1 तीमोथियुस 5:14 - पुना गच्छरना NT (BSI)

¹⁴ औंगे ऎन बेद्ददन का इबड़ा पेल्‍लो रड़ियाहिर बेंज्र'ओर अरा ख़द्द पाकोर, अरा तम्‍है एड़पा-पलीन सम्‍हड़'ओर। होले बैरिर नम्‍है बिड़दो नू एन्‍देर हूँ ब'आ पोल्‍लोर।

1 तीमोथियुस 5:14 ပူးပေါင်းရင်းမြစ်များ

रोमी 14:13

औंगे नाम अपन ती नन्नर नू बदी मल ठेकाब'अना र'ई। ऊजी नू नीम फरिय'आ का निम्‍है भ‍ईसिन आसी डहरे नू मूड़ना पखना अम्‍बोर मना महले आसिन मूड़ना ही चड्डे अम्‍बोर मना।

2 कोरिन्‍थ 11:12

ऎम एकासे सुसर नलख नन्दम, अन्नेम आर हूँ सुसर नलख नन्नर एन्ने आर फुलाई मन्नर। अन्ने आर नना पोल्ला गे ऎन ई लेक्खम नन्तेम र'ओन।

1 तीमोथियुस 2:8

ऎन बेद्ददन का धर्मेसिन ओहमा नन्ना उर्मी अड्डा नू मॆतर गे नेम्‍हा उज्‍जना ती बिगर कैर-कुसर अरा नग्‍गा नखरना ती ख़ेक्खा गुट्ठिन चोदना ती बिन्‍ती नन्ना र'ई।

1 तीमोथियुस 4:3

आर “अम्‍बोत बेंज्र'आ अरा जोक्‍क जिनिस गुट्ठिन हूँ अम्‍बोत ओना मॊख़ा” एन्ने ब'ओर। धर्मेस गा अबड़ा ओन्ना-मॊख़ना गुट्ठिन इदगे गढ़चस का मानिम आबोन अख़‍'ऊ पत्त‍'ऊ आलर अबड़न धन्‍यवाद गने ओनोर मॊख़ोर।

1 तीमोथियुस 5:11

लिकिन ई सूची नू पेल्‍लो रड़ियाहीर ही नामे अमके अरग'आ। एन्‍देरगेका आर ही सौंसार ही सुख-सौंरत मसीसिन मनना ती कोड़हे मनी, ख़ने आर बेंज्र'आ बेद्दनर।

1 तीमोथियुस 6:1

उर्मी बिट्ठी ननू जॊंख़र गे तम्‍है तम्‍है उर्बर ही कोड़हे म‍ईन मरजात नन्ना र'ई। होले नेक‍ईम धर्मेसी नामे अरा नम्‍है सिखाब'अना ही बिड़दो नू मल ब'ओर।

तीतुस 2:5

अरा नॆत नॆग अरा निमन ती र'आ गे ‍अंगियाब'आ ओंगनर। तम्‍है एड़पा नलख नू कमियाँ मना गे, अरा बॆस नलख नना गे ‍अंगियाब'आ ओंगनर। अरा मॆतारिन गदन‍'ऊ र'आ गे ‍अंगियाब'आ ओंगनर, होले आलर धर्मेसी कत्‍था ही बिड़दो नू मल ब'ओर।

तीतुस 2:8

मानिम आबोन सिखाब'आ, होले निंग्‍है सिखाब'अनन बोया कत्‍था ब'अरकी मल अलखोर। तहाँ निंग्‍है बिड़दो नू र'उर लजर'ओर, एन्‍देरगेका नमन मलदौ ब'आ गे एन्‍द्रा हूँ मलकी।

इब्रानी 13:4

बेंजा ओर्मर ती म‍ईन जॊगे बुझुरना र'ई। मॆतस अरा मुक्‍का ओर्त ओर्त गने पत्त'अना जॊगे र'अना र'ई। एन्‍देरगेका धर्मेस नन्ना आली महले आल गुसन कालुर अरा भड़वा ही सोतरा नलख ननुरिन दंडे चि'ओस।