25 भईरो, एमा गे गोहरार'आ।
अना एंग्है भईरो! नम्है उर्बस येसु मसीस ती अरा नेम्हा बॊलतासी चोन्हा ती ऎन निम्है गुसले ने'अदन का, एंगा गे एंग्है गने धर्मेसिन गोहरारना नू बोथ्रका र'आ,
नीम हूँ निम्है गोहरारना ती एम्है सहाड़ा नना। औंगे ई लेक्खा बग्गे गोहरारना चड्डे एमा आसीस मनो, अरा अदगे नगदे आलर धर्मेसिन धन्यावाद ननोर।
एन्देरगेका ऎन अख़दन का निम्है गोहरारना गुट्ठी ती अरा येसु मसीसी बॊलतस चि'अना संगरा ती एंगा नाड़रना मनो।
अरा इदही गने एमा गे हूँ गोहरार'आ का धर्मेस एमा गे दौ कत्था तेंगा गे बलिन तिसगदस नेकअन। होले ऎम मसीसी पत्त ता गम ही कत्थन तेंगा ओंगोम। ई नलख ही चड्डेम ऎन जेहेल नू हॆंरकादन।
अउर ओन्टा कत्था ऎन मेन्दन का एंगा र'आ गे ओन्टा पाही कुठली सपड़'अके उइय्के। एन्देरगेका ऎन असरा नन्दन का धर्मेस निम्है गोहरारना गुट्ठिन मेनोस, अरा ऎन अउरिम निम्है गुसन बर'आ ओंगोन।
