1 थेस्‍सलोनिकॆयर 5:6 - पुना गच्छरना NT (BSI)

⁶ औंगे नाम नन्‍नर ख़न्‍द्रनर अन्ने अम्‍बोत ख़न्‍द्र'आ। लिकिन नाम एज्रका अरा जगचका र'अना र'ई।

1 थेस्‍सलोनिकॆयर 5:6 ပူးပေါင်းရင်းမြစ်များ

मत्तायोस 13:25

अन्‍ति एकाबारी आलर ख़न्‍द्र'आ लगियर ख़ने आसी बैरी बरचस ती गहूँ ही मझी नू बनेला बिहनिन चाँख़स ती किर्रिम बिच्‍चियस।

मत्तायोस 24:42

औंगे एज्रका र'आ, एन्‍देरगेका नीम बलदर का निम्‍है उर्बस एका उल्‍ला बर'ओस।

मत्तायोस 25:13

औंगे नीम एज्रका र'आ, एन्‍देरगेका नीम आ उल्‍लन महले आ बेड़न बलदर।

मत्तायोस 25:5

बेंजा जॊंख़स चाँड़हे मल बरचस ख़ने, अबड़र कूगा हेलरर अरा ख़न्‍द्रर केरर।

मत्तायोस 26:38

अरा आस आरिन बाचस, “ऎन नगदे हेन्‍दवारदन, अरा ईद एन्ने हवे ऎन खे'अना ही बेड़ा नू र'अदन। नीम इसन र'आ अरा एंग्‍है गने एज्रका र'आ।”

मरकुस 13:37

ऎन एकदन निमन ब'अदन, अदिन ओर्मारिन ब'अदन, ‘एंग्‍है बरना ही पाब ऎरना नू सपड़ारका र'आ’।”

लू‍कस 12:37

इनाम ख़क्‍खू हिकनर अबड़ा जॊंख़र, नॆकन उर्बस बर'ओ बारी एजरका ख़क्‍खोस। ऎन मानिम ब'अदन का उर्बस कड़मन भिड़'ओस ती आरिन मंडी ओना गे ओकत'ओस, अरा हेद्दे बर‍'अरकी आरिन सुसर'ओस।

लू‍कस 12:39

लिकिन इदन अख़'आ का एड़पा उर्बस ख़लबर एकाबारी बर'ओर अदिन अख़'ओस होले एजरका र'ओस अरा तंग्‍है एड़पन उम्‍पा मल चि'ओस।

लू‍कस 21:36

औंगे उर्मी बेड़ा एज्रका र'आ। अरा गोहरार'आ का बर'ऊ अबड़ा जम्मा खिलपत ती बछर'आ गे सवंग अरा मनवा ख़द्दन एंग्हा मुन्‍दहारे इजना जॊगे मन्‍दर नेक‍अन।”

लू‍कस 22:46

ख़ने आस बाचस, “एन्‍देरगे नीम ख़न्‍द्र'आलदर?, चो'आ, धर्मेस निमन बिढ़्रना ती बछाब'आ गे बिन्‍ती नना।”

त‍इरकर 20:31

इदगे एज्रका र'आ अरा सुरता नना का ऎन तीन बछर गूटी उल्‍ला माख़ा चींख़ा चींख़ा ओर्त ओर्तारिन चेताब'आ गे मल अम्‍बकन।

1 कोरिन्‍थ 15:34

उजगो गे एज्र'आ चो'आ, पाप अमा नना। एन्‍देरगेका ऎन निमन लज्‍जे मॊख़त'आ गे इदन ब'अदन का निम्‍है नू जोक्‍कोर धर्मेसिन बलनर।

1 कोरिन्‍थ 16:13

नीम एज्रका र'आ, अरा पत्त'अना नू ठिमठिम ने र'आ, अरा डिढ नना, अरा बड़ियर मना।

इफेसुस 2:3

अबड़र ही मझी नू नाम ओर्मत हूँ मुन्द ओंग्होल नम्है कया ही चिबाख़ारना ही लेक्‍खा उज्जा लिक्‍कत, कया अरा जिया ही मने गुट्ठी लेक्‍खा नना लिक्‍कत। अरा बछ्रका उर्मी आलर लेक्‍खा धर्मेसी कैर ही तबे नू रहचकत।

इफेसुस 5:14

एन्देरगेका बिल्ली दिम उर्मिन ईद'ई चि'ई। ई चड्डेम एन्ने लिख्रकी र'ई का, “अना ख़न्‍द्र'ऊ, एज्र'आ, केचकार ती उज्‍जा चो'आ, होले मसीस निंग्‍है मइय्याँ बिल्‍चोस।”

इफेसुस 6:18

उर्मी बारी उर्मी रकम ही गोहरारना अरा ने'अना ती नेम्हा बॊलतस नू गोहरार'आ। अरा इदन जिया नू उइय्यरकी एज्रका र'आ। अरा सगरो उर्मी नेम्‍हा आलर गे गोहरारनुम र'आ।

