1 तीमोथियुस 5:10 - पुना गच्छरना NT (BSI)

¹⁰ अरा आद दौ नलख गुट्ठी ती बॆस नामे ख़क्‍खकी र'ऊ आली मन्ना र'ई। एकाद ख़द्द-ख़र्रन पूसकी र'ओ, अरा पाहियर ही तेतर-सुसर नंजकी र'ओ, अरा नेम्‍हा आलर ही ख़ेड्डेन नूड़‍की र'ओ, अरा दुक्खे सार‍'ऊ आलर ही सहाड़ा नंजकी र'ओ, अरा उर्मी दौ नलख नू मने नंजकी र'ओ अन्ने आली मन्ना र'ई।

1 तीमोथियुस 5:10 ပူးပေါင်းရင်းမြစ်များ

मत्तायोस 25:17

एन्नेम ऎंड़ थइला सोना ढिबा ख़क्‍खकाचस, आस हूँ ऎंड़ थइला सोना ढिबा अउरिम अर्जाचस।

मत्तायोस 5:16

एन्नेम निम्‍हा बिल्‍ली आलर गुसन बिलचते र'अन नेक‍अन, का आर निम्है दौ नलखन ऎरोर ती निम्‍है मेर्ख़ा ता बंगासी महबा ननोर।

लू‍कस 7:38

अरा येसुसी ख़ेड्डे गुसन ख़ॊख़ा इज्‍जा ती चींख़नुम, आसी ख़ेड्डेन ख़ंजलख़ो ती नूड़िया। अरा तंग्‍है कुक्‍कु ता चुट्टी ती चींचा हेलरा, अरा आसी ख़ेड्डेन घड़ी घड़ी चुंखिया ती अइय्या महमहरना इसुंगन नलबिया।

लू‍कस 7:44

तहाँ येसुस आ मुक्‍का तरा ईरयस ती सिमॊनसिन बाचस, “ई मुक्‍कन नीन ऎरदय का? ऎन निंग्‍है एड़पा नू बरचकन, लिकिन नीन नम्‍है चाल लेक्‍खा एंगा एंग्‍है ख़ेड्डेन नॊंढ्र'आ गे अम्मु मल चिच्‍कय। लिकिन ईद एंग्‍है ख़ेड्डेन ख़ंजलख़ो ती नूड़िया अरा तंग्‍है चुट्टी ती चींचिया।

त‍इरकर 10:22

ख़ने आर बाचर, “कोरनेलियोस नॆ सौ सैनर ही मुद्धस अरा उजगो आलस अरा धर्मेसी इल्‍चुस र'अदस। उर्मी यहूदी आलर आसी म‍ईन नन्नर। आस गे ओन्‍टा नेम्‍हा पैकस निंगन आसी एड़पा नू मॆख़ा ओन्‍द्र'आ गे पॆसस अरा निंग्‍है ती सिख्र'आ गे बारकी र'ई।”

त‍इरकर 22:12

तहाँ हनानिया नामे आलस एंगन ऎरा बरचस। आस मूसासी नॆगन भगती गने पॆस्र'ऊ आलस रहचस। आस असन र'ऊ उर्मी यहूदी आलर नू बॆस नामे आलस रहचस।

त‍इरकर 6:3

औंगे अना भ‍ईरो, निम्‍है ती सात गोटंग आलारिन चाजा, नॆ नेम्‍हा बॊलतस अरा लूर ती निन्‍द्रका ती बॆस नामे ख़क्‍खका र'अनर, आरिन ई नलख नू ओक्‍त'ओत।

त‍इरकर 9:36

अक्‍कु योप्‍पॆ नगरे नू तबिता नामे ओन्टा पत्त'ऊ आली रहचा। युनानी भखा नू इदही नामे दोरका हवे। आद नगदे दौ नलख नना लगिया अरा कीड़र गे संगरा नना लगिया।

