9 एन्देरगेका धर्मेस नमन तंग्है खींस ती दंडे ख़क्खा गे मल्ला चज्जिका। लिकिन आस नमन नम्है उर्बस येसु मसीस ती नाड़र'आ गे चज्जिकादस।
धर्मेसी कत्था तिंगुर नेम्हा पुथी नू एंग्है पत्त नू एन्देर लिखचकानर अन्नेम मनवा ख़द्दन ऎन खे'ओन दने। लिकिन नॆ एंगन धरत'आ गे संगे चि'अदस आसी मुंज्रना नगदे भयभयान मनो। आस मल कुन्द्रका होले, आस गे दौ रहचा।”
ईद गा दाऊदसी डंडी पुथी नू एन्ने लिख्रकी र'ई, ‘आसी र'अना अड्डा धंस्र'ओ क'ओ नेकअन, अरा अइय्या नॆ हूँ मल ओक्र'ओर नेकअन।’ अरा ‘आसी पद आबोन नन्नस इंझ्र'ओस नेकअन।’
का आस ई सुसर'अना नलख अरा तइरकर ही अड्डन हो'ओस, एकदन यूदस अम्बियस ती तंग्है अड्डा किर्रिम बिच्चियस।”
नन-यहूदीर इदिन मेंजर ख़ने, रिझ्र'आ हेलरर अरा धर्मेसी कत्था ही ओहमा नना लगियर। एका बग्गे आलर मुंजा मलका गुटी उज्जना गे चज्रकाचर, अबड़र दौ कत्थन पत्ताचर।
एकासे का नीम मुन्द धर्मेसी कत्थन मल पॆस्र'आ लिक्कर, अक्कु यहूदीर ही मल पॆस्रना ही चड्डे धर्मेसी सोग्गे ख़क्खकादर।
ईद एन्ने र'ई का, इस्राऎल आलर एका कत्थन बेद्दना नू रहचर अदिन उर्मीर गा पोल्लर ख़क्खा। लिकिन धर्मेसी ती चज्जिका जोक्क आलर अदिन ख़क्खियर। अरा बछ्रका आलर ही जिया बेड़हा मंजा केरा।
अरा नीम आसी तंग्दासी मेर्ख़ा ती बरना ही पाब ऎरालदर, नॆकन धर्मेस केचका ती उज्जताचस। आसिम येसुस हिकदस नॆ नमन बरना नेंवई ही खींस ती बछाब'अदस।
औंगे नॆ हूँ इबड़ा खिलपत चड्डे अम्बोर नुक्र'आ। लिकिन नीम गा अख़दर दिम ऎम ई खिलपत गेम उइरकादम।
ऎन गा मुन्द मसीसिन हींड़'ऊ, अरा आसी आलारिन सताब'ऊ, अरा कड़'ऊ रहचकन। अन्नु हों धर्मेस एंग्है मइय्याँ सोग्गे ईरियस, एन्देरगेका ऎन मल पत्त'अना अरा बलना ती इबड़ा नलखन नंजकाचकन।
लिकिन एंग्है मइय्याँ इदगे सोग्गे मंजा का ऎन उर्मी ती कोहाँ पापहा आलन नू येसु मसीस तंग्है उर्मी कयास आबोन ऎदस। एन्देरगेका एका ओर्तर उर्बा येसुस नू पत्त'अनर ती जनमजुग ही उज्जना ख़क्खनर आर गे आस कोड़हे कयास ऎद'ओस, आर गे ऎन ओन्टा चिन्हा मंजकन।
ख़ने ऎन चज्जरका आलर गे दौ ही चड्डे उर्मी दुक्खेन सारदन। होले अबड़र हों मसी येसुस नू पत्त'ओर ती नाड़नन जनमजुग ही महबा गने ख़क्खनर नेकअन।
मुन्द नीम धर्मेसी आल एन्ने मल अखतारकर, लिकिन अक्कु गा नीम धर्मेसी आलर हिकदर। मुन्द नीम धर्मेसी सोग्गेन मल ख़क्खकर, लिकिन अक्कु गा आसी सोग्गेन ख़क्खकर।
अरा अउरिम नेम्हा पुथी ब'ई का, “आस आलर गे मूड़ना ही पखना अरा आर गे थोथमारना ही चचड़ी र'अदस।” आर धर्मेसी कत्थन मल पॆस्रना ती मूड़नर। ईदिम आर गे धर्मेसी मने रहचा।
ऎन येसु मसीसी जॊंख़न अरा तइरकन सिमॊन पतरस नम्है धर्मेस अरा नाड़ुस येसु मसीसी सोग्गे अरा नेंवई ती एम्है पत्त'अना ही लेक्खा कोड़हे मूली ही पत्त'अनन ख़क्खका निमा ओर्मर गे ई चिठिन लिखदन।
अरा आर तम्है कोड़हे चिबाख़ारना ती ताम कमचका ख़ीरी गुट्ठिन तेंगरकी निम्है गुस्ते फफड़'ओर मॊख़ोर। अरा आर मइय्याँ बरना दंडे पॆसका नगदे उल्ला ही मुन्द तिम धर्मेस ती सपड़ारकी र'ई, अदही बरना ही दिरी मलकी, आर ही नठाब'अना चाड़हेम अंड़सो।
ऎन इदगेम एन्ने लिखदन का जोक्क ठकवा सिखाब'उर निम्है मझी नू कलेकसे कोरचका र'अनर। आर धर्मेसिन नटनर। आर नम्है धर्मेसी मया आबोन मलदौ उज्जना ऎकना ही ओदहा नू बदलनर। आर नम्है ओन्टे लेका उर्बस येसु मसीसिन नटनर। आर ही नठारना चिरान नुम नेम्हा पुथी नू लिखिर ख़च्चकी र'ई।