1 तीमोथियुस 2:5 - पुना गच्छरना NT (BSI)

⁵ एन्‍देरगेका धर्मेस ओन्‍टे लेका र'अदस। धर्मेस अरा आलर ही मझी नू ओन्‍टे कुना मेसाब‍'ऊ र'अदस। आ आलस मसी येसुस दिम हिकदस।

1 तीमोथियुस 2:5 ပူးပေါင်းရင်းမြစ်များ

मत्तायोस 1:1

ईद अब्राहमसी ख़द्दस दाऊदसी ख़द्दस येसु मसीसी पूरखर ही नामे हवे।

मत्तायोस 1:23

“ऎरा! डिं‍डा पेल्‍लो ओत्‍था ऎख़ मनो अरा ओन्‍टा ख़द्दासिन पाको अरा आसिन इम्मानुऎल ब'ओर अदही माने ‘धर्मेस नम्‍है गने र'अदस’।”

लू‍कस 14:22

अरा जॊंख़स बाचस, ‘अना उर्बायो, नीन एकासे आनकय अन्नेम नंजकन अन्नु हूँ अड्डा र'ई।’

यॊहनस 1:14

अक्‍कु आ कत्‍था आल मंजस ती मया दरा मानिम ती निंद्रका ती नम्‍है मझी नू उज्‍जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्‍खा महबा दिम रहचा।

यॊहनस 17:3

ओन्‍टेम मानिम धर्मे निंगन अरा नीन तइय्‍का येसु मसीसिन अख़ना ती दिम आर जनमजुग उज्‍जनन ख़क्खोर।

त‍इरकर 4:12

आसिन अम्‍बरकी एक‍अम नन्नर ती नाड़रना मलकी। एन्‍देरगेका गोट्टा ख़ॆख़ेल नू आलर गे येसु नामे ती नन्ना नामे मल्‍ला चीरका का अत्रु नम्‍है नाड़रना मना ओंगो।”

रोमी 1:3

ई दौ कत्‍था तंग्‍है ख़द्दासी पत्त नू र'ई। आस आल कया ती गा दाऊद बॆलासी बनस नू कुन्‍द्रस।

रोमी 10:12

यहूदीर अरा नन-यहूदीर नू एन्‍देर हूँ भोड़ मलकी, ओर्मर ही ओन्‍टे लेका उर्बस र'अदस। आसिम सहाड़ा गे आसिन गोहरारनर अबड़ा ओर्मारिन बरकत नन्‍दस।

1 कोरिन्‍थ 8:4

मूर्ती गुट्ठी गे दाँड़े अरगका ओन्ना-मॊख़नन मॊख़ना ही पत्त नू नाम अख़दत का मूर्ती ख़ॆख़ेल नू एन्‍देर आलॊ हूँ मल्‍ली अरा धर्मेस ओर्तोसिन अम्‍बरकी नन्‍ना नॆ हूँ धर्मे मल्‍दस।

1 कोरिन्‍थ 8:6

अन्नु हूँ नमा गे ओन्‍टे लेका धर्मे बंगस र'अस, आस तिम उर्मी गढ़रा, अरा आस गेम नाम उज्‍जा लगदत। अरा नमा गे ओन्‍टे लेका उर्बस र'अस, आस दिम येसु मसीस, आस तरतिम उर्मी गढ़रा, अरा आस तरतिम नाम उज्‍जा लगदत।

गलातिया 3:20

चिलकठवा ओर्तो तरती मल मनी, लिकिन धर्मेस ओर्त लेका र'अस, आस अब्राहमस गने गच्‍छरका बेड़ा नू एक‍अम चिलकठवासिन मल ब‍उराचस।

इफेसुस 4:6

अरा ओर्मर गे ओन्टेम गुना धर्मेस अरा बंगस र'अस। आसिम नाम ओर्मर मइय्याँ राजी नन्दस, अरा नाम ओर्मर ती नलख नन्दस, अरा नाम ओर्मर नू र'अदस।

1 तीमोथियुस 6:13

ओर्मर गे उज्‍जना चि'ऊ धर्मेसी अरा पोन्‍तियु पिलातुसी मुन्‍दहारे तंग्‍है बॆस गोवाह चिच्का मसी येसुसी मुन्‍दहारे ऎन निंगा गे जिमा चि'अदन।

इब्रानी 12:24

अरा नीम पुना गच्‍छरना नू धर्मेस अरा आलर ही मझी आल येसुस गुसन बरचकादर। अरा नीम हाबेलसी ख़ॆंस ती बॆस कत्‍था तिंगू येसुसी छिंछड़ाचका ख़ॆंस गुसन बरचकादर।

इब्रानी 7:25

औंगे नॆ ईसी तरती धर्मेस गुसन बरनर आरिन आस ओर्मा उल्‍ला गे नाड़ा ख़च्‍चा ओंग्दस, एन्‍देरगेका आस आर गे गोहरार'आ गे जनमजुग गूटी उज्‍जा लगदस।

इब्रानी 8:6

लिकिन अक्‍कु येसुस गे चितारका नैग नलख अबड़ा नैगर गे चितारका नलख ती कोड़हे कोहाँ नलख र'ई। अन्नेम पच्चा गच्‍छरना ती येसुस मझी आल मनरकी मंजका पुना गच्‍छरना बॆस हवे, एकाद धर्मेसी बॆस गच्‍छरका गुट्ठी ती कम्रकी र'ई।

इब्रानी 9:15

मसीस दिम पुना गच्‍छरना ही धर्मेस अरा आलर ही मझी आलस र'अस, औंगे धर्मेस ती मॆख़्रका आलर ओर्मर आसी गच्‍छरका जनमजुग आसीस आबोन ख़क्‍खा ओंगनर। एन्‍देरगेका आलर मुन्‍द ता गच्‍छरना ही बेड़ा नू नंजका पाप गुट्ठी ती आरिन अम्‍बत'आ गे मसीस केच्‍चस।

1 यॊहन 2:1

अना एंग्है ख़द्दारो, ऎन इदगे इदन निमा गे लिखदन का नीम पाप अम्बोर नना। लिकिन नेकईम पाप नन्दस होले, धर्मेस बबस गुसन नमा गे गोहरार'ऊ ओन्टा सहाड़ा ननू र'अस। आसिम येसु मसीस, अरा आस उजगो दिम र'अस।

दहदर मंजका कत्‍था 1:13

अरा अबड़ा सतियो बिल्‍ली पटनी गुट्ठी ही मझी नू ओन्टा मनवा ख़द्दस लेक्‍खा ओर्तोसिन ईरकन। आसी अत्तका किचरी गुंड़ख़ी गूटी दिगहा रहचा, अरा एंवख़ नू सोना ही गतला नंजका रहचस।