे नू र'आ, अरा ई नलख नू संगे मनरकी उर्बस येसुस गे नलख नन्नर आर ओर्मर ही तबे नू र'आ।

1 कोरिन्‍थ 3:9

ऎम गा धर्मेस गने नलख ननू हिकदम, अरा नीम धर्मेसी ख़ल्ल अरा एड़पा लेक्खा हिकदर।

2 कोरिन्‍थ 6:1

धर्मेस गने नलख ननू आलम ऎम निमन ने'अदम का धर्मेस ती नीम ख़क्ख्रका मया आबोन अनभनियाँ मना अमा चि'आ।

गलातिया 6:6

अरा नॆ धर्मेसी कत्‍थन सिख्रदस आस तंग्‍है खुर्जी ही जोक्‍क हींस गुरुर गे चि'अदस नेकअन।

फिलिप्‍पी 2:16

नीम उज्‍जना ही कत्‍थन धर'आ ती मेन्त'अना बारी नीम एन्नेम बिल्चोर। होले निम्है नू ता एंग्है कोड़हे चिहुट नन्ना महले अर्ज'अना अनभनियाँ मल मंजा एन्ने ऎन निम्है चड्डे मसीस ख़ॆख़ेल नू किर्रना उल्‍ला नू फुलई मनोन।

फिलिप्‍पी 2:29

औंगे उर्बस नू कोड़हे रि‍झ ती आसिन परिघ'आ, अरा ईसी लेक्खा आलारिन मईन नना।

फिलिप्‍पी 4:3

हाँ, सुसर नन्ना नू एंग्है संगे मंजका एंग्है मानी संगी निंग ती हूँ ऎन गोहरारदन का अबड़ा मुक्‍कर गे संगरा नना, एन्‍देरगेका आर क्‍लॆमॆस अरा एंग्‍है गने सुसर ननू नन्ना ओर्मर गने मेस्ररकी दौ कत्‍था तेंगा कुद्दना नू एंग्‍है गने अजम अरजाचर। इबड़ा ओर्मर ही नामे उज्‍जना ही पुथी नू लिख्रकी र'ई।

1 तीमोथियुस 3:5

ओन्‍टा आलस तंग्‍है एड़पा पली ही दिम कड़हाब'आ बलदस होले, आस धर्मेसी खोंड़हन एकासे कड़हाब'आ ओंगोस?

1 तीमोथियुस 4:10

ओर्मर गे कोड़हे गा आसिन पत्त‍'उर गे बछाब‍'ऊ उज्‍जना धर्मेस म‍इय्याँ नम्‍है असरा र'ई। इदगेम नाम चिहुट अरा तिहा नन्‍तेम र'अदत।

1 तीमोथियुस 4:14

कलीसिया ही सेयान आलर निंग्‍है म‍इय्याँ तम्‍है ख़ेक्खन उइय्यो बारी धर्मेस ती निंग्‍है ख़क्ख्रका सवंग आबोन अमा ख़ाँड़'आ।

1 तीमोथियुस 4:16

निंग्‍है उज्‍जना अरा सिखाब'अना नू चिहुंक र'आ। एन्ने नीन नन्‍ते र'ओय होले निंगन अरा निंग्‍है कत्‍थन मिनू आलारिन हूँ नाड़ना ही ओदहा मनोय।

1 तीमोथियुस 4:6

नीन भइय्योरिन इबड़ा कत्‍थन सिखाब'ओय होले, नीन पॆस्रका पत्त'अना ही मानिम नू अरा दौ सिखाब'अना नू बड़ियर मंजका मसी येसुसी बॆस जॊंख़य मनोय।

1 तीमोथियुस 5:19

एकअम सेयान आलस म‍इय्याँ इन्द्रिइम बदी ठेकाबातार'ई होले, बिगर दुई महले तीन गोवाह ती अदिन अमके पत्त'आ।

1 तीमोथियुस 5:3

रड़ियाहीर नू नॆखा संगरा ननू नॆ हूँ मलकर आर गे संगरा नना।

2 तीमोथियुस 2:6

अरा एका ख़ल्ल उर्बस कोड़हे अर्ज'अदस होले, ख़ंजका ही बटा आस गे दिम मुन्‍द ख़क्ख्रना र'ई।

2 तीमोथियुस 4:2

नीन दौ कत्‍थन तेंगा कुद्दा, अरा बेड़ा कु बेड़ा नू हूँ दौ कत्‍था तेंगा गे सपड़ारका र'आ, आलारिन मलदौ नन्ना ती सुधर'आ अरा अदन अम्‍बा गे आना, अरा आलारिन निंग्‍है दौ सिखाब'अना ती रिझ्रत'आ।

इब्रानी 13:17

निम्‍है कड़हाब'उरिन पॆस्र'आ अरा आर ही अदिया ही तबे नू र'आ। आर निम्‍है बॊलता ही लेखा धर्मेस गे चि'अना र'ई, अदगे आर निम्‍है म‍इय्याँ आकुस नन्नर। नीम आर गे पॆस्र'ओर होले, आद आर गे रिझ चि'ओ, ओत्‍था मल मनो। आद आर गे ओत्‍था मनो होले निमा गे एन्‍द्रा हूँ फयदा मल मनो।

इब्रानी 13:24

निम्‍है उर्मी कड़हाब'उर गे अरा उर्मी पत्त'ऊ आलर गे एम्‍है मोंजरा आबोन तेंगा। इताली देस ता भईर निमन मोंजरा नन्नर।

इब्रानी 13:7

निमन धर्मेसी कत्‍था सिखाबाचका निम्‍है कड़हाब'उरिन सुरता नना। अरा आर तम्‍है उज्‍जना नू एकासे उज्‍जालियर अदन सुरता नना। अरा आर एकासे पत्ताचर ‍अन्ने नीम हूँ पत्त'आ।