1 तीमोथियुस 3:4 - पुना गच्छरना NT (BSI)

⁴ आस गे तंग्‍है एड़पा पलीन बॆस गने कड़हाब'उस र'अना र'ई। अरा आसी ख़द्द-ख़र्रा आसिन म‍ईन ननू अरा पॆस्र'ऊ र'अना र'ई।

1 तीमोथियुस 3:4 ပူးပေါင်းရင်းမြစ်များ

त‍इरकर 10:2

आस अरा आसी एड़पा ता उर्मी आलर धर्मेसिन एल्‍चा लगियर अरा महबा ननू रहचर। अरा आस कीड़र गे बग्‍गे चि'आ लगियस अरा ओर्मा बेड़ा धर्मेसिन गोहरार'आ लगियस।

इफेसुस 5:24

अरा कलीसिया एकासे तंगन मसीसी तबे नू चिच्की र'ई, अन्नेम मुक्‍कर हूँ उर्मी कत्‍था नू तमन तम्है तम्है मॆतासी तबे नू चि'अना र'ई।

फिलिप्‍पी 4:8

छेद्दे नू अना भईरो, एका एका कत्‍था मानिम र'ई, अरा एका एका कत्‍था मईन जॊगे र'ई, एका एका कत्‍था उजगो र'ई, अरा एका एका कत्‍था निमन र'ई, अरा एका एका कत्‍था चोन्हा र'ई, अरा एका एका कत्‍था दौ नामे ख़क्ख्र'ऊ र'ई, अरा एका एका कत्था कोड़हे बॆस अरा ओहमा जॊगे र'ई, अबड़ा ही पत्त नू लेका सोचते र'आ।

1 तीमोथियुस 3:12

कलीसिया ही ईरू-ख़ूजुर ओन्‍टे लेका मुक्‍का उइय्युर मन्नर नेक‍अन। आर तम्‍है ख़द्द-ख़र्रा अरा एड़पा पलीन बॆस लगे ऎरा ख़ॊजा उंगू मन्नर नेक‍अन।

तीतुस 1:6

सेयान आलस गे ओक्‍कना इजना नू बिगर बदी ही अरा ओन्‍टा लेका मुक्‍का ही मॆत र'अना र'ई। आसी ख़द्द-ख़र्रा पत्त'ऊ र'अना र'ई, अरा आर भड़ुवा नलख ननू अरा मल गदन‍'ऊ मल र'अना र'ई।

तीतुस 2:2

पचगी आलारिन सिखाब'आ का आर गे चिहुंक अरा म‍ईन जॊगे अरा नॆत नॆग ती उज्‍जू मन्ना र'ई। अरा आर गे बॆस पत्त'अना अरा चोन्‍हा ती अरा सहेलहे ती निन्‍द्रका आलर र'अना र'ई।

तीतुस 2:7

नीन उर्मी रकम ही दौ नलख नना ती नीन नीनिम आर गे चिन्‍हा ऎद'आ। निंग्‍है सिखाब'अना नू फुर्फुर'आ अरा चिहुट र'आ।