1 तीमोथियुस 1:17 - पुना गच्छरना NT (BSI)

¹⁷ सदौ राजी ननू बॆलस, मल बुड़र‍'ऊ, मल ईथ्र‍'ऊ, ओन्‍टे लेका धर्मेसी म‍ईन अरा महबा सदौ सदौ मनन नेक‍अन। आमेन।

1 तीमोथियुस 1:17 ပူးပေါင်းရင်းမြစ်များ

मत्तायोस 25:34

तहाँ ऎन बॆलन एंग्‍‍है तीना पक्‍खे ता आलारिन ब'ओन, ‘अना एंग्‍है बंगासी आसीस ख़क्‍खका आलारो, बरा, आ राजी ही अदिया ननू मना कला, एकदा हुल्‍लो ती निमा सपड़ाचका र'ई।

मत्तायोस 28:20

अरा आरिन उर्मी कत्‍था एकदन ऎन निमा पॆसकादन, मन'आ गे सिखाब'आ। अरा ऎरा, ऎन उर्मी उल्‍ला ख़ॆख़ेल ही मुं‍ज्रना गूटी निम्‍है गने र'अदन।”

मत्तायोस 6:13

अरा एमन पाप नन्ना ही चिबाख़ारना नू खतर'आ अमा चि'आ, लिकिन मलदौ ती एमन नाड़ा। [एन्‍देरगेका राजी दरा सवंग दरा ओहमा हुल्‍लो गुटी निंग्‍है दिम र'ई। आमेन।]’

यॊहनस 1:18

धर्मेसिन इकला हूँ नॆ हूँ मल ईरकानर। धर्मे बंगासी जिया हेद्दे र'ऊ आसी ओर्त लेका ख़द्दस धर्मेस, धर्मेसिन नमा गे दहदर नंजकादस।

यॊहनस 5:44

नीम गा निम्‍है नू ओर्त ओर्तोस ती ओहमन ख़क्‍खा गे बेद्ददर। लिकिन नीम ओर्त लेका धर्मेस ती बरना ओहमन ख़क्‍खा गे मल बेद्ददर। होले नीम एकासे पत्त'आ ओंगोर?

रोमी 1:20

इकला ती धर्मेस ख़ॆख़ेलन गढ़चस आसी मल ऎथ्रना गुन्न गुट्ठी, आसी जनमजुग ता सवंग अरा आसी धर्मे लेक्‍खा गुन्न ऎथ्रना नू बर'आ लगी। अबड़ा धर्मेसी कमचका ती अख़तार'ई। औंगे आलर धर्मेसिन बलदम ब'आ पोलनर।

रोमी 1:23

आर सदौ उज्‍जना धर्मेसिन महबा मल नन्नर। ऊजी नू नठार'ऊ आल, ऒड़ा, मेक्‍खो अरा नेर्रे गुट्ठी लेक्‍खा मूर्ती गुट्ठी ही महबा नन्नर।

रोमी 11:36

एन्‍देरगेका उर्मी दिम धर्मेस तरती दिम बरचा। अरा उर्मी आसी तिम अरा आस गेम र'ई। आस गे महबा जनमजुग मनत र'अन नेकअन। आमेन।

रोमी 16:27

ओर्त लेका लूरगर धर्मेस गे येसु मसीस ती जनमजुग गूटी ओहमा मनन नेकअन। आमेन।

रोमी 2:10

लिकिन दौ नलख ननुर गे महबा अरा म‍ईन अरा कोड़े मनो। मुन्‍द यहूदीर गे ख़ॊख़ा नन-यहूदीर गे मनो।

रोमी 2:7

एका ओर्तर सहेलहे दौ नलख नन्नुम महबा अरा म‍ईन अरा मल नठारनन धर्मेस ती बेद्दना नू र'अनर, धर्मेस आर गे जनमजुग ही उज्‍जना चि'ओस।

कोलोस्से 1:15

मसीस गा मल ईथ्र'ऊ धर्मेसी रूपे नू र'अदस, अरा सौंसे गढ़्रका ही कोहाँ हिकदस, अरा धर्मेसी जेट्ठा ख़द्द हिकदस।