त‍इरकर 9:39

ख़ने पतरस चॊचस ती आर ही गने केरस। आस योप्‍पॆ अंड़सियस ख़ने, आलर आसिन मचा कुटली नू होच्‍चर। असन उर्मी रड़ियाहीर चींख़नुम आसी गुसन बरचर ती इज्‍जर ती अबड़ा किचरी गुट्ठिन ऎद'आ लगियर, एकदन दोरका आर ही गने रहचा ख़ने कमचकी रहचा।

रोमी 12:13

चाड़ नू र'ऊ धर्मेसी आलर गे निम्‍है गुसन एन्‍द्रा र'ई अदिन ख़ट्टा, पाही ऎरना नू बोथ्रका र'आ।

इफेसुस 2:10

एन्‍देरगेका नाम दौ नलख गुट्ठिन नना गे मसी येसुस नू पुना गढ़्रका धर्मेसी करिगरी र'अदत। अबड़न नमा नना गे धर्मेस मुन्द तिम अबड़न सपड़ाचकादस।

कोलोस्से 1:10

होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

1 तीमोथियुस 2:10

लिकिन धर्मेसिन मानिम गने ओहमा महबा ननू मुक्‍कर बेसे बॆस नलख गुट्ठी ती तमन सिंगर'अना र'ई।

1 तीमोथियुस 3:2

औंगे कलीसिया ही ईरु-ख़ूजू मुद्धासी उज्‍जना बिज्‍जना उजगो मन्‍ना र'ई। अरा आस ओन्‍टे लेका मुक्‍का उइय्युस अरा चिहुंक, अरा म‍ईन जॊगे आल, अरा पाही ईरू अरा सिखाब‍'आ ऊंगू र'अना र'ई।

1 तीमोथियुस 3:7

आस सौंसरिहर नू हूँ बॆस नामे ख़क्ख्रका आलस मन्ना र'ई। औंगे आस निन्‍दा ख़क्‍ख्रकी सैतान ही फंदा नू मल खत्र'ओस।

1 तीमोथियुस 5:16

एक‍अम पत्त‍'ऊ आली ही एड़पा नू रड़ियाहिर र'अनर होले, आदिम आरिन ऎरो ख़ॊजो। ई बोझा आबोन कलीसिया नू अम्‍बो नना। एन्देरगेका एका रड़ियाहीर मानिम नू संगरा जॊगे र'अनर आर गे कलीसिया संगरा नना ऊंगी।

1 तीमोथियुस 5:25

अन्नेम जोक्‍क जोक्‍क आलर ही बॆस नलख गुट्ठी सेब्‍बा ती ईथर'ई, लिकिन जोक्‍क आलर बॆस नलख गुट्ठिन ऎथ्रना बेसे मल नन्नर, आद हूँ उन्‍दुल ईथर'ई दिम।

1 तीमोथियुस 6:18

अरा आरिन तेंगा का आर गे तंग्‍है खुर्जिन दौ नलख नू ब‍उर'अना र'ई, अरा दौ नलख गुट्ठी नू उरुब मन्ना र'ई। अरा चाड़ र'ऊ आलर गे मुट्ठी बिछर'अरकी चि'आ गे अरा सौंसे जिया ती तम्‍है खुर्जिन ख़ट्टा गे सपड़ारका र'अना र'ई।

2 तीमोथियुस 1:5

अरा ऎन निंग्‍है मानिम पत्त'अनन सोचदन, एकदा मुन्‍द निंग अज्‍जी लॊइस, अरा निंग्यो युनीके नू रहचा। आ पत्त'अना निंग्‍है नू हों र'ई।

2 तीमोथियुस 2:21

एक‍अम ओर्तस मलदौ नलखन अम्‍बदस ती तंगन निमन ननोस होले, आस महबा ही संजगी मनोस, अरा आस नेम्‍हा मनोस ती उर्बासी नलख नू ब‍उरार'ओस। अरा एकअम मदहे बॆस नलख गे सपड़ारका र'ओस।