फिलिप्‍पी 4:5

निम्‍है कयास मन्नन ओर्मा आलर अख़नर नेक'आ। उर्बस चाँड़हेम बरदस।

कोलोस्से 4:2

गोहरारतेम र'आ, अरा धर्मेस गे धन्‍यवाद नना ती गोहरारना नू एज्रका र'आ।

1 थेस्‍सलोनिकॆयर 4:13

अक्‍कु भईरो, केचका आलर ही पत्त नू नीम बल्‍लुर लेक्‍खा र'आ गे, अरा अदही पत्त नू असरा मल्‍ला आर ही लेक्‍खा नीम दुक्‍ख नू र'आ गे ऎम मल बेद्ददम।

1 थेस्‍सलोनिकॆयर 5:10

मसीस नमा गे केच्‍चस। औंगे नाम उज्‍जत र'ओत महले केचका र'ओत, आस किर्रो बारी आसी गने नाम सगरो उज्‍‍जोत।

1 थेस्‍सलोनिकॆयर 5:8

लिकिन नाम गा उल्‍ला ही मंजकत ती जगचका र'अरकी पत्त'अना अरा चोन्‍हा ही कवच अत्तोत, अरा नाड़रना ही असरा आबोन पन्ना ही टोपी बेसे अत्तोत।

1 तीमोथियुस 2:15

अन्नु हों मुक्‍कर पत्त‍'अना, चोन्‍हा अरा नेम्‍हा नू बड़ियर मन्नुम र'ओर होले, आर ख़द्द पाकना चड्डे नाड़र'ओर।

1 तीमोथियुस 2:9

अन्नेम मुक्‍कर इल्चका लज्‍जे ती दौ गने दौले अत्तरकुन्‍दर‍'अर सिंगरारनर नेक‍अन। चुट्टी बिनयारना अरा सोना मोती गुट्ठी अरा बग्‍गे दामी किचरी गुट्ठी ती सिंगरारना मला।

1 तीमोथियुस 3:11

एन्नेम आर ही मुक्‍कर हूँ म‍ईन ही जॊगे र'अना र'ई। अरा आर दुस‍'ऊ अम्‍बोर र'आ। अरा आर चिहुंक अरा उर्मी कत्‍था नू पत्त‍'ऊ मन्नर नेक‍अन।

1 तीमोथियुस 3:2

औंगे कलीसिया ही ईरु-ख़ूजू मुद्धासी उज्‍जना बिज्‍जना उजगो मन्‍ना र'ई। अरा आस ओन्‍टे लेका मुक्‍का उइय्युस अरा चिहुंक, अरा म‍ईन जॊगे आल, अरा पाही ईरू अरा सिखाब‍'आ ऊंगू र'अना र'ई।

2 तीमोथियुस 4:5

लिकिन नीन इबड़ा उर्मी कत्‍था गुट्ठी नू चिहुंक र'आ, दुक्‍खे सार'आ, दौ कत्‍था मेन्त'आ कुद्दना ही नलख नना, अरा धर्मेसी चिच्का उर्मी नलखन नना।

तीतुस 2:12

अरा नमन तिगाब'ई का नमा बिगर महबा उज्‍जना अरा पाप नन्ना ही चिबाख़ारना गुट्ठी ती जियन किर्त'अना मनो। अरा नाम बगड़ारका ई परिया नू नॆत नॆग अरा मानिम नन्ना ती महबा नू उज्‍जना र'ई।

तीतुस 2:6

एन्नेम जॊंख़ मॆतारिन हों नॆत नॆग ती उज्‍जा गे रिझाब'आ।

1 पतरस 1:13

औंगे नीम अपन अपन जियन नलख नना गे सपड़'आ। अरा खतिर नन्ना ती र'आ। अरा येसु मसीसी दहदर मन्ना ही बेड़ा नू निमा ख़क्ख्रना र'ई आ मया मइय्याँ निम्है उर्मी असरा आबोन उइय्या।

1 पतरस 4:7

उर्मी कत्था गुट्ठी ही मुंज्रना हेद्दे अंड़सकी र'ई। औंगे नीम फरी जिया ती गोहरार'आ गे निमन सम्ड़ह'आ।

1 पतरस 5:8

चिहुंक र'आ, अरा एज्रका र'आ। निम्है कोहाँ बैरी नाद मुर्ना लकड़ा लेक्खा इदिन बेद्दा कुद्दी का नॆकन चर्रोन मॊख़ोन।

दहदर मंजका कत्‍था 16:15

उर्बस ब'अदस, “ऎरा, ऎन ख़लबर लेक्‍खा आचका बरदन। नॆ एज्रका र'अदस, अरा तंग्है किचरी कुट्ठिन अत्तका र'अदस का लंगड़ा अम्‍बोस कुद्दा, अरा आलर आसिन लंगड़ा अम्‍बोर ऎरा, आस आसीस ख़क्ख'ऊ र'अदस।”

दहदर मंजका कत्‍था 3:2

अक्‍कु एज्र'अय, अरा खे'आ बेद्दना ती नॆ नॆ बछ्रका र'अनर आरिन बड़ियर नना। एन्‍देरगेका निंग्‍है नलख गुट्ठिन एंग्है धर्मेसी ऎरना नू अदखला ख़क्‍खकन।