1 तीमोथियुस 1:18 - पुना गच्छरना NT (BSI)

¹⁸ अना तीमोथियुस एंग्‍है ख़द्द, मुन्‍द निंग्‍है पत्त नू तिंका धर्मेसी कत्‍था लेक्‍खा ऎन निंगन तिगाब'अदन। नीन इदिन सुरता नना अरा इदिन पॆस्र'आ ती बॆस लगे नना, एकासे बॆस सैनस तंग्‍है लड़ाइन लड़दस।

1 तीमोथियुस 1:18 ပူးပေါင်းရင်းမြစ်များ

त‍इरकर 16:1

इदही ख़ॊख़ा पौलुस अरा सीलास देरबॆ नगरे केरर, अरा असन ती लुस‍त्रा नगरे अंड़सियर। असन तीमोथियुस नामे ओन्‍टा पत्त'ऊ आलस रहचस। आसी अयंग यहूदी पत्त'ऊ आली रहचा अरा बंगस युनानी आलस रहचस।

1 कोरिन्‍थ 4:17

ई चड्डे दिम ऎन उर्बस नू पत्त'अना जॊगे एंग्‍है चोन्‍हा ख़द्दस तीमोथियुसिन निम्‍है गुसन तइय्कादन। ऎन उर्मी अड्डा नू उर्मी कलीसिया नू सिखाब'अना लेक्‍खा आस मसी येसुस नू एंग्‍है उज्‍जना ओक्‍कनन निमा गे सुरता ननोस।

1 कोरिन्‍थ 9:7

नॆ तंग्‍है ओन्ना-मॊख़ना गे ढिबा चि'अरकी सैना नू नलख नन्‍दस? नॆ अंगुर ही बटकी लगाब'अरकी अदही ख़ंजपन मल मॊख़दस? नॆ अड्डो ऎड़ा पॊसदस ती अदही दुदहिन मल ओन्दस?

फिलिप्‍पी 2:22

लिकिन तीमोथियुस गा ओन्टा ख़द्दस तम्बस गने नलख नू र'अना बेसे, आस एंग्है गने दौ कत्था तेंगना ही नलख नू सुसराचकादस। इत्रु ती आस तंगन पुरुब नंजकादस, अदन नीम अक्कर।

1 तीमोथियुस 1:2

पत्त'अना नू एंग्‍है मानिम ख़द्दस तीमोथियुस गे इदिन लिखदन। धर्मे बंगस, अरा नम्‍है उर्बा मसी येसुस तरती निंगा मया अरा सोग्‍गे अरा कोड़े ख़क्‍खर‍'अन नेक‍अन।

1 तीमोथियुस 1:5

इबड़ा आनका ही चड्डे चोन्‍हा दिम हवे। ई चोन्‍हा निमन जिया अरा दौ लखना अरा बड़ियर पत्त'अना ती दिम बर'ई।

1 तीमोथियुस 4:14

कलीसिया ही सेयान आलर निंग्‍है म‍इय्याँ तम्‍है ख़ेक्खन उइय्यो बारी धर्मेस ती निंग्‍है ख़क्ख्रका सवंग आबोन अमा ख़ाँड़'आ।

1 तीमोथियुस 4:4

धर्मेसी गढ़चका उर्मी जिनिस दौ र'ई। एका जिनिस हों दोसना जॊगे मलकी। उर्मी जिनिसन धन्‍यवाद गने इंझ्रना र'ई

1 तीमोथियुस 6:20

अना तीमोथियुस धर्मेस निंगा सोंपचकादस अदन ख़ापा। अरा महबा मलका ब'अनन अरा एकाद लूर मल्‍ला अदिन लूर ब'अरकी मलदौ कछनख्रना ती तरकूटी र'आ।

2 तीमोथियुस 1:2

एंग्‍है चोन्‍हा ख़द्दस तीमोथियुस गे लिखदन। धर्मे बबस अरा नम्‍है उर्बस मसी येसुस ती निंगा मया अरा सोग्‍गे अरा कोड़े ख़क्‍खर‍'ई नेक‍अन।

2 तीमोथियुस 4:7

ऎन पत्त'अना ही दौ लड़ाई आबोन लड़चकन। एंग्‍है बोंगनन ऎन बोंगकन मुंजकन। ऎन पत्त'अनन मल अम्‍बकन।

तीतुस 1:4

नम्‍है मझी नू र'ऊ पत्त'अना नू एंग्‍है मानिम ख़द्दस तीतुस गे ऎन पौलुस लिखदन। धर्मे बबस अरा नम्‍है बछाब'उस मसी येसुसी मया अरा कोड़े निं‍गा मनन नेक‍अन।

फिलॆमॊन 1:10

मसीस नू एंग्है ख़द्दस ओनॆसिमोस गे ऎन निंग्है गुसन ने'अदन। एन्देरगेका ऎन जेहेल नू हॆंरका बारी आसिन ऎन मसीस नू कड़हाबाचकन ती आस एंग्है ख़द्दस मंजस।