1 थेस्‍सलोनिकॆयर 5:4 - पुना गच्छरना NT (BSI)

^4-5 लिकिन अना भईरो, नीम ओर्मर बिल्‍ली ही आलर अरा उल्‍ला ही आलर हिकदर। नाम माख़ा अरा ऊख़ा ही मलदत। नीम गा धर्मेसिन बल्‍लू आलर लेक्‍खा ऊख़ा नू मलकर का आ उल्‍ला ख़लबस लेक्‍खा बर'ओ ती निमन कुल्‍लो।

1 थेस्‍सलोनिकॆयर 5:4 ပူးပေါင်းရင်းမြစ်များ

मत्तायोस 10:15

ऎन निमन मानिमन ब'अदन, ‘रायबड़ी उल्‍ला नू सोदोम अरा गोमोरा नगरे ता आलर ख़क्‍खना दंडे ती ई नगरे ता आलर ही ख़क्‍खना दंडे बग्‍गे मलदौ मनो।’

लू‍कस 21:34

नीम चिहुंक ननके। ख़ॆख़ेल ता ओन्ना-मॊख़ना ही चिबाख़ारना अरा उंखना अरा ख़ॆख़ेल ही जिनिस ता फिकर ती निम्‍है जिया अम्‍बन बेहड़ार'आ का आ उल्‍ला निमा गे ‍अचका ही ‍अंड़सा ख़च्‍चो।

त‍इरकर 26:18

ऎन आर ही ख़न्न चलख़'आ गे निंगन आर गुसन त‍इय्या लगदन। ख़ने आर ऊख़ा ती बिल्‍ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्‍खा ओंगोर अरा एंग्‍है म‍इय्याँ ता पत्त'अना ती नेम्‍हा मन्रका आलर गने अड्डा ख़क्‍खा ओंगोर।’

कोलोस्से 1:13

आसिम नमन ऊख़ा ही आकुस ती नाड़ियस ती तंग्‍हा चोन्‍हा ख़द्दासी राजी नू मंखियस।

1 थेस्‍सलोनिकॆयर 5:2

एन्‍देरगेका उर्बासी बरना उल्‍ला माख़ा ख़लबर ही बरना लेक्‍खा मनो, अदिन नीम बॆस लगे अख़दर।

2 पतरस 3:10

लिकिन उर्बासी बरना उल्ला गा ख़लबस लेक्खा आचका बर'ओ। अउला मेर्ख़ा गुट्ठी गरजारनुम मेटर'ओ कालो, अरा मेर्ख़ा ता आलॊ गुट्ठी गौंगौंर'ओ ती चोदख़ो कालो ती नठार'ओ, अरा ख़ॆख़ेल नू आलर नंजका उर्मिन धर्मेस नेंवई नना गे दहदर नन्त'ओस।

1 यॊहन 2:8

अन्नु हूँ एका पॆसकन ऎन अक्कुन लिखदन, आद पुना हवे। ई पॆसका ही मानिम मसीस नू अरा निम्है नू हूँ ईथ्र'ई, एन्देरगेका ऊख़ा तरकूटी मनाली अरा मानी बिल्ली अक्कु बिल्चाली।

दहदर मंजका कत्‍था 16:15

उर्बस ब'अदस, “ऎरा, ऎन ख़लबर लेक्‍खा आचका बरदन। नॆ एज्रका र'अदस, अरा तंग्है किचरी कुट्ठिन अत्तका र'अदस का लंगड़ा अम्‍बोस कुद्दा, अरा आलर आसिन लंगड़ा अम्‍बोर ऎरा, आस आसीस ख़क्ख'ऊ र'अदस।”

दहदर मंजका कत्‍था 3:3

औंगे सुरता नना का एका कत्‍थन नीन इंझरकादय अरा मेंजकादय, अरा अदिन पॆस्र'आ, अरा जियन किर्त'आ। नीन एज्रका मल र'अदय होले, ऎन ख़लबस लेक्‍खा बर'ओन। अरा नीन कहियों बल्लोय का ऎन एका बेड़ा नू निंग्है बिड़दो बर'ओन।