1 तीमोथियुस 1:11 - पुना गच्छरना NT (BSI)

¹¹ ई दौ सिखाब'अना उर्मी ती धन्‍य धर्मेसी महबा ही दौ कत्‍था ती बर'ई, एकदा एंगा सोंपरकी र'ई।

1 तीमोथियुस 1:11 ပူးပေါင်းရင်းမြစ်များ

लू‍कस 2:14

“मेर्ख़ा नू धर्मेसी महबा मनन, अरा ख़ॆख़ेल नू नॆ धर्मेसिन खुसमारत'अनर अबड़ा ओर्मर गे सान्‍ति मनन।”

रोमी 2:16

ऎन निम्‍है नू तिंका दौ कत्‍था ही लेक्‍खा धर्मेस म‍सी येसुस ती आ उल्‍ला नू उर्मी आलर ही नूख़ुरका कत्‍था गुट्ठी ही नेंव‍ई ननोस।

1 कोरिन्‍थ 9:17

ऎन इदन एंग्‍है मने ती नन्‍दन होले, एंगा गे इनाम ख़क्‍ख्र'ओ। लिकिन ऎन एंग्‍है मने ती मल नन्‍दन होले हूँ, एंगा चीरकी र'ई आ नलखन दिम ऎन नन्‍दन।

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

गलातिया 2:7

आर मनचर एकासे का धर्मेस यहूदीर ही मझी नू दौ कत्‍थन तेंगा गे पतरसिन तइय्काचस। अन्नेम एंगन हूँ नन-यहूदीर मझी नू दौ कत्‍थन तेंगा गे धर्मेस तइय्‍कादस।

इफेसुस 1:12

होले नाम नॆ मसीस नू मुन्द तिम असरा उइय्का रहचकत आसी महबा ही ओहमा ही चड्डे मना गे आस इदन नंजस।

इफेसुस 1:6

अदगे नाम आसी महबा ही मया गे ओहमा नन्दत नेकअन, एकदा आसी चोन्हा ख़द्दस येसुस नू नमा गे सिथियम चिच्‍चस।

इफेसुस 2:7

आस मसी येसुस नू नम्है मइय्याँ ऎदका सोग्गे ती तंग्‍है मया ही कोहाँ खुर्जिन बरना परिया गुट्ठी नू ऎद'आ गेम इदन नंजस।

इफेसुस 3:10

धर्मेसी उर्मी रकम ही लूर मेर्ख़ा अड्डा गुट्ठी नू राजी ननू बॊलता गुट्ठी गे अरा अदिया ननू आलॊ गुट्ठी गे अक्‍कु कलीसिया ती दहदर नन्तारना र'ई। ईद दिम धर्मेसी चिताबुता हवे।

कोलोस्से 1:25

निमा गे धर्मेसी कत्थन उर्मी तरा तेंगा गे धर्मेसी चिताबुता ही लेक्‍खा ऎन सुसर ननू मंजकन।

1 थेस्‍सलोनिकॆयर 2:4

लिकिन एकासे धर्मेस एमन दौ कत्‍था तेंगना जॊगे कमचस, ऎम अन्नेम तेंगदम। अरा इत्रु आलारिन मला एम्‍है जियन बिढ़दस आ धर्मसिन पत्तारदम।

1 तीमोथियुस 2:7

नॆ यहूदी मलनर आरिन ई पत्त'अनन अरा मानिम कत्‍थन सिखाब'आ गे ऎन दौ कत्‍था तिंगू अरा त‍इरका चजरकादन। ऎन जुक्‍की ती बग्‍गे मल ब'अदन, मानिम ब'अदन।

1 तीमोथियुस 6:15

धर्मेस दिम ठौका बेड़ा नू येसुसिन दहदर ननोस। धर्मेस दिम ओहमा ही जॊगे ओन्‍टे राजी ननू र'अदस। अरा आस बॆलर ही बॆलस अरा उर्बर ही उर्बस हिकदस।

1 तीमोथियुस 6:20

अना तीमोथियुस धर्मेस निंगा सोंपचकादस अदन ख़ापा। अरा महबा मलका ब'अनन अरा एकाद लूर मल्‍ला अदिन लूर ब'अरकी मलदौ कछनख्रना ती तरकूटी र'आ।

2 तीमोथियुस 1:11

ई दौ कत्‍था गे ऎन दौ कत्‍था तिंगू, तइरका अरा सिखाब‍'ऊ उइरकन।

2 तीमोथियुस 1:14

निंगा पत्त'अना ती चिच्का बॆस कत्‍थन नम्‍है म‍इय्याँ मड़चकी र'ऊ नेम्‍हा बॊलतासी सवंग ती बॆस ख़ापा।

2 तीमोथियुस 2:2

एंग्‍है एका सिखाबाचका कत्‍थन नीन नगदे गोवाह आलर ही मुन्‍द मेंजकादय, अदिन असरा जॊगे आलारिन सिखाब'आ। होले आर नन्नारिन हों सिखाब'आ ओंगोर।

तीतुस 1:3

अक्‍कु ठौका बेड़ा नू आस ई कत्‍थन दहदर नंजस, एकदन नाम नम्‍है बछाब'ऊ धर्मेसी पॆसका ती ओर्मर गे तेंगदत। इदिन एंगा गे सोंपतारा।