इब्रानी 11:27

पत्त'अना ती आस बॆलासी खींस ती मल इल्‍चियस ती मिसर राजिन अम्‍बियस ती उरखस केरस। अरा आस मल ऎथ्र'ऊ धर्मेसिन ईरका बेसे ठिमठिम ने रहचस।

इब्रानी 2:7

जुक्‍किम गे नीन आसिन मेर्ख़ा पैकर ती सन्नी कमचकय, आसिन महबा दरा म‍ईन आबोन टुपरी अत्ताचकय।

1 पतरस 5:11

आस गे सवंग हुल्लो ती हुल्लो गूटी र'अन नेकअन। आमेन।

2 पतरस 3:18

नम्है उर्बस अरा लाड़ुस येसु मसीसी मया नू अरा आसिन अख़ना ही लूर नू पर्दनुम कला। आस गेम अक्कुन हूँ अरा हुल्लो गूटी हूँ महबा मनन नेकअन। आमेन।

1 यॊहन 4:12

धर्मेसिन नॆ हूँ इकला हूँ मल्ला ईरका। लिकिन नाम ओर्त ओर्त गने चोन्हा नन्दत होले, धर्मेस नम्है नू बन्चकादस, अरा आसी चोन्हा नम्है नू बड़ियर मन्र'ई।

यहूदा 1:25

नम्है नाड़ू ओन्टे लेका धर्मेस गे, नम्है उर्बस येसु मसीस ती महबा अरा कोड़हे मईन अरा सवंग अरा अदिया हुल्लो ती मुन्द अरा अक्कु अरा हुल्लो गूटी र'अन नेकअन। आमेन।

दहदर मंजका कत्‍था 15:3

अरा आर धर्मेसी जॊंख़स मूसासी डंडीन अरा भेंडो ख़द्द मसीसी डंडीन पाड़ियर, “अना उर्मी ती सवंगिय धर्मे उर्बायो, निंग्‍है नलख गुट्ठी कोहाँ अरा अजगुत र'ई। जुग गुट्ठी ही बॆलायो, निंग्‍है डहरे गुट्ठी उजगो अरा मानिम र'ई।

दहदर मंजका कत्‍था 17:14

इबड़र भेंडो ख़द्द मसीस गने लड़ई ननोर। लिकिन भेंडो ख़द्द मसीस अरा आसी गने गुड़ियार'उर आरिन जित'ओर। एन्‍देरगेका भेंडो ख़द्द मसीस उर्बर ही उर्बस अरा बॆलर ही बॆलस हिकदस। अरा आसी गने गुड़ियार'उर धर्मेस ती मॆख़्रका अरा चज्रका अरा पत्त'ऊ आलर हिकनर।”

दहदर मंजका कत्‍था 19:1

इबड़ा कत्था गुट्ठी ही ख़ॊख़ा ऎन मेर्ख़ा नू ओन्टा कोहाँ आल गोंहड़ा ही चिच्चियारना लेक्खा ओन्टा सड़न मेंजकन। आद एन्ने बाचा का, “हल्‍लेलुया! नाड़रना अरा महबा अरा सवंग नम्है धर्मेसी दिम हिके।

दहदर मंजका कत्‍था 19:16

अरा आसी किचरी नू अरा डुंडे नू ई नामे लिख्रकी रहचा: “बॆलर ही बॆलस अरा उर्बर ही उर्बस।”

दहदर मंजका कत्‍था 19:6

फेन ऎन ओन्टा सड़न मेंजकन, आद कोहाँ आल गोंहड़ा ही चिच्चियारना लेक्खा, अरा कोड़हे बग्गे अम्मु बाहना ही ख़रख़ना लेक्खा, अरा जॊर मुर्रना ही ख़रख़ना लेक्‍खा रहचा। आर एन्ने ब'आ लगियर, “हल्‍लेलुया! उर्मी ती सवंगिय नम्है धर्मे उर्बस राजी नन्दस।

दहदर मंजका कत्‍था 7:12

अरा अबड़र बाचर, “आमेन! नम्‍है धर्मेस गे ओहमा, अरा महबा, अरा लूर, अरा धन्यवाद, अरा मईन, अरा सवंग, अरा पया हुल्‍लो ती हुल्‍लो गूटी मनन नेकअन, आमेन।”