1 तीमोथियुस 1:15 - पुना गच्छरना NT (BSI)

¹⁵ ऎन एन्‍देर ब'अदन आद मानी दिम, निमा अदिन मनना र'ई, का मसी येसुस पपहारिन नाड़ा गे ख़ॆख़ेल नू बरचस, अबड़ा उर्मीर ती कोहाँ पपहा आलन ऎन हिकदन।

1 तीमोथियुस 1:15 ပူးပေါင်းရင်းမြစ်များ

मत्तायोस 1:21

आद ख़द्द पाको अरा नीन आसी येसु नामे पिंजके, एन्‍देरगेका आस तंग्है आलारिन तम्‍है पाप गुट्ठी ती नाड़ोस।”

मत्तायोस 18:10

चिहुंक र'आ का नीम इबड़ा सन्नी मधेर ती नॆकन हूँ अमके ख़ाँड़'आ। एन्‍देरगेका ऎन निमन मानिम ब'अदन का मेर्ख़ा नू आर ही पैकर एंग्‍है मेर्ख़ा ता बंगस गने सगरो र'‍अनर। [

मत्तायोस 18:11

एन्‍देरगेका मनवा ख़द्दन ऎन एबस्रका आलारिन नाड़ा बरचकादन।]

मत्तायोस 20:28

एन्‍देरगेका मनवा ख़द्दन ऎन आलारिन तेतर-सुसर नन्त'आ गे मला आलर गे तेतर-सुसर नना गे, अरा आलारिन तम्‍है पाप ही दंडे ती नाड़ा गे दाँड़े लेक्‍खा एंग्‍है मने ती खे'आ गे ख़ॆख़ेल नू बरचकन।”

मत्तायोस 9:13

लिकिन कला ती सिख्र'आ का ‘ऎन सोग्‍गेन बेद्ददन दाँड़ेन मल्‍ला’ एन्ने ई ब'अना ही एन्‍देर माने मनी। ऎन नॆ तमन उजगो सोचनर आर गे म‍ला नॆ तमन पपहा बुझुरनर आरिन एड़'आ बरचका र'अदन।”

मरकुस 2:17

इदन मेनरकी येसुस आरिन बाचस, “कोड़े दौ आलर गे बैधासी चाड़ मल्‍ला, लिकिन बेमरहर गे र'ई, ऎन नॆ तमन उजगो सोचनर आर गे म‍ला नॆ तमन पपहा बुझुरनर आरिन एड़'आ बरचका र'अदन।”

लू‍कस 15:2

फरिसीर अरा नॆग सिखाब'उर, “ईस गा पपहा आलर गने भिड़ाब'अदस अरा आर ही गने ओन्‍दस मॊख़दस” ब'अरकी कुटमुटर'आ हेलरर।

लू‍कस 19:10

मनवा ख़द्दन ऎन एबस्रकारिन बेद्दा अरा नाड़ा बरचकादन।”

लू‍कस 5:32

अन्नेम ऎन नॆ तमन उजगो सोचनर आर गे म‍ला नॆ तमन पपहा बुझुरनर आरिन जियन किर्त'आ गे एड़'आ बरचका र'अदन।”

यॊहनस 1:12

लिकिन जेतेक आलर आसिन इंझ्रर अरा आसी नू पत्ताचर, अबड़ा ओर्मर गे आस धर्मेसी ख़द्द मना गे अदिया चिच्‍चस।

यॊहनस 1:29

दोसर उल्‍ला यॊहनस येसुसिन तंग्‍है तरा बरना ईरयस ती बाचस, “ऎरा, ईस धर्मेसी भें‍डो ख़द्दो, ईस दिम सौंसार ही पापन ओथ्र'ओस।

यॊहनस 12:47

नेक‍ईम एंग्‍है कत्‍था गुट्ठिन मेन्‍दस ती अबड़न मल मनदस होले, आसिन ऎन नेंव‍ई मल नन्‍दन, एन्‍देरगेका ऎन ख़ॆख़ेलन नेंव‍ई नना गे मला, लिकिन अदिन नाड़ा गे बरचका र'अदन।

यॊहनस 3:36

नॆ धर्मेसी ख़द्दस नू पत्त'अदस, आस गे जनमजुग उज्‍जना र'ई। लिकिन नॆ धर्मेसी ख़द्दासिन मल मन्‍दस, आस आ उज्‍जनन मल ख़क्‍खोस, एन्‍देरगेका धर्मेसी खींस आसी मइय्याँ र'ई।

त‍इरकर 11:1

अक्‍कु यूदेया नू र'ऊ त‍इरकर अरा पत्त'ऊ भइय्योर मेंजर का नन-यहूदीर हूँ धर्मेसी कत्‍थन पत्ताचर।

त‍इरकर 11:18

अबड़ा कत्‍थन मेंजर ख़ने, आर कलेकले मंजर केरर। अरा आर एन्ने ब'अनुम धर्मेसी ओहमा नंजर, “धर्मेस नन-यहूदीर गे हूँ जियन किर्त'अना ती उज्‍जनन ख़क्‍खा गे मोका चिच्‍चस।”

त‍इरकर 3:26

धर्मेस निमन ओर्मारिन निम्‍है मलदौ नलख ती किर्त'आ गे अरा बरकत नना गे आस तंग्‍है जॊंख़स येसुसिन इजताचस ती निम्‍है गुसन मुन्‍द त‍इय्यस।”

रोमी 11:14

एकअम ‍अन्ने ऎन एंग्‍है जातियारिन हराजीता मन्ना ती अरा ई लेक्‍खा आर ती जोक्‍कोर ही नाड़रना ही हूँ असरा नन्‍दन।

