1 तीमोथियुस 4:2 - पुना गच्छरना NT (BSI)

² ईर उतुरमाड़ू अरा ठक‍'ऊ आलर हिकनर। अरा आर ही लखना मल्‍ला उज्‍जना।

1 तीमोथियुस 4:2 ပူးပေါင်းရင်းမြစ်များ

मत्तायोस 24:24

एन्‍देरगेका जोक्‍कोर फसक‍ट'ओर ती ‘ऎन मसी हिकदन’ ब'ओर अरा जोक्‍कोर फसकट'ओर ती ‘ऎन धर्मेसी कत्‍था तिंगुस’ ब'ओर। अरा बेड़ाब'आ गे आर कोड़हे चिन्हा अरा अजगुत नलख गुट्ठिन ऎद'ओर, मना ओंगो होले धर्मेसी चज्‍जरका आलारिन हूँ बेड़ाब'ओर चि'ओर।

मत्तायोस 7:15

ठकवा धर्मेसी कत्‍था तिंगुर ती चिहुंक र'आ। आर ऎरना नू लुद‍ऊ लेक्‍खा भेंडो ही बेसे निम्‍है गुसन बरनर। लिकिन आर मानिम नू चर्रना मॊख़ना हड़हा र‍'अनर।

त‍इरकर 20:30

निम्‍है मझी तिम एन्ने आलर चो'ओर ती पत्त'ऊ आलारिन तम्‍है तरा नतगा गे टेंको बोंको कत्‍थन सिखाब'ओर।

रोमी 1:28

आर धर्मेसिन चिन्‍ह'आ मल बिद्दयर। ख़ने धर्मेस हूँ आर ही बैड़ो बुधिन आर ही म‍इय्याँ राजी नना गे अम्‍बियस चिच्‍चस। औंगे आर इबड़ा उर्मी मलदौ नलखन नन्नर।

रोमी 16:18

एन्‍देरगेका का एन्ने आलर नम्‍है उर्बस मसीसी मला तम्‍है कूल ब'ई ही तेतर-सुसर नन्नर। अरा एम्‍बा एम्‍बा अरा भुरिय'अना कत्‍था ती बोको जिया आलारिन बेड़ाब'अनर चि'अनर।

इफेसुस 4:14

होले नाम अक्कु ती खद्दत लेक्खा मल र'ओत, अरा ताका अरा लहरा ती अत्र इत्र मन्ना बेसे नाम आलर ही कसरहा अरा लबरा ती चत्रा चाल ही पुना पुना सिखाब'अना ती अत्र इत्र मल मनोत।

इफेसुस 4:19

अरा आर सुन्न मंजर ती उर्मी रकम ही घिनघिना नलखन चिबाख़ारना गने नना गे तमन पेहरन ही सोतरा नलख गे चिच्का र'अनर।

2 तीमोथियुस 3:5

अरा आर महबा ननू बेसे ऎथ्र'ओर, लिकिन अदही सवंगन मल पत्त'ओर। एन्ने आलर ती नीन तरकूटी र'अके।

दहदर मंजका कत्‍था 16:14

इबड़ा अजगुत नलख गुट्ठी ही चिन्‍हा ईद'ऊ नाद ही बॊलता गुट्ठी हवे। इबड़ा उर्मी ती सवंगिय धर्मेसी कोहाँ उल्‍ला नू मन्ना लड़ई गे सौंसे ख़ॆख़ेल ता बॆलारिन ख़ॊजा गे क'ई।