1 तीमोथियुस 1:3 - पुना गच्छरना NT (BSI)

³ ऎन मकेदोनिया जिला कालो बारी निंगन आनकाचकन, अन्नेम नीन इफेसुस नगरे नू ओकर'आ। अइय्या जोक्‍क आलर बिड़दो सिखाब'आलनर, आरिन अक्‍कु ती एन्ने अमा सिखाब‍आ गे आना।

1 तीमोथियुस 1:3 ပူးပေါင်းရင်းမြစ်များ

त‍इरकर 18:19

आर इफेसुस नगरे अंड़सियर। फिन पौलुस प्रिसका अरा अकुलासिन असानिम अम्‍बियस। अरा तान यहूदीर ही गोड़हा एड़पा नू केरस ती यहूदीर गने कत्‍था बरता ननालियस।

त‍इरकर 18:21

अरा आस आर ही ती बिदा मंजस ती बाचस, “धर्मेसी मने र'ओ होले ऎन अउरिम बर'ओन।” आस इफेसुस नगरे ती कोहाँ डोंगा ती उरखस।

रोमी 15:26

एन्‍देरगेका मकेदोनिया अरा अख़ाया जिला गुट्ठी ता आलर येरुसलॆम ता धर्मेसी आलर ती कीड़र गे सहाड़ा नना गे रिझ ती तम्‍है बरार चिच्का र'अनर।

रोमी 16:17

अना भ‍ईरो! निमन ऎन गोहरारदन का नीम एन्‍देर सिखाब'अना ख़क्‍खकर अदही बिड़दो नू निमन ख़ाँड़नर‍ अरा निम्‍है डहरे ती मूड़त'अनर आर ही ती चिहुंक अरा तरकूटी र'आ।

2 कोरिन्‍थ 11:4

एन्देरगेका नीकईम निम्है गुसन बर'अरकी ऎम मल्‍ला तिंका एकअम नन्ना येसुसी पत्त नू तेंगदस, मलता नीम ख़क्ख्रका नेम्हा बॊलतासिन अम्बरकी एकअम नन्ना बॊलता ही पत्त नू ब'अदस, मलता नीम इंझ्रका दौ कत्था ती एकअम नन्ना दौ कत्‍थन ओन्द्रदस होले, नीम सेब्‍बा तिम अबड़न इंझ्रदर।

इफेसुस 4:14

होले नाम अक्कु ती खद्दत लेक्खा मल र'ओत, अरा ताका अरा लहरा ती अत्र इत्र मन्ना बेसे नाम आलर ही कसरहा अरा लबरा ती चत्रा चाल ही पुना पुना सिखाब'अना ती अत्र इत्र मल मनोत।

फिलिप्‍पी 2:24

अन्नु हूँ उर्बस नू एंगा असरा र'ई का ऎनिम चाँड़हेम निम्है गुसन बर'ओन।

1 तीमोथियुस 4:11

इबड़ा कत्‍थन नीन आरिन सिखाब'आ ती पॆस'आ।

1 तीमोथियुस 4:6

नीन भइय्योरिन इबड़ा कत्‍थन सिखाब'ओय होले, नीन पॆस्रका पत्त'अना ही मानिम नू अरा दौ सिखाब'अना नू बड़ियर मंजका मसी येसुसी बॆस जॊंख़य मनोय।

1 तीमोथियुस 5:7

कलीसिया गे इबड़ा कत्‍था गुट्ठिन हों पॆस'आ का आर बदी मल खत्र'ओर।

1 तीमोथियुस 6:10

एन्‍देरगेका ढिबा ही चिबाख़ारना तिम उर्मी मदहे ही मलदौ गुट्ठी उरखी। जोक्‍क आलर बग्‍गे ढिबा ख़क्‍खना ही तिहा-तोरा नन्नुम आर पत्त'अना डहरे ती एबस्रनर ती कैनो मदहे ही दुक्‍खे गुट्ठी ती ताम तमानिम दुक्‍खे सारत'अनर।

1 तीमोथियुस 6:17

ई ख़ॆख़ेल ता उरुब आलारिन पॆस'आ का आर अम्‍बोर इतरार'आ, अरा नठारना खुर्जी म‍इय्याँ असरा अम्‍बोर नना। लिकिन आर गे नम्‍है सुक्‍ख गे उर्मीन बग्‍गे ती बग्‍गे चि'ऊ धर्मेस म‍इय्याँ असरा नन्ना मनो।

1 तीमोथियुस 6:3

एक‍अम आलस नन्ना रकम ही सिखाब'अना आबोन सिखाब'अदस अरा येसु मसीसी मानिम सिखाब'अना अरा धर्मेसिन सुसर नना गे मानिम डहरेन ईद‍'ऊ सिख़ाब'अना ही बिड़दो र'अदस होले,

2 तीमोथियुस 1:18

रायबड़ी उल्‍ला नू उर्बस आसी म‍इय्याँ कोड़हे सोग्‍गे नन्‍दस नेक‍अन। आस एंगा गे एका एका दौ नलखन इफेसुस नगरे नू नंजस, अदिन हों नीन बॆस अख़दय।

2 यॊहन 1:7

ई ख़ॆख़ेल नू बग्गे भुरइ'ऊ आलर चॊचका र'अनर, आर मल पत्त'अनर का येसु मसीस आल कया नू मंजस ती ख़ॆख़ेल नू बरचस। ईरिम भुरइ'ऊ अरा ठकवा मसी हिकनर।

दहदर मंजका कत्‍था 2:14

अन्नु हूँ एंगा गे निंग्हा बिड़दो नू जोक्क कत्था र'ई। निम्‍है नू बालामसी सिखाब'अनन मन'ऊ जोक्क आलर र'अनर। ई बालामस दिम बालाक बॆलासिन इस्राऎल आलारिन मूड़त'आ गे सलहा चिच्‍चस का, आर मूर्ती गुट्ठी गे दाँड़े अरगका ओन्ना-मॊख़नन मॊख़ोर अरा पेहरन ही सोतरा नलखन ननोर।

दहदर मंजका कत्‍था 2:20

अन्नु हूँ एंगा गे निंगा बिड़दो नू जोक्क कत्था र'ई। नीन आ आली येजबेल आबोन निंग्‍है मझी नू र'आ चि'अदय। आद तंगन धर्मेसी कत्था तिंगू ब'ई, अरा आद तंग्है सिखाब'अना ती एंग्‍है जॊख़ारिन पेहरन ही सोतरा नलख नना गे, अरा मूर्ती गुट्ठी गे दाँड़े अरगका ओन्ना-मॊख़नन मॊख़ा गे भेंवाब'ई।