रोमी 5:6

एकाबारी नाम नमन नाड़ा पोल्‍ला लिक्‍कत, ख़नेम मसीस ठौका बेड़ा नू नम्‍है पाप गे केच्‍चस।

1 कोरिन्‍थ 15:9

ऎन गा तइरकर ओर्मर ती सन्नी हिकदन। ऎन तइरकन बारना ही जॊगे हूँ मलदन, एन्‍देरगेका ऎन धर्मेसी कलीसियन खिलपत नंजकादन।

इफेसुस 3:8

ऎन उर्मी नेम्हा आलर ती सन्नी र'अदन, अन्नु हूँ एंगा गे ई मया चितारा का ऎन नन-यहूदीर गे मसीसी मल मुंज्रना कोहाँ खुर्जी ही पत्त ता दौ कत्‍थन तेंगोन।

1 तीमोथियुस 1:13

ऎन गा मुन्‍द मसीसिन हींड़'ऊ, अरा आसी आलारिन सताब'ऊ, अरा कड़‍'ऊ रहचकन। अन्नु हों धर्मेस एंग्‍है म‍इय्याँ सोग्‍गे ईरियस, एन्‍देरगेका ऎन मल पत्त'अना अरा बलना ती इबड़ा नलखन नंजकाचकन।

1 तीमोथियुस 1:19

अरा नीन उर्मी बेड़ा धर्मेसिन पत्त'आ अरा एकदन सुपट अख़दय अदिन नना। जोक्‍क आलर गा एकदन सुपट अख़नर अदिन ताड़ना ती कोहाँ डोंगा चटड़ी नू ढोस्रना लेक्‍खा धर्मेस ती तम्‍‍है पत्त'अनन नठाबाचर।

1 तीमोथियुस 3:1

ई कत्‍था मानिम र'ई का एका ओर्तस कलीसिया ही ईरु-ख़ूजू मुद्धस मना बेद्ददस, आस दौ नलख गे मने नन्‍दस।

1 तीमोथियुस 4:9

एंग्‍है ब'अना ई कत्‍था मानिम जॊगे र'ई, इदिन ओर्मर गे इंझ्रना मनो।

1 तीमोथियुस 6:13

ओर्मर गे उज्‍जना चि'ऊ धर्मेसी अरा पोन्‍तियु पिलातुसी मुन्‍दहारे तंग्‍है बॆस गोवाह चिच्का मसी येसुसी मुन्‍दहारे ऎन निंगा गे जिमा चि'अदन।

2 तीमोथियुस 2:11

ई ब'अना पत्त'अना जॊगे र'ई। नाम मसीस गने केचका केरकादत होले, नाम हूँ आसी गने उज्‍जोत।

तीतुस 3:8

इबड़ा कत्‍था गुट्ठी मानिम हिके। अरा ऎन बेद्ददन का आलर इबड़ा कत्‍था गुट्ठी ही पत्त नू बड़ियर लगे बुझ्रनर। होले एकार धर्मेसिन पत्त'अनर, आर दौ नलख नू ल‍इक्‍का र'आ गे चिहुंक ननोर। इबड़ा कत्‍था गुट्ठी बॆस अरा ओर्मर गे धार'ई।

इब्रानी 7:25

औंगे नॆ ईसी तरती धर्मेस गुसन बरनर आरिन आस ओर्मा उल्‍ला गे नाड़ा ख़च्‍चा ओंग्दस, एन्‍देरगेका आस आर गे गोहरार'आ गे जनमजुग गूटी उज्‍जा लगदस।

1 यॊहन 3:5

नीम अख़दर का मसीस नम्है पाप गुट्ठिन हो'आ गे दहदर मंजस, अरा आस नू पाप मलकी।

1 यॊहन 3:8

एका ओर्तस पाप नन्तेम र'अदस, आस नाद ही आलस र'अदस, एन्देरगेका नाद गा ऒड़ तिम पाप नन्तेम र'ई। लिकिन धर्मेसी ख़द्दस नाद ही नलख गुट्ठिन नठाब'आ गेम दहदर मंजस।

1 यॊहन 5:11

अरा आ गोवाह ईद र'ई का, धर्मेस नमा गे जनमजुग उज्जनन चिच्कादस, अरा ई उज्जनन नाम आसी ख़द्दस तरती ख़क्खदत।

दहदर मंजका कत्‍था 21:5

फेन बॆल-गदिया नू उक्‍काचस आस बाचस, “ऎरा, ऎन उर्मिन पुना नन्दन चि'अदन।” फेन आस बाचस, “इदन लिख'आ, इवंगेका इबड़ा कत्था गुट्ठी पत्त'अना जॊगे अरा मानिम र'ई।”

दहदर मंजका कत्‍था 22:6

फेन आ मेर्ख़ा पैकस एंगन बाचस, “इबड़ा कत्‍था पत्त'अना जॊगे अरा मानिम र'ई। धर्मे उर्बस नॆ तंग्है कत्था तिंगुर ही बॊलता गुट्ठिन तंग्है तबे नू नन्दस, आस चाँड़हे मन्ना ही चाड़ र'अना कत्था गुट्ठिन तंग्है जॊंख़र गे ऎद'आ गे तंग्है पैकासिन तइय्कादस।”

दहदर मंजका कत्‍था 5:9

अरा अबड़र ओन्टा पुना डंडी पाड़ा हेलरर का, “नीन आ पुथिन हो'आ गे अरा अदही मरका गुट्ठिन ख़च्‍चा गे जॊगे र'अदय। अरा नीन पिटतारकय ती निंग्‍है ख़ॆंस ती उर्मी गोतोर अरा भखा अरा आल खोंड़हा अरा राजी ती धर्मेस गे आलारिन ख़ीन्दकादय।