8 एन्नेम कलीसिया ही ईरू-ख़ूजुर हूँ मईन ही जॊगे र'अना र'ई। अरा आर उंखुर अरा आलारिन ठगना ती अर्ज'उर अम्बोर र'आ।
“आर ही ब'अना गुट्ठी चलख़रका मसड़ा लेक्खा र'ई, आर ही ततख़ा गुट्ठी लबरा हिके। आर ही लेवटो गुट्ठी नू नेर्रे ही बिक्ख र'ई।”
मसी येसुसी जॊंख़म पौलुस अरा तीमोथियुस फिलिप्पी नगरे नू मसी येसुसी र'अना उर्मी नेम्हा आलर गे अरा आर ही गने कलीसिया ही ईरु-ख़ूजू मुद्धर गे अरा कलीसिया ही ईरू-ख़ूजुर गे ई चिठिन लिखदम।
कलीसिया ही ईरू-ख़ूजुर ओन्टे लेका मुक्का उइय्युर मन्नर नेकअन। आर तम्है ख़द्द-ख़र्रा अरा एड़पा पलीन बॆस लगे ऎरा ख़ॊजा उंगू मन्नर नेकअन।
औंगे कलीसिया ही ईरु-ख़ूजू मुद्धासी उज्जना बिज्जना उजगो मन्ना र'ई। अरा आस ओन्टे लेका मुक्का उइय्युस अरा चिहुंक, अरा मईन जॊगे आल, अरा पाही ईरू अरा सिखाब'आ ऊंगू र'अना र'ई।
आस उंखुस अरा पस'ऊ कूड़ू अम्बोस र'आ। लिकिन आस लुदऊ र'अना र'ई। आस नग्गानख्र'ऊ अरा ढिबा ही चिबाख़ार'ऊ अम्बोस र'आ।
नीन अम्म लेका अमके ओना, लिकिन निंग्है कूल कोड़े र'आ गे अरा घड़ी घड़ी बेमार खत्तरना चड्डे कटी कटी अंगुर रासी ओनके।
कलीसिया ही ईरु-ख़ूजू मुद्धस गा ओक्कना इजना नू बिगर बदी ही अरा हुड्ड मला, अरा लॆम गोसा मनू मला, अरा उंखू मला अरा पस'ऊ कूड़ू मला अरा मलदौ ती अर्ज'ऊ मल र'अना र'ई।
ई बेसेम पच्चो मुक्कारिन सिखाब'आ का आर ही ओक्कना-इजना नेम्हा मन्ना र'ई। अरा आर गे जलिया अरा उंखू मल मन्ना र'ई। लिकिन दौ आबोन अंगियाबात'ऊ मन्ना र'ई।
ओहमा अरा भखना ओन्टा बई तिम उरखी। अना एंग्हा भईरो, ईद दौ मल्ली।
धर्मेसी निम्है ख़ेक्खा नू सोंपचका आसी खोंड़हन ख़ापा, एकदा निम्है मझी नू र'ई। अरा ईरू-ख़ूजुर लेक्खा सुसर नना। ढेवा ढेवा ती मला, लिकिन धर्मेस नीम नना गे बेद्दना लेक्खा सौंसे जीया ती अदन नना। मलदौ अर्ज'आ गे मला, लिकिन कोड़हे रिझ गने आ सुसर आबोन नना।