2 तीमोथियुस 3:15

नीन ख़द्द परिया तिम धर्मेसी लिख्रका नेम्‍हा कत्‍था गुट्ठिन अक्‍कय। अबड़ा मसी येसुस नू पत्त'अना ती नाड़रनन ख़क्‍खा गे निंगा लूर चीरकी र'ई।

2 तीमोथियुस 3:17

इत्रु धर्मेसी आलस बड़ियर मन्दस अरा उर्मी दौ नलख नना गे सपड़ारका र'अदस।

तीतुस 2:14

आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।

तीतुस 2:7

नीन उर्मी रकम ही दौ नलख नना ती नीन नीनिम आर गे चिन्‍हा ऎद'आ। निंग्‍है सिखाब'अना नू फुर्फुर'आ अरा चिहुट र'आ।

तीतुस 3:1

पत्त'ऊ आलारिन सुरता नन्‍त'आ का आर गे राजी ननुर अरा अक्‍स'उर ही आकुस नू र'अना र'ई। अरा आरहीन पॆस्रना ती उर्मी दौ नलख गे सपड़ारका र'अना र'ई।

तीतुस 3:14

नम्‍है आलर हों चाड़ गुट्ठिन पुराब'आ गे बॆस नलख नू ल‍इक्‍का र'आ गे सिख्रना र'ई। आर ही उज्‍जना बिगर ख़ंजपा ती अम्‍बो र'आ।

तीतुस 3:8

इबड़ा कत्‍था गुट्ठी मानिम हिके। अरा ऎन बेद्ददन का आलर इबड़ा कत्‍था गुट्ठी ही पत्त नू बड़ियर लगे बुझ्रनर। होले एकार धर्मेसिन पत्त'अनर, आर दौ नलख नू ल‍इक्‍का र'आ गे चिहुंक ननोर। इबड़ा कत्‍था गुट्ठी बॆस अरा ओर्मर गे धार'ई।

इब्रानी 10:24

नाम चोन्‍हा नन्ना नू अरा दौ नलख नन्ना नू एकासे तंग्‍है ती नन्नारिन रिझ्रत'आ ओंगोत अदही पत्त नू सोचना र'ई।

इब्रानी 13:2

मल ईरका आलारिन पाही ऎरा गे अमा मोध्र'आ। एन्‍देरगेका एन्ने पाही ऎरना चड्डे जोक्‍क आलर बलना ती मेर्ख़ा पैकारिन हूँ पाही ईरियर।

इब्रानी 13:21

नीम दौ नलख ननू अरा आसी चिताबुतन ननू आलर र'आ गे, निमा गे उर्मी चाड़न चि'अदस नेक‍अन। आस येसु मसीस ती नम्‍है नू तंग्‍है मनेन नन्‍दस नेक‍अन। आस गे दिम हुल्‍लो ती हुल्‍लो गूटी महबा मनन नेक‍अन! आमेन।

1 पतरस 2:12

मल पत्त'उर ही मझी नू निम्‍है उज्‍जना ओक्‍कना बॆस र'अना र'ई। औंगे आर निमन मलदौ ननू ब'अनर ती बदी नन्नर ती हूँ, निम्‍है दौ नलख गुट्ठिन ऎरोर ती धर्मेस आलारिन नेंवई नना गे बरना उल्ला नू असिन महबा ननोर।

1 पतरस 4:9

बिगर कुनमुनर'आ ती ओर्त ओर्तारिन पाही ऎरा।

3 यॊहन 1:12

दॆमॆत्रियोसी पत्त नू ओर्मर बॆस गोवाह तेंगनर, अरा मानी हूँ आसी पत्त नू बॆस गोवाह चि'ई। अरा ऎम हूँ आसी पत्त नू बॆस गोवाह चि'अदम। अरा नीन अख़दय का एम्है गोवाह मानिम र'ई।